Еј Әбузәр! Чох төвбә едәнләрдән башга, һәр ким өлсә вә гәлбиндә зәррә гәдәр тәкәббүр олса, ҹәннәтин әтри бурнуна чатмаз
Имам Әли (ә): «Аллаһын иблислә әлагәдар ҝөрдүјү ишдән ибрәт алын. Јалныз бирҹә анлыг тәкәббүр уҹбатындан узун-узады ишләри, ҝәрҝин сәјләрини… (ибадәтләри) зај етди. Белә исә, иблисдән сонра (өзү дә бу гәдәр јүксәк мәгамы илә) кимсә вармы ки, онун етдији ҝүнаһа ҝөрә Аллаһын гәзәб вә ҹәзасындан аманда галсын?» (Нәһҹүл-Бәлағә, хүтбә 192 )
Имам Багир (ә): «Аз вә чохлуғундан асылы олмајараг, инсанын ағлындан азалтмамыш тәкәббүр онун гәлбинә јол тапа билмәз.» (Биһарул-Әнвар, ҹ. 78, сәһ. 186, һәдис 16)
Имам Садиг (ә): «Ким тәкәббүрдән тәмизләнәрсә, ҹомәрдлијә наил олар.» (Биһарул-Әнвар, ҹ. 78, сәһ. 229, һәдис 5 )
Имам Садиг (ә): «Бөјүклүк Аллаһа јарашыр. Буна ҝөрә кимсә онун үстүндә Аллаһла чәкишәрсә, Аллаһ ону одда алт-үст едәр.» (Биһарул-Әнвар, ҹ. 73, сәһ. 215, һәдис5)
Аллаһын Пејғәмбәри (с): «Еј Әбузәр! Чох төвбә едәнләрдән башга, һәр ким өлсә вә гәлбиндә зәррә гәдәр тәкәббүр олса, ҹәннәтин әтри бурнуна чатмаз.» Әрз етдиләр: «Еј Аллаһын Рәсулу! Мән ҝөзәллији севирәм. Һәтта истәјирәм ки, гамчымын бәнди вә ајаггабыларымын гајтаны да ҝөзәл олсун. Бундан тәкәббүр вә худпәсәндлик ији ҝәлирми?» Бујурду: «Үрәјини неҹә ҝөрүрсән?» Әрз етди: «Ону һаггы таныјан вә онунла раһатлыг тапмыш тәк ҝөрүрәм.» Бујурду: «Елә исә бу һаләт тәкәббүр дејил. Тәкәббүр одур ки, һаггы јерә атыб наһагга үз тутасан вә абрыны халгын абрндан, ганыны халгын ганынданүстүн тутасан.» (Биһарул-Әнвар, ҹ. 77, сәһ. 90, һәдис 3)
Имам Садиг (ә): «Ким башгаларындан үстүн олдуғуну дүшүнүрсә, о тәкәббүрлүләрдәндир. Һәфәс ибн Гијас дејир: "Әрз етдим ки, әҝәр ҝүнаһкары ҝөрсә вә иффәтли, ҝүнаһсыз олмасына ҝөрә өзүнү ондан үстүн тутса, неҹә? Бујурду: Һејһат, һејһат! Чох да мүмкүндүр ки, о бағышлансын, анҹаг сән һесаб-китаб үчүн сахланыласан. Мәҝәр Мусанын (дөврүндә) ҹадуҝәрләрин әһвалатыны охумамысанмы?!» (әл-Кафи, ҹ. 8, сәһ. 128, һәдис 98 )
Аллаһын Пејғәмбәри (с): «Ән мәнфур инсан тәкәббүрлү шәхсдир.» (Биһарул-Әнвар, ҹ. 73, сәһ. 231, һәдис 23 )
Мизанул – һикмә
Nur-az.com
