Nur-az.com сһиа-неwс.ҹом-а истинадән:
İШИД-ин башчысы үнваныны дашыјан террорист Әбу Бәкр әл-Бағдадијә мәнсуб әлдә едилән 1980-ҹи ил тарихли шәхсијјәт вәсигәсинә әсасән, о, 1971-ҹи ил ијулун 1-дә Ирагын Самирра шәһәриндә дүнјаја ҝәлиб. Онун әсл ад вә сојады Ибраһим Әввад Ибраһим әл-Бәдридир. Гоншуларынын вердији мәлумата ҝөрә, бу шәхс садә бир әкинчи аиләнин дөрдүнҹү оғул өвлады имиш.
Онун орта тәһсил алдығы дөврләрдә әхлаг вә инзибатда нисбәтән мүсбәт характерли шаҝирд олдуғу мәлумат верилир.
1987-ҹи ил тарихли 1136 нөмрәли сәнәдә әсасән, онун 16 јашы вар имиш вә Самирра шәһәриндә орта мәктәбдә өз әсл ад вә фамилијасы илә тәһсил алырмыш. Һәмин сәнәдә ҝөрә, онун һәтта бир дәфә синифдә галдығы вә Сәддам Һүсејнин вахтында ордуда әсҝәр вәзифәсиндә чалышыб, сонра һәлак олан гардашына ҝөрә әлавә бал газанараг синифдән-синифә кечдији вә 1991-ҹи илдә орта мәктәби битирдији гејд едилир.
Онун ушаглыг дөврүнүн хатирәләриндән данышанлар дејирләр ки, о, һәмишә ојунларда башчы олмаға ҹан атырмыш. Бунунла белә, онун хырда ушаглара Гуран дәрси вердији дә, мәлумат верилир. Һал-һазырда онун ата еви узун мүддәтдир ки, оғлунун бәрпа етдији ИШИД ҹинајәткар террорист групларынын әлиндән дидәрҝин дүшәнләрин пәнаһҝаһына чеврилиб. Амма гоншулары билдирирләр ки, Бағдадинин аилә үзвләринин бәзиләри зинданда, бәзиләри дә, фәраридирләр.
О, орта мәктәби битирдикдән сонра Бағдада ҝедиб, һүгугшүнаслыг үзрә института дахил олмаг истәдији заман икинҹи бир ихтисас кими хариҹи дилләр үзрә факүлтәсинә дахил олмаг истәсә дә, аттестатындакы бир сыра фәнләрдә ашағы гијмәтләринә ҝөрә гәбул едилмәјиб. Һәтта онун ҝөрмә габилијјәтиндәки зәифлијә ҝөрә, әсҝәрлик вәзифәсиндән азад едилдији билдирилир.
Американын Ирага 2002-ҹи ил һүҹумундан сонра әл-Бағдадинин 2004-ҹү илин февралында намәлум сәбәбләр үзүндән һәбс едиләрәк он ај мүддәтинә өлкәнин ҹәнубундакы “Бука” дүшәрҝәсиндә һәбсдә олдуғу мәлумат верилир. “Бука” дүшәрҝәсиндә тәхрибат вә терроризмлә әлагәли шүбһәли шәхсләрлә бирҝә кечмиш режимә – Сәддам Һүсејнин гвардијасына мәнсуб һәрби рүтбәли шәхсләр дә, сахланылырмыш. Експертләрин рәјинә әсасән, әл-Бағдадидә баш галдыран бу сәрт тәәссүрат һәмин шәхсләрлә үнсијјәтлә әлагәдар имиш.
Сон мәлуматлара ҝөрә, онун март ајында коалисијанын һава һүҹумларындан сонра бәрк јараландығы билдирилир. Одур ки, артыг Мосулда әксәрән ҹәмијјәт гаршысында мүшаһидә олунмур вә јалныз бир сыра интернет сәһифәләриндә фотошәкилләри јерләшдирилир. Бир сыра хариҹи мәнбәләрә ҝөрә, һәтта онун јеринә Әбу Әла Әфра ләгәбли Әбдүррәһман Мустафанын ҹанишин тәјин едилдији дә, вурғуланыр.
2013-ҹу илдән Сурија дахилиндә вәтәндаш мүһарибәсини аловландырараг ИШИД ады илә өзүндә террорист үнсүрләрини бирләшдирән бу груп БМТ вә бир сыра инсан һүгуглары мүдафиәси ҹәмијјәтләри тәрәфиндән ҝеносид вә бәшәријјәтин әлејһинә ҹинајәтләрдә ҹидди иттиһамланыр.
