ИШИД јени үзвләринә дини, һәрби вә сијаси тәлимләр кечир, әкс-кәшфијјат сирләрини өјрәдир, шәриәт мәмурлары онларын кобуд рәфтарларыны дини мәтнләрлә әсасландырырлар
АБШ-да ИШИД һагда јени китаб нәшр олунуб. “Террорчулар ордусу дахилиндә ИШИД” адлы бу китабда ҝөстәрилир ки, ИШИД лидерләри өзләриндән габагкы террор тәшкилатларынын сәһвләрини тәкрарламадан Ираг вә Сурија дахилиндә ҝүҹлү бир база гурмаға чалышырлар.
Китабын мүәллифләриндән олан суријалы журналист Һәсән Һәсән дејир: “ИШИД-ин апарыҹы гүввәләринин әксәри Сәддам Һүсејнин забитләри вә тәһлүкәсизлик әмәкдашларыдыр. Онлар өзләрини горхунҹ тәшкилат кими ҝөстәрир вә бүтүн дүнјаны әһатә едәҹәк хилафәт дөврүнүн чатдығыны билдирирләр. ИШИД јени үзвләринә дини, һәрби вә сијаси тәлимләр кечир, әкс-кәшфијјат сирләрини өјрәдир, шәриәт мәмурлары онларын кобуд рәфтарларыны дини мәтнләрлә әсасландырырлар”.
Журналистин дедијинә ҝөрә, ИШИД ашағыдакы груплардан тәшкил олунуб:
Радикал командирләр
Мадди мараг ҝүдәнләр
Сабитлик арзусунда олан прагматистләр
Јанлыш вә тәһлүкәли дүшүнҹәләрә малик хариҹи вәтәндашлар
Орта Шәргдә шиәләрин нүфузундан нараһат олуб хиласы ИШИД-дә ҝөрәнләр.Nur-az.com/масһреҝһнеwс
