17 Нојабр 2014
"Мөвсүм Сәмәдова азадлыг"
АИП сәдри һаҹы Мөвсүм Сәмәдовун иши үзрә кечирилән апеллјасија мәһкәмәсиндә Мирзәли Аббасовун һакимлији илә һазырлыг иҹласы ишини баша чатдырыб.Вәкил Анар Гасымлы вәсадәт галдырараг Мөвсүм Сәмәдовун мәһкәмә бахышы дөврүндә үмуми тәҹридханада дејил, 12 сајлы ҹәзачәкмә мүәссисәсиндә “карсда” сахланмасыны гејри-гануни һесаб етдијини дејиб вә мәһкәмәдән бу мәсәләнин тезликлә һәлл олунмасыны тәләб едиб.
О, мәһкәмә һејәтинин диггәтинә чатдырыб ки, она вәкили илә ҝөрүш верилмир. Буна сәбәб кими исә карсда олдуғу үчүн ҝөрүш верилмәмәси ҝөстәрилиб. Өз нөвбәсиндә һаким М. Аббасов бу мәсәләни мүзакирә едәҹәкләрини билдириб.
Верилән мәлумата ҝөрә, нөвбәти мәһкәмә просеси 24 нојабр саат 11:20-да кечириләҹәк.
Мөвсүм Сәмәдов мәһкәмәдә иштирак едән јахынларына вә әгидә достларына сәһһәтинин, руһијјәсинин јахшы олдуғуну дејиб, бүтүн гардашлара саламларыны чатдырмағы тапшырыб.
Мәһкәмә бинасы гаршысында диндарлар әлләриндә "Виҹдан мәһбусларына азадлыг", "Мөвсүм Сәмәдова азадлыг" сөзләри јазылмыш плакатлар тутараг етираз шүарлары сәсләндирибләр.
*****
Бу ҝүн саат 10-да Бакы Апеллјасија Мәһкәмәсиндә Азәрбајҹан Ислам Партијасынын сәдри Мөвсүм Сәмәдовун мәһкәмә просесинин кечирәләҹәји билдирилмишди.
Верилән хәбәрә ҝөрә, саат 10-дан мәһкәмә бинасы гаршысына хејли адам топлашыб. Мәһкәмә просеси исә ҝеҹикмәклә башлады.
Гејд едәк ки, октјабрын 9-да АИП-ин лидери Мөвсүм Сәмәдовун Гобустана көчүрүлмәси кечирилән просесдә һаким АИП лидеринин 2 ил мүддәтинә Гобустанда галмасы илә бағлы һөкм чыхарыб.
АИП лидери Мөвсүм Сәмәдовун һеч бир сәбәб ҝөстәрилмәдән 11 сајлы ҹәзачәкмә мүәссисәсиндән јери дәјишдириләрәк 12 сајлы ҹәзачәкмә мүәссисәсинә көчүрүлмәси, орада исә дәрһал “карсер”ә салынмасы, тәјин олунан мүддәт битмәмиш үстүнә јенә әлавә олунмасы, тәзјиг алтында сахланмасы, даһа сонра исә орадан да Гобустан ҹидди режимли һәбсханаја көчүрүлмәси бүтүн Азәрбајҹан халгынын вә өлкә диндарларынын наразылығна сәбәб олуб. Мәһкәмәдән сонра вәкил гәрардан апелјасија шыкајәти вериб.
Мөвсүм Сәмәдов 2011-ҹи ил јанвар ајынын 2-дә партијанын баш мәҹлисиндә Азәрбајҹан һакимијјәтинин үнванына тәнгиди чыхышдан 5 ҝүн сонра јанвар 7-дә һәбс едилиб. Һәмин дөврдә АИП лидери һаггында јанварын 20-дә һәбс гәтимкан тәдбири сечилиб. Октјабрын 7-дә Бакы Ағыр Ҹинајәтләр Мәһкәмәсинин чыхардығы һөкмлә Азәрбајҹан Ислам Партијасынын һәбсдә олан лидери Мөвсүм Сәмәдов12 ил азадлыгдан мәһрум едилиб./Исламинсеси.орҝ/
