Мүстәбидлик, диктаторлуг өзүнәвурғунлугдан, мәнәм-мәнәмчиликдән, әдабазлыгдан гајнагланыр

Һәзрәт Әлинин (ә)Â Малик Әштәрә мәктубунун шәрһи
Һәзрәт Әлинин (ә) нәзәриндә халгла амансыз рәфтар етмәк Аллаһ бәндәләринә ситәм гылмаг Аллаһла саваш кимидир. Гаршыдакы сөһбәтләримиздә гејд едәҹәјик ки, ситәмкарларын вә залымларын сону лабүд мәғлубијјәт вә сүгутдур. Чүнки кимсәдә варлыг аләминин халигинә гаршы вурушмаг гүдрәти јохдур. Һеч бир һаким Аллаһын әфв вә мәрһәмәтиндән еһтијаҹсыз дејил. Һәзрәт Әли (ә) бујурур:
“Халгла амансыз давраныб, Аллаһла саваш мөвгеји тутма. Сәндә онун әзабы гаршысында дајанмаг ҝүҹү јохдур, онун бәхшиши вә меһрибанлығындан еһтијаҹсыз дејилсән. (Халга мүнасибәтдә) әфв вә бәхшишә ҝөрә пешиман олма. Ҹәзаландырмагдан ләззәт алма, һеч вахт гәзәбләнәркән тәләсмә (сәрт аддым атма), олсун ки, чыхыш јолу тапасан.”Мүстәбидлик (диктаторлуг)
Архајынлыгдан, өзүнәвурғунлугдан, тәкәббүр вә ловғалыгдан гајнагланан диктаторлуг хисләти инсаны өзбашыналыға, деспотизмә, әгидәсини әтрафдакылара зорла гәбул етдирмәсинә сүрүкләјир.
Белә бир хисләтә малик олан вә мүсәлманлара һакимијјәт күрсүсүнә галхмыш һакимин гәбаһәти тәкҹә зор, јалан, һүгуглары позмаг јох, һәм дә онун мүгәддәс Ислам ајинләрини виран гојмасы, мүсәлманлары иззәтдән зилләтә гајтармасы, инсанлары хошбәхтликдән бәдбәхтлијә апармасыдыр. Һәзрәт Әли (ә) бујурур:
“Демә ки, бу ҝүн мән онлара һакимәм, мәним ишим әмр етмәк, онларын иши табе олмагдыр. Чүнки белә бир јанашма ејнән фәсадын гәлбә јол тапмасы, диндә зәифлик вә немәтләрин кәсилмәсинә јахынлашмагдыр.”Мүстәбидлијә гаршы
Гејд етдик ки, мүстәбидлик, диктаторлуг өзүнәвурғунлугдан, мәнәм-мәнәмчиликдән, әдабазлыгдан гајнагланыр. Әлавә едәк ки, бүтүн бунларын көкү ҹәһаләт вә наданлыгдыр. Өз ҹисминдән вә руһундан хәбәрдар олан, Аллаһын мүгәддәс заты мүгабилиндә өз аҹизлијини анлајан, бүтүн оланларыны Онун тәрәфиндән билән инсан тәкәббүр вә түғјандан әл чәкир, өзбашыналыгларына ҝөрә утаныр. Һәзрәт Әли (ә) Маликин диггәтини онун өзүнә јөнәлтмәк, Аллаһын әзәмәти гаршысында әһәмијјәтсиз мәгамыны хатырлатмаг үчүн бујурур:
“Әҝәр мәгам вә гүдрәтин сәнин гәлбиндә азғынлыг вә хүлја јаратса, сәндән үстүн Аллаһын әзәмәт вә гүдрәтинә нәзәр сал. Онун үстүн гүдрәтини өзүнлә вә ихтијарында олмајанларла мүгајисә ет. Белә бир өлчү, шүбһәсиз, сәни јериндә отурдар, түндлүјүнү ҹиловлајар вә ағлыны башына гајтарар.”