Һәм Гуран ҝеҹәси, һәм итрәт ҝеҹәсидир. Буна ҝөрә мүбарәк "Гәдр" сурәси дә вилајәт сурәсидир
“Гәдр ҝеҹәси ("Гәдр", 3) (саваб бахымындан) мин ајдан даһа хејирлидир!” Бир ҝеҹә мин отуз ҝүндән, мин ајдан даһа мүһүмдүр. Нә үчүн бир ҝеҹәјә бу гәдәр фәзиләт вермишләр? Чүнки Аллаһын бәрәкәти бу ајда чохдур. Бу ајда мәләкләрин назил олмасы чохдур. Бу ҝеҹә салам ҝеҹәсидир. “О ҝеҹә дан јери сөкүләнә кими (бүсбүтүн) саламатлыгдыр! (әмин-аманлыгдыр)” ("Гәдр", 5) Бу ҝеҹәнин әввәлиндән сонунадәк бүтүн анлары илаһи саламдыр.
“Рәһимли Рәбдән (онлара) “салам” дејиләҹәкдир”. ("Јасин", 58)
Аллаһын рәһмәт вә фәзиләти бәндәләринә назил олур. Гәдр ҝеҹәси вилајәт ҝеҹәсидир. Һәм Гуранын назил олдуғу ҝеҹәдир, һәм мәләкләрин Имам Замана (әҹ.) назил олдуғу ҝеҹәдир, һәм Гуран ҝеҹәси, һәм дә Әһли-бејт (ә) ҝеҹәсидир. Һәм Гуран ҝеҹәси, һәм итрәт ҝеҹәсидир. Буна ҝөрә мүбарәк "Гәдр" сурәси дә вилајәт сурәсидир.
Гәдр ҝеҹәсинин чох дәјәри вар. Бүтүн рамазан ајы, ҝеҹәләри вә ҝүндүзләри үлвидир. Әлбәттә, Гәдр ҝеҹәси рамазан ајынын ҝүндүзләринә вә ҝеҹәләри илә мүгајисәдә чох фәрглидир. Амма рамазан ајынын ҝеҹәләри вә ҝүндүзләри илин диҝәр ҝеҹә вә ҝүндүзләринә нисбәтдә чох фәрглидир.
Илин ән јахшы ҝеҹәләри
Ән јахшы фүрсәт илин бәзи ҝүнләридир. Мүбарәк рамазан ајы да бу гәбилдәндир. Рамазан ајы арасында исә Гәдр ҝеҹәсидир.
Гәдр ҝеҹәси бу үч ҝеҹәнин (рамазан ајынын он доггузунҹу, ијирми биринҹи вә ја ијирми үчүнҹү ҝеҹәси) арасындадыр. Мәрһум Мүһәддис Гуминин нәгл етдији бир рәвајәтә ҝөрә, сорушулду: "Бу үч ҝеҹәнин - вә ја ики ҝеҹәнин, јәни ијирми бир вә ијирми үчүнҹү ҝеҹәнин - һансы Гәдр ҝеҹәсидир?" Ҹавабында бујурду: "Инсанын ики ҝеҹәни - вә ја үч ҝеҹәни - Гәдр ҝеҹәси һесаб етмәси нә гәдәр асандыр". Үч ҝеҹәнин арасында шүбһәли олмасынын нә әһәмијјәти вар? Үч ҝеҹә нә гәдәрдир ки? Елә инсанлар олмушдур ки, бүтүн рамазан ајыны әввәлдән ахырадәк Гәдр ҝеҹәси һесаб етмишләр вә Гәдр ҝеҹәсинин әмәлләрини һәјата кечирмишләр. (Бу ҝеҹәләрин) Гәдрини билин.
Ајәтуллаһ Сејид Әли Хаменеи
