Намаз Ислам үммәтинә ваҹиб едилмиш илк илаһи вәзифәдир. Инсан өз өмрүнүн сон анларынадәк бу вәзифәни јеринә јетирмәјә борҹлудур. Намаз диҝәр ваҹиб ҝөстәришләрдән фәргли олараг ән чәтин мәгамларда белә өһдәдән ҝөтүрүлмүр. Истәр ајаг үстә, истәр отураг, истәр узанмыш вәзијјәтдә, истәр дил, истәр ишарәләрлә намаз гылынмалыдыр. Инсанла Аллаһ арасында намаздан мөһкәм вә даими рабитә јохдур. Ән мөмин инсанлар Аллаһла намаз васитәси илә рабитә јаратмыш, өвлијалар намаз васитәси илә Аллаһла үнсијјәт сахламышлар.
Бүлуғ һәддинә чатмыш бүтүн инсанлара беш вахт намаз гылмаг ваҹибдир. (Ниса сурәси, ајә 103.) Бу әсасла, бөјүк фәгиһ, “Ҹәваһир” китабынын мүәллифи белә фәтва верир: “Ҝүндәлик ваҹиб намазлар беш вахтдыр. Онларын ваҹиблијини һеч нә арадан галдырмыр. Беш вахт намаз динин зәруријјәтләриндәндир вә буну Гуран, иҹма, Пејғәмбәр (с) вә Имамларын (ә) мүтәватир сүннәси илә сүбута јетирмәјә еһтијаҹ јохдур.” (Ҹәваһирул-кәлам, 3-ҹү ҹилд, сәһ.11.)
Буна ҝөрә дә беш вахт намазы биләрәкдән тәрк едән инсан ҝүнаһа батыр вә ҹәзаландырылмалыдыр. “Ҹәваһир”ин мүәллифи намазы тәрк едәнләр һаггында бујурур: “Намазы тәрк едәнин кафир адландырылмасы тәәҹҹүблү дејил. Әҝәр инсанын намаз гылмамағынын сәбәби дини јүнҝүл сајмагдырса бу беләдир.” (Ҹәваһирул-кәлам, 7-ҹи ҹилд, сәһ.3.) “Үрвәтүл-вүсга” китабынын мүәллифи белә фәтва верир: “Мүсәлманла кафир арасында фасилә јалныз намазын тәркидир. (Јәни мүсәлман намазы тәрк етмәклә кафир олур.)” (Үрвәтүл-вүсга, 1-ҹи ҹилд, сәһ.382.)
Намазын фәрди вә иҹтимаи тәсирләри
-Төвһидин, Аллаһ-тәаланын рүбубијјәтинин, мәбудлуг вә бәндәлијин етирафы; Аллаһын даим зикри вә азғынлыгдан узаглыг; гадир вә гәһһар Аллаһ гаршысында чарәсизлијин изһары;
Аллаһы бөјүк санмаг; рузи верән Аллаһ гаршысында шүкүр үчүн васитә; шејтанла саваш үчүн васитә; азғын нәфс истәкләри вә залым гүввәләрлә саваш үчүн васитә; гәлбләрин арамлығы үчүн васитә;
-Проблемләрдән гуртулмаг; фәсад вә позғунлуғун гаршысыны алмаг; ҝүнаһларын јујулмасы; руһу сығорталамаг; заһир вә батинин пакланмасы; Аллаһ Рәсулунун (с) һәмишәлик зикри үчүн васитә.
