Шрифт өлчүсү:
А+
А
А-
20 Декабр 2013

Иман вә ешг

Иман

Нәмруд гызы илә отуруб һәзрәт Ибраһимин (ә) јанмасына бахырдылар. Нәмрудун гызы ајаға галхыб ајаг үстә дајанды ки, һадисәни јахшы ҝөрә билсин. Һәзрәт Ибраһимин (ә) одун арасында дурдуғуну, амма аловун ортасында ҝүлүстан ачылдығыны ҝөрүр.

Нәмрудун гызы дејир: Еј Ибраһим, бу нә һалдыр ки, алов сәни јандырмыр?

Һәзрәт Ибраһим (ә) бујурур: “О дил ки, Аллаһы зикр етмиш ола, о үрәк ки, Аллаһын мәрифәти илә долу ола аловун она тәсири олмаз.”

Нәмрудун гызы дејир: Мән дә орада сәнин јанында олмаг истәјирәм.

Һәзрәт Ибраһим (ә) бујурду: “Ла илаһә илләллаһ Ибраһим хәлилуллаһ” де аловун ичинә дахил ол.”

Нәмрудун гызы о сөзләри дедикдән сонра одун ичинә ҝирир. Сонра һәзрәт Ибраһимин (ә) јанына ҝедир. Орада иман ҝәтирир вә атасынын јанына саламат гајыдыр.

Нәмруд бу һадисәнин ҝөрдүкдән сонра тәәҹҹүб едир. Бунунла белә өлкәсинин горхусундан гызыны дүшдүјү бу һалына ҝөрә нәсиһәт едир. Амма Нәмрудун нәсиһәтләри гызына тәсир етмир.

Нәмруд әмр едир ки, гызыны јандырыҹы ҝүнәшин алтында чармыха чәксинләр.

Аллаһ-Таала Ҹәбраилә бујурур: “Бәндәми хилас ет.”

Ҹәбраил Нәмрудун гызыны о чәтинликдән хилас едир вә һәзрәт Ибраһимин (ә) јанына апарыр.

Рәзијә бүтүн чәтинликләрә бахмајараг, һәзрәт Ибраһимин (ә) јанында о гәдәр галыр ки, о һәзрәт ону өвладларындан бири илә евләндирир. Аллаһ-Таала да онлара нүбуввәт силсиләсиндән олан пејғәмбәр өвладлар әта едир.



Ешг нәдир?

Бир чохлары өз һәддиндә бу кәлмә илә танышдыр.

Ешг елә бир кәләмәдир ки, бир чохлары ону бир мөвзуја вә ја бир нәфәрә бәсләдијини дејир. Амма ејни заманда ешгин һәгиги мәна вә мәфһумуну дәрк етмәјиб.

Һәгигәтдә, ешг нәдир?

Јахуд да, ҝөрәсән бизим она еһтијаҹымыз вар, ја јох? Ешгә еһтијаҹымыз вар, ја бизә башағрысыдыр? Јахшыдыр, јохса пис?

Бу кәлмәнин шәрһи мүхтәлиф инсанларын тәрз-тәфәккүрүнә ҝөрә фәрглидир. Бу кәлмәнин һәгиги мәнасы о заман ајдын олаҹаг ки, бахаг ҝөрәк ешгдән дәм вуран варлыг нәдир?

Бәли, биз инсанларыг ки, ешгдән дәм вуруруг.

Ҝөрәсән инсан кимдир ки, Аллаһ-Таала бүтүн әзәмәти илә ону гијмәтләндирир?

Әҝәр мәзһәби бир инсандан сорушсан, ҹавабы бу олаҹаг: Ешг, јалныз Һүсејн.

Әҝәр јенијетмә вә ја ҹавандан сорушсан ҹаваб верәр: Ешг, јалныз дост…

Танынмыш вә ја институт тәләбәләри: Ешг, јалныз семинар, мәгалә, тәһгигат вә гијмәт.

Варлы инсан: Ешг, јалныз пул вә мал-дөвләт.

Сијасәтчиләр: Ешг, јалныз ҝүҹ ешги.

Идманчы, актјор вә руһаниләр вә с.

Ҝөрәсән ешгин мәнасы инсанларын тәфәккүр вә тәбиәтиндә бу гәдәр проблем јарадыб?

Ја да ки, бу илаһи һәдијјә сабит дејил?!


Nur-az.com
Дилимизә чевирди: Р. Һүсејнов


5793 بازدید
در حال ارسال اطلاعات...