08 Декабр 2014
Ҝеҹәләр сүбһә кими вај Һүсејн вај демишәм
Вахт о вахт олду гојуб мәҹлиси-әғјар гәдәм,Башда бир иддә үрәк дағлы ғәзәлани-һәрәм,
Һамы хәстә әндуһү-гәмү-дәрдү-әләм,
Али-әтһары ҝөрүб дурду ајаг үстә Јәзид,
Башлады сөһбәтә ол залымү-бишәрмү-пәлид.
Деди Зејнәб сизи Аллаһ неҹә ҝөр хар еләди,
Алыб әнсарини әлдән сәни бијар еләди,
Ҝөзләриндә ҝүнүнү һәмчу шәби-тар еләди,
Öлдүрүб гардашыны гәлбини јандырды фәләк,
Мәһзәримдә сәни голбағлы дајандырды фәләк.
Зејнәбә ҝәтди Језидин сөзү шуру-һәјәҹан,
Ганы аз галды дајансын өзүнә верди тәкан,
Деди залым, нә дедин, лал оласан бирҹә дајан,
Вурма төһмәт бизә еј фәрди-кәсифи-әмәви,
Ифтирадан билирсән пакиди нәсли-Әләви.
Һүбби-дүнја неҹә һәгдән сәни ҝөр дур е,ләјиб
Белә мәлум олур гүдрәт сәни мәғрур еләјиб,
Беш ҝүнүн сәлтәнәти ҝөзләрини кор еләјиб,
Фәхр едирсән ҝөрүрәм бахдыгҹа һәр тәрәфә,
Белә фикр ејләмә дүнјада чатыбсан һәдәфә.
Хариҹи биз дејилик шәрм елә, еј шуми-дәни,
Бу гәдәр тири-шәматәтлә нишан етмә мәни,
Иззәтин зилләт олар дәһридә бир ҝүн әләни,
Дәсти-һәгг гардашымын ганыны сәндән алаҹаг,
Гара мәҹәрилә Сәкинәм сәни тәхтдән салаҹаг.
Рәвишин зидди-Худадыр, әмәлин мајеи-нәнҝ,
Əләнән дини-Худа илә варынды сәри ҹәнҝ,
Ситәмилән елијибсән бу ҹаһаны бизә тәнҝ,
Бу гәдәр бәсди инад үстә дәхи дурма, Језид,
Гызларынын габағында о башы вурма, Језид.
Доғраныб дәшти-бәла ичрә Пејәмбәр баласы,
Ган едиб һиҹринә ҝөз јашыны Зәһра анасы,
Варды гәлбиндә Әли Әсғәрү-Әкбәр јарасы,
Ҝүлшәнү-ҝүлләринә бади мүхалиф әсилиб,
Зүлмилә гардашымын башы гәфадан кәсилиб.
Јандырар нисҝили дүнјада мәни гәм зәдәни,
Ҝәзир әлләрдә онун гана батан пирәһәни,
Исти гум үстә галыб үч ҝеҹә-ҝүндүз бәдәни,
Бағрыган гызлары ҹари еләјиб ҝөз јашыны,
Низәјә вурдуз онун зүлмилә ганлы башыны.
Чохду бу јарәли башын гәмү-дәрдү-кәдәри,
Низә үстә доланыб кучә вә базариләри,
Гәлбими јарәләјиб гиссә тәлхи сәфәри,
Хејзираны јерә гој,ган еләмә ҝөз јашымы,
Јармышам Куфәдә бир јол она хатир башымы.
Једди гардашымын һиҹриндә үрәк дағламышам,
Сејли-әшки үзүмә һәсрәтилә бағламышам,
Ағлајан вахты јетимә балалар ағламышам,
Ҝеҹәләр сүбһә кими вај Һүсејн вај демишәм,
Јатмајан вахты Сәкинә она лај-лај демишәм.
