Мөвсүм Сәмәдовла бағлы гәрар гүввәдә галды - Фотолар

Хатырладаг ки, АИП лидери Мөвсүм Сәмәдовун һеч бир сәбәб ҝөстәрилмәдән 11 сајлы ҹәзачәкмә мүәссисәсиндән јери дәјишдириләрәк 12 сајлы ҹәзачәкмә мүәссисәсинә көчүрүлмәси, орада исә дәрһал “карсер”ә салынмасы, тәјин олунан мүддәт битмәмиш үстүнә јенә әлавә олунмасы, тәзјиг алтында сахланмасы, даһа сонра исә орадан да Гобустан ҹидди режимли һәбсханаја көчүрүлмәси наразылыға сәбәб олуб. Диндарлар партија лидерини дәстәкләмәк үчүн мәһкәмәнин гаршысына топлашыб.
 
Гејд едәк ки, Мөвсүм Сәмәдов 2011-ҹи ил јанвар ајынын 2-дә партијанын баш мәҹлисиндә Азәрбајҹан һакимијјәтинин үнванына тәнгиди чыхышдан 5 ҝүн сонра јанвар 7-дә һәбс едилиб. Һәмин дөврдә АИП лидери һаггында јанварын 20-дә һәбс гәтимкан тәдбири сечилиб. Октјабрын 7-дә Бакы Ағыр Ҹинајәтләр Мәһкәмәсинин чыхардығы һөкмлә Азәрбајҹан Ислам Партијасынын һәбсдә олан лидери Мөвсүм Сәмәдов12 ил азадлыгдан мәһрум едилиб.