Şrift ölçüsü:
A+
A
A-
Kr
30 Sentyabr 2023

Ərdəbilin cümə imamı: İstər Qarabağda olsun, istər Qüds və Əl-Əqsa məscidində olsun, işğal pislənir

Ərdəbilin cümə imamı Ayətullah Amili bugünkü cümə namazı xütbələrində Qarabağın azad edilməsinə toxunaraq dedi: Biz xoşbəxtik ki, Qarabağ bölgəsi 30 ilə yaxın müddətdən sonra əsl sahibinə qayıtdı və bu böyük uğuru Azərbaycan xalqına təbrik deyirik.

Ayətullah Amili davam etdi: Qarabağ Azərbaycanın ərazisidir və İran beynəlxalq arenada dəfələrlə Azərbaycanın ərazi bütövlüyünə səs verib. Ali Məqamlı Rəhbər onu da bildirdi ki, bütün Qarabağ Azərbaycanın ərazisidir və Azərbaycana qaytarılmalıdır. Biz Qarabağ şəhidlərinə salam göndəririk.

O, bildirdi: Onların dəfnində iştirak etmək bizə nəsib olmasa da, uzaqdan onlara ehtiramımızı bildiririk. Bu həftə Tehranda Qarabağ şəhidlərinin xatirəsinə həsr olunmuş məclis keçirildi və mən o məclisin natiqi idim. Bu müharibədə dörd minə yaxın müsəlman işğala son qoymaq və Azərbaycan ərazisini bərpa etmək yolunda canfəşanlıqla şəhadətə çatıb.

Vəliyyi-fəqihin Ərdəbil əyaləti üzrə nümayəndəsi dedi: Əlbəttə, bu uğurun daha əvvəl baş verməsi və Qarabağın daha az şəhidlə azad edilməsi tamamilə mümkün idi, lakin çox təəssüf ki, yersiz bir qorxu və azğın sayılan millətçi düşüncə buna imkan vermirdi. (Təəssüf ki, şahidi olduq ki,) təəccüblü şəkildə dedilər; biz Qarabağı iki əlimizlə ermənilərə verməyə hazırıq, amma İranın əli ilə azad etməyə yox. Bütün Azərbaycan xalqı mənim nədən danışdığımı bilir.

O əlavə etdi: Hamı diqqət etməlidir ki, ərazi iddiası və beynəlxalq sərhədlərin pozulması 30 il ərzində iki ölkəni qarşı-qarşıya qoydu, çoxlu günahsız insanın qanı töküldü və nə qədər ailə qəmə batdı. Ümid edirik ki, bundan sonra regionda nə müharibə, nə işğal olacaq, nə də beynəlxalq sərhədlər pozulmayacaq və regionun bütün ölkələri irəliləyiş, inkişaf, iqtisadi tərəqqi və xalqları üçün firavanlıq yolunda addımlara hərtərəfli dəstək verəcək və daha çox əməkdaşlıq edəcəklər.

Ayətullah Amili dedi: Mən macəranın təfərrüatını yaxşı görürəm. Xüsusən də Azərbaycan hökuməti rəsmi şəkildə bəyan etdi ki, biz ölkələrin ərazi bütövlüyünü rəsmən tanıyırıq və heç bir ölkənin ərazisinə tamah salmırıq.

Rəhbərliyin Ekspertlər Şurasının üzvü bəyan edib: Azərbaycanı Naxçıvana bağlamaq üçün İran ərazisi 30 ildir ki, Azərbaycanın ixtiyarındadır və bu səxavət davam edəcək. Bölgədə yeganə problem İsrailin varlığıdır. Bu rejim fitnə və böyük bir fəsaddır və bölgənin müsəlman ölkələrinin bir-birinə yaxınlaşmasına, bir-biri ilə razılaşmasına qəti imkan verməyəcək.

Ərdəbilin Cümə imam çıxışının başqa bir hissəsində bildirdi: İsrailin bölgədəki mövcudluğu ilə bizim üçün problem yaradacağından heç bir qorxu yoxdur. Lakin bu nəhs rejimin bölgədəki şər varlığı bir milyard yarım müsəlmanın müqəddəslərinə saymamazlıq və müsəlman torpaqlarının işğalının tanınmasıdır. İstər Qarabağda olsun, istər Qüds və Əl-Əqsa məscidində olsun, işğal pislənir./irna/
2336 dəfə baxılıb
Loading ...
Nur-Az Xeber
14.11.23, 09:23
Hərbçimiz intihar etdi
06.11.23, 09:53
Rusiya Liviyada hərbi...
Go to TOP