Шрифт өлчүсү:

25 Октјабр 2014

Мәһәррәм - Аллаһ јолунда мүҹаһидлијин өјрәдилдији ај

Аллаһ јолунда мүҹаһидлијин ән үстүн мәхлуглардан олан һәзрәт Имам Һүсејн (ә) тәрәфиндән өјрәдилдији ај олан мәһәррәм ајы әрәфәсиндәјик. Үмидварыг ки, биз онун јахшы ардыҹылларындан вә шаҝирдләриндән олаг, бу заманда бојнумуза дүшән вәзифәләрә ујғун олараг о һәзрәтә ардыҹыллыг вә давамчылыг борҹумузу јеринә јетирәк, онун Аллаһ динини, Исламы вә мүсәлман үммәтини мүдафиә етмәк јолунда бөјүк мүҹаһидлик вә фәдакарлыг ҝөстәрдији, Аллаһын разылығыны газанмагдан башга бир шејә ҝөз дикмәдији кими, биз дә бу јола гәдәм гојаг, бизим дә нијјәтимиз вә мәгсәдимиз мејарлардан анладығымыза вә тәјин етдијимизә ујғун шәкилдә Аллаһын разылығыны газанмаг олсун.

Мәһәррәм - фәдакарлыг вә шәһадәт ајы
Имам Һүсејн (ә) ајы, фәдакарлыг вә шәһадәт ајы, ән үстүн әхлаги кејфијјәтләрин ашкара чыхмасы ајы олан бу ајын сајәсиндә мөһкәм, әсаслы вә халгын мүхтәлиф тәбәгәләринин еһтијаҹ дујдуғу мәтләбләрлә ҹәмијјәтимизи вә халгымызы јүксәлиш вә тәкамүлә бир аддым да јахынлашдырыб Аллаһын разылығыны газана биләсиниз.

“Биз мәһәррәмин нәтиҹәләрини өз һәјатымызда ҝөрүрүк!”
Биз ингилаб мәһәррәми вә Имам Һүсејн (ә) мәһәррәми әрәфәсиндәјик. Бу һәрәкатын мәһсулларындан бири Ислам Республикасы гурулушудур. Ингилаб дөврүнүн мәһәррәми ингилабдан өнҹә бизим дөврүмүздәки вә биздән габагкы мәһәррәмләрлә фәргләнир. Бу мәһәррәмләр мәнәвијјатын, руһун вә дүзҝүн мәгсәдләрин ајдын һисс олундуғу мәһәррәмләрдир. Биз өз һәјатымызда мәһәррәмин нәтиҹәләрини ҝөрүрүк. Ислам һакимијјәти, Ислам сөзүнүн уҹалығы, Исламын сајәсиндә дүнја мәзлумларынын гәлбиндә үмид јаранмасы мәһәррәмин тәсирләриндәндир.
Биз өз дөврүмүздә мәһәррәмә онун мәһсулу илә бирҝә саһиб олмушуг. Бу мәһәррәмлә неҹә рәфтар етмәлијик? Ҹаваб будур ки, биз руһаниләр, бүтүн дин алимләри, бүтүн тәблиғатчы вә мәддаһлар Ашура мәсәләсинә вә Һүсејн ибн Әлинин (ә) мүсибәтләринә ҹидди, әсаслы вә шүардан узаг бир мәсәлә кими диггәт јетирмәлидирләр.