Sionist general: İrana hücum edə bilmərik

İshaq Brik: İran israilin ətrafında 250 min raket, pilotsuz uçan aparat və raketlər yerləşdirib ki, bunların da təsiri atom bombasına bənzəyir.

Sionist rejimin daha bir generalı bu rejimin İrana hücum etmək gücündə olmadığını etiraf edib.
İshaq Brik televiziyaya verdiyi açıqlamasında deyib:

“Son 15 ildə “ölkə”nin dövlət və ordu rəsmiləri İranın nüvə təhdidi haqda danışıblar və demək olar ki, israilin ətrafında genişlənməkdə olan normal təhdidi nəzərə almayıblar. israil ətrafında 250 min raket və dron mövcuddur, müharibə baş verəcəyi surətdə ictimai, strateji və digər mərkəzlərə hər gün orta hesabla 3000 raket atılmağa hazırdır. Bu, atom bombası kimidir, amma atom yağışı olmadan! Yüksək səviyyəli rəsmilər bu haqda danışmırlar və buna hazırlıqları da yoxdur. Onlar nüvə yağışı yağdırmadan nüvə silahından geri qalmayan bu adi silahlara münasibət bildirmirlər və bu müharibəyə hazır deyillər.

Maraqlısı budur ki, 2009-cu ildə İranın nüvə reaktoruna hücum etməyi qərara aldıq. Bu hücuma hazırlıq məqsədilə hava qüvvələrində 11 milyard şekel investisiya qoyduq. O vaxt İranın nüvə reaktoru bir yerdə mərkəzləşmişdi və ona hücum etmək asan idi. Yaxşı, bəs nə oldu?! Biz hücumçu kimi soruşurduq, nə üçün? Ən yüksək səviyyəli rəsminin sözlərinə istinad edərək deyirəm: İranın nüvə reaktoruna hücum edə bilməməyimizin əsas səbəbi bu oldu ki, o vaxt onların nüvə inkişafını yalnız bir neçə ay ləngidə bilərdik, lakin onların bizə vuracağı zərbə ilə yüzlərlə əsgər öləcəkdi. Bu səbəbdən hücum etməmək qərara alındı.
Həmin vaxtdan 15 il ötüb. İranın nüvə reaktoru artıq bir məkanda mərkəzləşməyib və daha göz qabağında da deyil, 30-40 metr yerin altında və bir çox fərqli yerlərdədir. Üstəlik, bugün İranın son 15 ildə yaratdığı normal təhdidi də yüz dəfələrlə şiddətlidir və bizim o vaxt hücum etmək istədiyimiz dövr kimi deyil. Çünki bugün onların raket və reaktor hücumuna gücləri və bacarıqları vardır. Bundan əvvəl də dediyim kimi bu hücum infrastrukturların, hökumət mərkəzlərinin məhv olmasına və ağır təlafat verməyimizlə nəticələnə bilər, bizi uzun illər geri atar.

Blef etməyin mənası budur! İrana dedik ki, əgər siz (uranı) 20 faiz zənginləşdirsəniz hücum edəcəyik, amma hücum etmədik! Sonra dedik ki, 40 faizə çatdırsanız, hücum edəcəyik, etmədik! Əgər 84 faizə çatdırsanız, hücum edəcəyik, amma hələ də hücum etməmişik. Onlar bir-iki həftəyə 90 faizə çatdıracaqlar və atom bombası düzəltmək üçün lazım olan maddələri vardır.

Blef edib, bir iş görə bilmirsənsə, onda yalnız hürüb səs-küy salan, amma qapmayan itə bənzəyirsən! Qabaqlayıcılığını itirirsən. Amma bu dəfə əvvəlki dəfələrdən fərqli olaraq bu işi etmək istəsən, onların da reaksiyasını nəzərə almalısan. Biz hücum etsək, onların reaksiyası nə olacaq? Əgər israil təkbaşına bu işi etsə, onların irəliləyişinin qarşısını qabaqkından da az ləngitməsi mümkündür. Amerika da bizə qoşulsa, bir az çox ləngidə bilərik, amma elə də fərqli olmayacaq. Lakin bu hücuma reaksiya olaraq hər gün bizə tərəf minlərlə raket atacaqlar. Tam şəkildə viran olacağıq və bizim buna hazırlığımız yoxdur.”

2990 dəfə baxılıb

Şərhlərə bax və Şərh yaz