Өз өлкәләринин орта, һәтта ибтидаи мәктәбләриндә дә олса, әлләринин алтында олмасына бахмајараг, һәссаслыг ҝөстәрирләр
Ислам аиләјә әһәмијјәтли јанашыр. Гәрбин трибуналарынын вә информасија ресурсларынын мүсәлманларла буҝүнкү давасы мәһз бу мәсәләдир. Сиз ҝөрүн һиҹаба гаршы неҹә һәссаслыг ҝөстәрирләр. Бу һиҹаб Ислам Республикасында олса, ону пис сајырлар;
Гәрб өлкәләринин университетләриндә олса - орада ҝәнҹ тәләбә гызлар мәлуматлы, аҝаһ шәкилдә вә өз истәкләри илә һиҹаба үз тутмушлар - һәссаслыг ҝөстәрирләр; сијаси партијаларда олса, һәссаслыг ҝөстәрирләр; өз өлкәләринин орта, һәтта ибтидаи мәктәбләриндә дә олса, әлләринин алтында олмасына бахмајараг, һәссаслыг ҝөстәрирләр. Демәли, әсас мәсәлә будур. Даим фәрјад гопарырлар ки, Исламда, јахуд Ислам Республикасында гадын һүгуглары тапданыр. Өзләри дә буна инанмырлар, Ислам Республикасында гадын һагларынын тапданмадығыны вә һәтта ҝүҹләндијини билирләр. Сиз ҝөрүн али мәктәбләрдә тәһсил алан гыз тәләбәләрин сајы бу ҝүн чохдур, јохса тағут режими заманы чох иди? Ҝөрүрсүнүз ки, бу ҝүн чохдур. Тәһсилдә парлајан вә ән јүксәк гијмәт алан гыз тәләбәләр бу ҝүн чохдур, јохса онда чох иди? Ҝөрүрсүнүз ки, бу ҝүн чохдур. Тибб вә мүалиҹә мәркәзләриндә, мүхтәлиф елм мәркәзләриндә тәдгигат ишләри илә мәшғул олан гадынлар бу ҝүн чохдур, јохса о заман чох иди? Ҝөрүрсүнүз ки, бу ҝүн чохдур. Өлкәнин сијаси ишләриндә вә бејнәлхалг тәшкилатларда фәал иштирак едән, орада өз өлкә вә халгларынын һүгугларыны мүдафиә едән гадынлар бу ҝүн чохдур, јохса о заман чох иди? Ҝөрүрсүнүз ки, бу ҝүн чохдур. Онда гадынлар мүхтәлиф јерләрә сәфәр едирдиләр, амма бу, формал характер дашыјырды, һәвәсбазлыг үчүн вә өзләрини она-буна ҝөстәрмәкән өтрү иди. Лакин бу ҝүн мүсәлман гадын бејнәлхалг топлантыларда, мүхтәлиф бејнәлхалг конфрансларда иштирак едир, елм мәркәзләриндә вә университетләрдә елми, сијаси, јахуд идари ишләрдә фәал чалышыр. Бунлар дәјәрлидир.
Ајәтуллаһ Сејид Әли Хаменеи
