Шрифт өлчүсү:
А+
А
А-
29 Декабр 2013

Үч рәвајәт

Шејтанын фәрјады 

Инсанларын бәзи рәфтарлары шејтан үчүн о гәдәр горхулудур ки, о онлары ешидәндә фәрјад чәкәрәк нараһат олар.
Бир ҝүн шејтан Мәсҹидүл-һәрамда бир күнҹүндә дајанмышды. Һәзрәт Пејғәмбәр (с) Кәбәни тәвафа мәшғул иди. О һәзрәт (с) тәвафы гуртардыгдан сонра, Иблиси зәиф вә рәнҝи гачмыш һалда бир күнҹдә дајандығыны ҝөрүр.
Бујурду: “Еј мәлун! Сәнә нә олуб бу гәдәр зәифсән вә рәнҝин гачыб?”
Şејтан деди: “Сәнин үммәтинин әлиндән ҹана ҝәлмишәм.”
Һәзрәт (с) бујурду: “Мәҝәр мәним үммәтин сәнә нә едиб?”
Şејтан деди: “Ја Рәсулуллаһ! Онларда бир нечә јахшы хисләт вар. Һәр нә гәдәр чалышырам, о хасијјәтләри онлардан алым, амма баҹармырам.”
Бујурду: “Сәни онларын һансы хасијјәтләри нараһат едир?”
Деди: “Биринҹиси одур ки, һәр вахт бир-бирини ҝөрәндә салам верирләр вә салам да Аллаһын адларындан биридир. Демәли, һәр кәс салам версә, Аллаһ-Таала ону һәр бәла вә чәтинликдән горујар. Һәр ким дә саламын ҹавабыны верә, Аллаһ-Таала Өз рәһмәтини она шамил едәр.
Икинҹиси: Бир-бирләрини ҝөрәндә әл ҝөрүшүрләр. Әл ҝөрүшмәк дә чох саваб ишдир вә әлләрини ајырмамыш Аллаһ-Таала һәр икисинә мәрһәмәт едәр.
Üчүнҹүсү: Јемәк јемәјә башлајанда вә һәр һансы бир иши ҝөрмәк истәјәндә Бисмиллаһ дејирләр. Мәни о јемәји јемәкдән вә о мәҹлисдә иштирак етмәкдән мәһрум едирләр.
Дөрдүрнҹү: Һәр вахт данышанда Иншааллаһ дејирләр вә Аллаһын әдаләтинә разы олурлар. Мән дә онларын ишини поза билмирәм вә мәним ағры вә мәрһәмәтими хараб едирләр.
Бешинҹи: Сүбдән ахшама кими чалышырам онлары ҝүнаһа тәрәф чәким. Амма ахшам олан кими төвбә едирләр вә мәним бүтүн зәһмәтләрими һәдәрә верирләр. Беләликлә, Аллаһ-Таала да онларын ҝүнаһларыны бағышлајыр.
Алтынҹы: Бунларын һамысындан мүһүмү будур ки, сәнин адыны ешидән кими јүксәк сәслә салават дејирләр. Салаватын нә гәдәр саваб әмәл олдуғуну мән јахшы билирәм вә нараһат һалда орадан гачыб ҝедирәм. Савабы ҝөрмәјә тагәтим јохдур.
Једдинҹи: Онлар һәр вахт сәнин Әһли-бејтини ҝөрәндә, онлара мәһәббәт ҝөстәрирләр вә бу ән јахшы әмәлдир...”
Сонра һәзрәт (с) үзүнү сәһабәләринә тутуб бујурду: “Һәр кимдә бу хисләтләрдән бири олса беһишт әһли олар.”

Әршдә олан ад

Бир ҝүн бир киши Имам Әлинин (ә) һүзуруна ҝәлиб әрз едир: Ја Әли! Сизә Әмирәлмөминин дејирләр, ким сизи Әмирәлмөминин тәјин едиб?

Һәзрәт имам Әли (ә) бујурду: “Аллаһ-Таала мәни әмирәлмөминин тәјин едиб.”

О шәхс һәзрәт Пејғәмбәрин (с) һүзурана ҝедиб әрз етди: Ја Рәсулуллаһ! Доғурданмы Әли дүз дејир ки, ону Аллаһ-Таала әмирәлмөминин тәјин едиб?

Һәзрәт Пејғәмбәр (с) бујурду: Тамамилә доғрудур, Уҹа Аллаһ Әлини јаратдыгларына әмир тәјин едиб. Аллаһ-Таала әршдә мәләкләри шаһид ҝәтирәрәк Әлини (ә) Аллаһын хәлифәси, һөҹҹәти вә мүсәлманларын имамы тәјин едиб. Она итаәт етмәк, Аллаһа итаәт етмәк, она итаәтсизлик дә Аллаһа итаәтсизлик демәкдир. Һәр ким ону танымаса, бизи танымајыб вә һәр ким ону таныса, бизи танымыш олур. Һәр ким онун имамәтини инкар етсә, пејғәмбәрлији вә мәни инкар етмиш олур. Һәр ким онун әмирлијини инкар етсә, мәним рисаләтими инкар етмиш олур. Һәр ким онунла мүһарибә етсә, мәнимлә мүһарибә етмиш сајылыр вә һәр ким ону чәтинлијә салса, мәни чәтинлијә салмыш олур. Она ҝөрә дә, о мәндәндир вә мәним ҝүлүмдән хәлг олмушдур. Еләҹә дә о мәним гызым Фатимәнин һәјат јолдашыдыр, Һәсән вә Һүсејнин атасыдыр.

Шиәләрин елми етигадларына әсасән, “әмирәлмөминин” ләғәбини Аллаһ-Таала имам Әлијә (ә) вериб. Бу ләғәб, Имам Әлидән (ә) башга, истәр ондан габаг вә ја истәрсә дә ондан сонра һеч кимә верилмәјиб.”

Һәзрәт Пејғәмбәр (с) јенә бујурду: Мән, Әли, Фатимә, Һәсән, Һүсејн вә имам Һүсејнин 9 өвлады Аллаһын јаратдыгларынын һөҹҹәтијик, бизим дүшмәнләримиз Аллаһын дүшмәнидир вә достларымыз да Аллаһын достудур.


Һәзрәт Илјасдан (ә) бир нәсиһәт

Һәзрәт Илјас (ә) сәјаһәт заманы бир сәјјаһла растлашыр. Бир нечә саат бирликдә сөһбәт етдиләр.

Илјас (ә): Де ҝөрүм евләнмисән?

Сәјјаһ: Хејр.

Һәзрәт Илјас (ә): Мүтләг евлән вә тәк јашама.

Сәјјаһ: Чох јахшы, амма киминлә вә һансы хүсусијјәтли ханымла?

Һәзрәт Илјас (ә): Сәнә төвсијәм будур ки, бу дөрд хүсусијјәтдән биринә малик олан гадынла евләнмә.

Бу дөрд хасијјәт бунлардыр:

1. Әриндән сәбәбсиз тәлаг истәјән;

2. Егоист вә олмајан шејләрлә ифтихар едән;

3. Иффәт вә писликләрин сәрһәддини билмәјән, еләҹә дә өзбашына;

4. Өзүнү үстүн сајан вә һәјат јолдашына итаәт етмәјән.


Nur-az.com
Дилимизә чевирди: Р. Һүсејнов


5022 بازدید
در حال ارسال اطلاعات...