Һагг, илаһи маарифи ҹамаата чатдырмагла, онлара Аллаһын әзабыны хатырлатмагла бу рамазан ајыны абадлашдырын
Рамазан ајынын вә тәблиғ үчүн сајылы ҝүнләрин гәдрини чох билмәк лазымдыр. Бу ҝүнләрдә ҹамаат һазырдыр. Әлбәттә, информасија васитәләри Исламы тәблиғә гуллуг едирләр. Амма бизим минбәр әнәнәмиз, јәни динләјиҹинин гаршысында әјләшмәк, онунла үз-үзә данышмаг мүстәсна бир шејдир. Буну әлдән вермәјин. Бу, чох әзәмәтли, дәјәрли вә мүһүм шејдир.
Рамазан ајы ән јахшы фүрсәтдир
Мәсҹидләрдә, минбәрләрдә, Гуран мәҹлисләриндә, ҹамаатын топлашдығы бүтүн дини јығынҹагларда ҹамааты (Аллаһын әзабы илә) горхутмаг лазымдыр. Аллаһа шүкүрләр олсун ки, сијаси вә иҹтимаи мәлуматландырма, ҹамаата ҝениш сијаси ҝөрүш вермәк һәрәкаты ингилабдан өнҹәдән башламышдыр. Бу ҝүн дә вар вә давам едир. Бу мәлуматландырма илә јанашы ҹамаатда мәнәвијјат руһуну да ојатмаг лазымдыр. Бу иш үчүн рамазан ајы ән мүнасиб фүрсәтдир.
Руһани кәламынын тәсиринин башлыҹа амили
Әлбәттә, өзүмүздән дә башламалыјыг. Ҹамаат бизим әмәлимизә бахыр. Руһанинин сөзү о заман кечәрли олаҹаг ки, дүнја бәзәк-дүзәјинә етинасыз олдуғуну әмәлдә ҝөстәрсин. Ҝөстәрмәлидир ки, дүнја вурғунларынын көнүлләриндә олан тамаһ онда јохдур. Буну ҝәрәк ҹамаата ҝөстәрәк. Руһанијјәт бу һејсијјәтә, абыра тәгва сајәсиндә наил олмушдур. Бу, пәһризкарлыг, дүнја бәзәкләринә етинасызлыгдан горунмагдыр.
Əлбәттә, дүнја малына етинасызлыг орта сәвијјәдә һәјат сүрмәклә зиддијјәт тәшкил етмир. Дүнјанын ардынҹа гачмаг, раһат, јахшы, әјан вә тәмтәраглы һәјат нүмунәләрини истәмәк онун үчүн чалышмаг – дүнја әһлинин өмрү анбаан белә шејләрин ардынҹа ҝетмәклә кечир – руһани, елм әһли шәхсијјәтиндән ашағыда дурур. Ҹамаат буну биздә ҝөрмәлидир, һисс етмәлидир.
Һагг, илаһи маарифи ҹамаата чатдырмагла, онлара Аллаһын әзабыны хатырлатмагла бу рамазан ајыны абадлашдырын. Ҹамааты тәгваја, әмәлә, Аллаһдан горхмаға сөвг един. Гијамәти вә илаһи әзабы ҹамаат үчүн изаһ един. Бу мөвзудакы рәвајәтләри ҹамаат үчүн охујун. Ҹамаатын үрәјини Аллаһла таныш един, араларында үнсијјәт јарадын. Ҹиһад, мүбаризә, дајаныглылыг, өлкә гуруҹулуғу, дүнја вә ахирәт сәадәти Аллаһла үнсијјәт, көнүлләри онунла таныш етмәк сајәсиндә мүмкүндүр.
Ајәтуллаһ Сејид Әли Хаменеи
