Дүшмәнин һөвзә вә университет диварларындан бајыра чыхмајан алимләрлә проблеми јохдур
Дүшмәнин һөвзә вә университет диварларындан бајыра чыхмајан алимләрлә проблеми јохдур.
Меһди ҸәмшидиТәсним Информасија Аҝентлији јазыр ки, дүшмәнин һәдәфиндә олан апарыҹы шиә идеологу доктор Рәһимпур Әзғәди һазырда бир нечә ҹәрәјан тәрәфиндән мүһасирәјә алынмышдыр. Бу ҹәрәјанлар дүшмән тәблиғатлары гаршысында дајанмыш алимин өнүндә Әһли-бејт (ә) мүдафиәчиси либасында сыраланмышлар. Бу ҹәбһәдә мәддаһлардан тутмуш авам инсанлара гәдәр зүмрәләрин нүмајәндәси вар. Устад Мүртәза Мүтәһһәри шәмси 1340-1350-ҹи илләрдә мүһафизәкар вә ислаһатчы олмагла ики ҹәрәјанын мүһасирәсинә дүшдү. Сонда ислаһатчы, јениликчи сајылан ҹәбһәнин ҝүлләсинә туш ҝәлсә дә мүһафизәкарлар да онун гәлбинә аз јара вурмады. Устад Мүтәһһәринин Гумдан Теһрана һиҹрәтинин сәбәби кими онун һөвзәдәки бәзи мүһафизәкарлар тәрәфиндән тәзјигләрә мәруз галмасы ҝөстәрилир. Һөвзәдә бәзи мүһафизәкарлар Устад Мүтәһһәрини “һиҹаб мәсәләси” китабына ҝөрә ҹидди иттиһамлара мәруз гојмушдулар. Иршад Һүсејнијјәсиндә Доктор Шәриәтинин бәзи фикирләринә мүхалиф олса белә мүһафизәкарлар Мүтәһһәријә һүҹүм үчүн Шәриәтини әлдә бәһанә тутмушдулар. Мүһафизәкарларын ҹәмијјәтдә дә бөјүк дәстәји вар иди. Онлар Мүтәһһәринин хүрафата гаршы чыхышларына дөзмүрдүләр. Шәһид Мүтәһһәри дини тәфәккүрүн дирчәлиши програмы үзәриндә исрарла дајанмышды. Бу әгидәдә иди ки, дини дәјәрләр халгын зеһниндә гарышыг вәзијјәтдәдир.
Устад Мүтәһһәринин арашдырдығы мөвзулардан бири дә Имам Һүсејнин (ә) гијамынын маһијјәти иди. Шәһидин “Һәмасеји Һүсејни” адлы мәһшур китабында бидәтләр вә хүрафатлар сәрт тәнгид олунурду. О дөврүн әзадарлары үчүн белә фикирләр гејри-мәгбул иди. Шәһид Мүтәһһәри хүрафат мүһитинин тәзјигләринә мәһәл гојмадан ислаһат бајрағы галдырмышды вә Кәрбәла дәјәрләринин һәгиги маһијјәтини ачмаг истәјирди. Мүтәһһәри бу фикирдә иди ки, руһанијјәт авамларын зөвгүнә көкләниб, мүгәддәслик тәхәјјүлләриндән әзијјәт чәкир. Шәһид Мүтәһһәринин ән ҹәсарәтли вә ән шәффаф мүтәфәккир олмасы сүбута јетмиш мүддәадыр. Мүтәһһәрини мүһафизәкарларын ән ағыр һүҹумлары белә дајандыра билмәди.
Тарих тәкрарланыр. Доктор Һәсән Рәһимпур Әзғәди 10 илдән артыгдыр ки, университет вә һөвзәдә Мүтәһһәри јолуну давам етдириб аудиторијаны дүшүнмәјә һәвәсләндирир. Бу 10 илдә доктор кифајәт гәдәр дүшмән вә мүхалиф газаныб. Тәәссүф ки, дини ҹәмијјәтдә дә сағлам тәнгид әвәзинә архадан хәнҹәр вурмаға үстүнлүк верәнләр кифајәт гәдәрди. Бу ҝүн кимсә шүбһә етмир ки, шиә идеолоҝијасынын дүнја мигјасында ән апарыҹы тәблиғатчыларындан бири доктор Әзғәдидир. Белә бир фәзада дахилдән һүҹумлар үмуми мигјасда мәзһәбин хејиринә ишләмир. Мүтәһһәријә һүҹум едәнләр дә Ислам бајрағы галдырмышды. Диндә хүрафат вә бидәтлә мүбаризә апармаг гәрарына ҝәлмиш һәр бир шәхс террора, тәһгирә. Тәзјигә һазыр олмалыдыр. Ејни заманда бу ишдә апарыҹы шәхсләрин һимајәси һәр бир мүсәлманын вәзифәсидир.
Бу ҝүн дүнјанын мүхтәлиф ҝушәләриндә Ислам дини хүрафат вә мүһафизәкарлыгда иттиһам олунур. Ејни заманда дүнја империализми вә бејнәлхалг сионизмин малијәләшдирдији пејк шәбәкәләриндә мүһафизәкарлара ислаһатчыларын тәнгид вә тәһгир имканы јарадылыр. Дүшмән мүһафизәкар вә ислаһатчылар арасында рәгабәти гызышдырдыгда бу арада әсл Ислам хәттини тутмуш Мүтәһһәри кими инсанлар гурбан ҝедир. Мараглы нөгтә будур ки, террора мәруз галмыш Ислам мүтәфәккирләринин гатилләри сырасында һәм мүһафизәкарлар, һәм дә ислаһатчылар вар. Бу ҝәрҝин фәза һеч вахт имкан вермәјиб ки, Шәһид Мүтәһһәри вә Доктор Шәриәти паралел тәблиғ олунсун. Һәр заман чалышыблар ки, бу ики шәхсијјәти бир-биринә гаршы гојсунлар. Ејни заманда һәр ики алим тәгиб, тәзиг вә террора мәруз галыб. Бу ҝүн Исламы әсл симасында дүнјаја ҝөзтәрмәк истәјән әксәр мүтәфәккирләр охшар мүнасибәтлә үзләшир. Бир груп онлары секулјарлыгда, башга бир груп хурафатчылыгда иттиһам едир. Һеч бир ҹәбһәдән олмајан бу мөтәдил инсанлар ики ҹәбһә арасында гурбан олур. Белә бир суал јараныр: Һәм әхлаг, һәм дүшүнҹә, һәмдә мүгавимәт пајы олан Исламы кимләр тәблиғ едир? Дүшмәнин горхдуғу бу үч дәјәрин топландығы Исламдыр. Елә бир Ислам ки, әхлаглыдыр, дүшүнҹәлидир вә ингилабчыдыр. Башга шәкилдә десәк, елә бир Ислам ки, хүрафата вә тәслимчилијә јох дејир. Ислам тарихини арашдыранда мүһарибә вә гәтилләрдә адәтән хүрафатчыларын вә бидәтчиләрин ролу ҝөрүнүр. Мүтәфәккир инсанлар, Исламы һәгиги симасында танытдырмаг истәјәнләр бу сырада гурбандыр. Тәсадүфи дејил ки, һәм тәкфирчиләр, һәм дә мүнафигләрин шәбәкәләриндә доктор әзғәди террора илк намизәд кими тәгдим олунур. Шәһид Мүтәһһәридән Доктор Рәһимпура гәдәр мүтәфәккирләрә гаршы бу гәдәр кин јарадан нәдир?
Бу нәсил гәтијјәтли вә шәффафдыр. Онлар һеч вахт һијлә илә данышмыр, мәнтиги дәлилләрлә, ҹәмијјәтдә отурушмуш јанлыш дүшүнҹәни һәдәфә алыр. Шәһид Мүтәһһәринин “Һәмасеји-Һүсејни” китабы тәфәккүр мүстәвисиндә бир ингилаб олду. Шәһид Мүтәһһәри һәм идеоложи, һәм дә сијаси шәхсијјәт иди. Доктор Рәһимпура ҝәлдикдә исә о сырф идеоложи фәалијјәт ҝөстәрир. Демәк, дүшмән онун идеоложи мәғлубијјәтини ортаја гојанлары сијаси рәгибләрдән кичик ҝөрмүр. Рәһимпур вә бу сырадан олан Ислам мүтәфәккирләри нә сијаси фәал нә ислаһатчы, нә дә һөвзә тәмсилчисидир. Бу инсанлар сырф елми фәалијјәт ҝөстәрир вә өз арашдырмаларынын нәтиҹәләрини кимсәдән чәкинмәдән ортаја гојурлар. Бир заман университетләрә гәдәм гојмаг руһани үчүн чәтин оланда Шәһид Мүтәһһәри бу иши ҝөрдү. О әсл Исламы университет мејарларындан үстүн шәкилдә тәгдим едәрәк гаршы тәрәфи тәслим олмаға вадар етди. Бу ҝүн ејни иши доктор Әзғәди ҝөрүр. Бу инсанлар үчүн горхулу аудиторија јохдур. Онлар истәнилән топлумун, һәтта секулјар вә тәкфирчиләрин гаршысында чыхш етмәјә һазырдырлар. Һәдәфә алынмаларынын әсл сәбәби дә будур.
Дүшмән о заман аҹиз олур ки, рәгиб онун иддиалы олдуғу елми ондан даһа јахшы билир. Бу ҝүн секулјар университет мүһитинә гәдәм гојан руһанинин билији университет билијинин фөвгүндәсә онун Ислам һагглнда дедикләри дә етиразсыз гәбул олунур. Шәһид Мүтәһһәри бир руһани олса да зијалы тәбәгәнин марагларындан хәбәрдар иди. Неҹә ки, доктор шәриәти бир зијалы олараг дини биликләрдән хәбәрдар иди. Бу ики саһәдән хәбәрдарлыг онлара бүтүн мејданлара јол ачмышды терор үчүн һәдәф дә мәһз беләләридир. Јалныз бир ҹәбһәјә, ифрат вә ја тәфритә мәнсуб оланлар өз ҹеврәсиндә фәалијјәтлә сакитҹә өмрүнү баша вурур.
Бу ҝүн һәрб мејданында силаһла данышан мүгавимәтчиләрлә ејни сырада һәгиги дин алимләринин террора һәдәф олмасы Ислам тәфәккүрүнүн силаһдан ҝүҹлү олдуғуну ҝөстәрир. Тәсадүфи дејил ки, дин алимләри нүвә мүтәхәссисләри илә јанашы террора намизәдләр сијаһысындадыр. Бәли, бу ҝүн Ислам дини дүшмәни нүвә бомбасындан даһа чох горхудур. Чүнки дүшмән нүвә енержиси истеһсалына нәзарәтдә иддиалы олса да дүшүнҹә истеһсалына санксија гоја билмир. Мүасир дүнја мәнәвијјат бөһраны јашадығы заман онун еһтијаҹларына јалныз һәгиги Ислам мүтәфәккирләри ҹаваб верә билир. Дүшмәнинсә баҹардығы јалныз бу олуб ки, онларла пејк шәбәкәси ачыб хурафатчы вә бидәтчиләрә мејдан версин. Дүшмән һәгиги Ислам мүтәфәккирләринин дәјәрини әфсус ки, мүсәлманлардан даһа артыг билир. Һеч олмаја дүшмәнин һәдәфләринә бахыб достларымызы таныјаг.
АБШ вә мүттәфигләри уранын зәнҝинләшдирилмә фаизини нәзарәтә ҝөтүрмәк истәјир. Чалышырлар ки, уран јүксәк фаизлә зәнҝинләшдирилмәсин. Чүнки нүвә силаһы үчүн јүксәк зәнҝинләшдирилмиш уран лазымдыр. Ишин әввәлиндә манеәни арадан галдырмаг ишин сонундакындан даһа асандыр. Алимләрә дә охшар мүнасибәт вар. Алим елә бир мәгама чата биләр ки, Имам Хомејни кими дүнјаја мејдан охујар. Она ҝөрә дә ингилаби тәфәккүрә малик алимләрин елә илк аддымда һәјатына сон гојмаға чалышырлар. Дүнјада Хомејни нә гәдәр аз олса дүнја империализми вә бејнәлхалг сионизм раһат нәфәс алар.
Дүшмәнин һөвзә вә университет диварларындан бајыра чыхмајан алимләрлә проблеми јохдур. Дүшүнҹәси бу диварларла мәһдудлашмыш вә дүнјаја месаж вермәјән алимләр тәһлүкәли сајылмыр. Бир заман Мүтәһһәри дә Шәриәти дә тәһлүкәли сајылмырды. Јалныз өз диварларыны ашдыгдан сонра дүшмәнә һәдәф олдулар. Бу ҝүн тәкфирчиләр вә мүнафигләрин бир сајлы дүшмәни доктор Рәһимпурдур. Буну алим һаггында чыхарылмыш террор һөкмү тәсдигләјир.
Рәһимпур Шәһид Мүтәһһәридән өјрәниб ки, һај-күјлү һүҹумлардан јорулуб мејданы әхлагсыз рәгибә вермәсин. Имам Һүсејнин (ә) јолуну ҝедәнләр шәһадәт ешгиндәдир. Мүтәһһәри истәјинә чатды. Рәһимпур кими мүбариз алимләр дә бу интизардадыр.
Vilayet.nur-az.com
