“Силеји-рәһим өмрү узадыр, јохсуллуғу арадан галдырыр.” “Әҝәр инсанлар гоһумлуг әлагәләрини гырсалар, сәрвәтләр шәр адамларын әлинә дүшәр.”
Исламын ҝөзәл адәтләриндән, инсанлыг тәлимләриндән, мәрифәт ҝөстәриҹиләриндән бири дә “силеји-рәһим”, јәни мүнасиб вахтларда, бајран ҝүнләриндә гоһумлары јохламаг, онларын ҝөрүшүнә ҝетмәк, һал-әһвал тутмагдыр. Јени ил бајрамы белә ҝөрүчләр үчүн ҝөзәл фүрсәтдир. Силеји-рәһим ҹәмијјәтин тәкбәтәк фәрдләри үчүн олдугҹа фајдалыдыр.
Мәсумларын бујуругларына, дүшүнҹә саһибләринин сөзләринә бахдыгда силеји-рәһимин неҹә хејирли бир әмәл олдуғуна шүбһә галмыр. Мөминләри, гоһум-әгрәбаны, гоншулары јада салмаг, онларын дәрдләринә шәрик олмаг фәрди вә иҹтимаи һәјатда мисилсиз фајдалара маликдир.
Өмрүн бәрәкәти, јохсуллуғун арадан галдырылмасы, проблемләрин һәлли, ән әсасы достлуг вә гардашлыг фәзасынын јаранмасы силеји-рәһимдән аслыдыр.
Һәзрәт Пејғәмбәр (с) бујурур: “Силеји-рәһим өмрү узадыр, јохсуллуғу арадан галдырыр.” Силеји-рәһимин һәјатын мүхтәлиф саһәләринә гуруҹу тәсири илә бағлы Һәзрәт Әли (ә) бујурур: “Әҝәр инсанлар гоһумлуг әлагәләрини гырсалар, сәрвәтләр шәр адамларын әлинә дүшәр.”
Ханым Фатимеји Зәһра (с.ә) силеји-рәһимин башга бир фајдасына ишарә илә бујурур: “Аллаһ-Таала силеји-рәһими инсанларын артымы үчүн гәрар вермишдир.”
İмам Һәсәни-Мүҹтәба (ә) бу бәрәкәтли адәтлә бағлы бујурур: “Әҝәр гардашынызла растлашсаныз онун алнынын нурани (сәҹдә) јериндән өпүн.”
Силеји-рәһимин инсанын өмрү, онун рузиси илә јахын әлагәси вар. Имам Һәсән бујурур: “Өлүмүнүн јубанмасыны, рузисинин артмасыны истәјән инсан силеји-рәһим етсин.”
İмам Зејнәлабидин (ә) бир тәбәссүмүн инсан һәјатында неҹә бөјүк тәсирә малик олдуғуну вурғулајлр: “Мөмин инсанын өз мөмин гардашынын үзүнә тәбәссүмлә бахмасы ибадәтдир.”
Имам Багир (ә) бујурур: “Гоһумлуг әлагәләри әмәлләри паклајар, вар-дөвләти артырар, дүјүнләри ачар, гијамәт ҝүнүнүн һесабыны асанлашдырар, өлүмү тәхирә салар.”
İмам Садиг (ә) дә өз нөвбәсиндә силеји-рәһимин инсан өмрүнә тәсирини јада салыр: “Өлүмү јахынлашдыран ҝүнаһлардан бири силеји-рәһими тәрк етмәк, гоһумларла әлагәни кәсмәкдир.”
Силеји-рәһим инсанларла меһрибанлыг нүмунәләриндән биридир. Имам Казим (ә) бујурур: “Инсанларла меһрибанлыг ағылын јарысыдыр.”
Суал јараныр: Инсанларла, гоһумларла ҝөрүшдә нә етмәк, нәдән данышмаг лазымдыр? Тәбии ки истәнилән бир мәҹлисдә ҝүнаһа јол вериләрсә һәмин мәҹлисин фајдасы олмаз. Һәтта мәсҹиддә отуруб гејбәт кими ҝүнаһ сөһбәтләрә мәшғул олсаг газанҹымыз әзаб олар. Имам Риза (ә) бујурур: “Һәр кәс мәҹлисдәки сөһбәтләрдә бизи јада салса, гәлбләр өлән ҝүн она өлүм јохдур.”
Имам Ҹавад (ә) бујурур: “Гардашларла гыса бир ҝөрүш саламатлыға, ағлын инкишафына сәбәб олар.”
İмам Һади (ә) бујурур: “Аллаһ-Таала Һәзрәт Мусанын (ә) силеји-рәһимлә бағлы суалынын ҹавабында бујурду: Өлүмү тәхирә салар, инсан асан ҹан верәр.”
Имам Һәсән Әскәри (ә) бујурур: “Гардашына тәкликдә өјүд верән ону зинәтләндириб. Әксинә адам арасында өјүд верән һәмин шәхси алчалдыб.”
Һәзрәт Һөҹҹәт (әҹ) бујурур: “Мәним зүһурум, үчүн дуа един. Мәним зүһурум сизин гуртулушунуздур.” Илаһи, Һәзрәт Һөҹҹәтин (әҹ) зүһуруну тәҹил бујур!
Нур-аз/Һаwзаһ
