
"Һаҹы Абҝүл Сүлејмановун мәһкәмәсиндә иштирак етдим. Мән саат 11.00 билирдим. Анҹаг саат 12.00-да башлады. Просес һаким Ҹамал Рамазановун сәдрлијиндә иди. Мән бу һејәтин сәдрлијиндә бир нечә дәфә просесдә олмушам. Бир дәфә дә әдаләт ҝөрмәмишәм. Тәбии ки, бу дәфә дә елә олмалы иди вә олду да. Һаким ҹидди-ҹәһдлә мәсәләни битирмәк вә бағламаг истәјирди. Нәјин баһасына олурса-олсун, бу ҝүн иш битмәли иди. Битди дә. Рамазанов гәрары гүввәдә сахлады... Һаҹы Абҝүл 1 ил Гобустанда, "крыты"да галаҹаг..."
Бу барәдә "Хурал" гәзетинин баш редактору Әвәз Зејналлы өз фаҹебоок сәһифәсиндә јазыб. Әвәз Зејналлы билдирир ки, ҹәзачәкмә мүәссисәсинин тәгдиматыны вәкил Ҹавад Ҹавадовдан чыхышындан өјрәниб: "Һаҹы Абҝүл "зәиф ирадәли мәһбуслары" јолдан чыхарыр, "дөвләт вә дөвләтчилик әлејһинә чыхышлар" едир, "оғру ганунлары" илә һәрәкәт едр вә с. вә и. әмәлләрлә мәшғул олурмуш. Ујдуруг вә әсассыз иттиһамлар... Һаҹы Абҝүл бир милләтә, бир дөвләтә нүмунә олаҹаг адамлардандыр, бир "зон" онунла јалныз фәхарәт дуја биләр.
İнди нүфузлу дустагларын һамысы рәисләрин ҝөзүндә "оғру"дур. Нүфузлу дустаг һамыја тәсир едә билир, һамы онун сөзүнә һөрмәт едир - она ҝөрә. Һаҹы Абҝүлү дә она ҝөрә "крыты"ја ҝөндәрдиләр. Нүфузлу вә һөрмәтли дустаг олдуғуна ҝөрә...
Мәһкәмәдә јалныз Һаҹы Абҝүлүн тәрәфдарлары варды. Анҹаг орада даһа ҝениш ареалын адамларынын нүмајәндәләри дә олсајды, јахшы оларды. Һаҹы Абҝүл, Һаҹы Мөһсүн, Һаҹы Талеһ кими адамларын дини мәнсубијјәти јохдур, милли мәнсубијјәти вар. Онлар бүтүн Азәрбајҹана лазымдырлар вә сијаси вә виҹдан мәһбуслары кими бүтүн өлкә вәтәндашлары тәрәфиндән мүдафиә олунмалыдырлар.
Мән Һаҹы Абҝүллә Бакы Истинтаг Тәҹридханасынын "бокс"унда таныш олмушам. Тәпәдән-дырнаға гәдәр иман адамыдыр Һаҹы Абҝүл. Ҹәсарәтлидир. Иманлыдыр. Ҝәләҹәјә инамы вар. Азәрбајҹаны ҹаны кими севир. Ислам уғрунда баш гојар. Ислам дининин индики заманында Һаҹы Абҝүл кими адамлар Азәрбајҹанын милли марагларына лазымдыр. Онлар ичәридә дејил, чөлдә олмалы вә бу милләтин мәнәвијјатынын инша олунмасында милли ҝөрәвләрини иҹра етмәлидирлләр. Онларын ичәридә олмасы милли мараглара хидмәт етмир.
Фүрсәт олду Һаҹы Абҝүллә ҝөрүшдүм. Әһвалы чох јахшы иди. Мүбаризә бу тип адамлара чәтин дејил. Әзаб-әзијјәт онлары мәтинләшдирир. Һеч бири өзләрини мүбарәк имамларымыздан үстүн һесаб етмир. Һамысы зүлмә мәруз галмајыблармы? Кимдән - һансындан артыгдырлар ки...
Вә... фүрсәтдән истифәдә едәрәк Һаҹы Абҝүллә бирликдә, Һаҹы Мөһсүн Сәмәдову вә Һаҹы Талеһи дә хатырлајырам вә онлары саламлајырам. Азәрбајҹан бу инсанлары азадлыгда ҝөрәҹәк!
İншаллаһ, һамысы азадлыгларына говушаҹаглар!"/Фактхебер/