"Һаҹынын бағырсағында хәстәлик пејда олуб. Лакин 8 сајлы һәбсханада лагејдлик ҝөстәрибләр"
Һазырда һәбсдә олан руһани Һаҹы Абҝүл Сүлејманов Әдлијјә Назирлијинин Пенитенсиат Хидмәтинин мүалиҹә мүәссисәсинә ҝөндәрилиб
Бу һагда руһанинин һәјат јолдашы Зәһра Сүлејманова мәлумат вериб.
Онун сөзләринә ҝөрә, Һаҹы Абҝүл Сүлејманов 16 ҝүндүр хәстәликдән әзијјәт чәкирмиш: "Һаҹынын бағырсағында хәстәлик пејда олуб. Лакин 8 сајлы һәбсханада лагејдлик ҝөстәрибләр. Сонра дахили мүалиҹә мүәссисәсинә ҝөндәрилб. Лакин Һаҹынын вәзијјәти дүзәлмәк әвәзинә писләшиб. Ганында зәһәрләнмә олуб вә баш ҝиҹәлләнмәләри артыб. Бундан сонра Пенитенсиарын Мәркәзи мүалиҹә мүәссисәсиндән һәким ҝәлиб, ону мүајинә едиб. Һәким дәрһал онун көчүрүлмәсини тәләб едиб. Һаҹы дүнән ахшам саатларында Пенитенсиарын Мәркәзи мүалиҹә мүәссисәсинә көчүрүлүб. Бу ҝүн сәһәр саатларында исә әмәлијјат олунуб вә дүз бағырсағын ән ашағы һиссәсиндә селикли гишанын алтында јерләшән веноз дамар тохумасынын чиркләнмәсинин гаршысы алыныб. Һазырда Һаҹынын сәһһәти јахшылашмаға доғру ҝедир, лакин һәким нәзарәтиндә сахланылыр. Бир мүддәт мүалиҹә олунмалы вә бәдәни ҝүҹләнмәлидир." Зәһра Сүлејманова Пенитенсиарын Мәркәзи мүалиҹә мүәссисәсиндә һәкимләрин она јахшы мүнасибәт бәсләдијини гејд едәрәк: "Һаҹы Бәјалы докторун адыны чәкди вә она өз тәшәккүрүнү билдирди." дејиб./исламазери.аз/
