Шрифт өлчүсү:

07 Октјабр 2014

Имам Хомејни Тәдрис вә Арашдырма институтунун рәиси Ајәтуллаһ Мисбаһ Јәзди Гум елм һөвзәсиндә тәһсил алан теһранлы тәләбәләрлә ҝөрүш кечириб. Фарс Информасија Аҝентлији хәбәр верир ки, ҝөрүшдә әсас мөвзу Гәрб һәјат тәрзинин ҹәмијјәтә нүфузу олуб.
Устад Мисбаһ Јәзди дејиб: Аллаһ-таала мүсәлманларын үнсијјәтини, онлар арасында исти гардашлыг рабитәләринин јаранмасыны севир. Рәвајәтдә дејилир ки, бир шәхс дин гардашынын ҝөрүшүнә ҝедәндә Аллаһ ону мәләкләрә өз гонағы кими танытдырыр вә бујурур ки, Мән ону гәбул едәрәм, истәјини јеринә јетирәрәм.
Ајәтуллаһ Мисбаһ Јәзди бујуруб:
Мүсәлманлар арасында исти рабитәләрин јаранмасы Әһли-бејт (ә) маарифинин дирчәлишидир. Әһли-бејтин (ә) әсас мәгсәдләриндән бири бу рабитәләр олуб. Хүсуси илә тәләбәләр арасында сәмими достлуг рабитәләри олмалыдыр. Ајәтуллаһ Мисбаһ Јәзди сөзүнә белә давам едиб: Һамымыз билмәлијик ки, бир сыра иҹтимаи вәзифәләримиз вар, онлара әмәл етмәлијик. Чохлары ҹәмијјәтә гатылмағдан чәкинир вә бир иш ҝөрә билмәјәҹәјини дүшүнүр. Һансы ки, әл-әлә версәк бөјүк гүдрәтә чевриләрик.
Устад Мисбаһ Јәзди дејиб: Мүсәлманлар бир-бирләринин фәалијјәтләринә диггәтли олмалыдыр. Дин гардашынын проблемини арадан галдырмаг лазымдыр. Гаршымыздакы мәгсәдләрдән бири ҹәмијјәтдә исти рабитәрләрин дирчәлдиләмәсидир. Бу ҝүн ҹәмијјәтимиздә Гәрб һәјат тәрзинә мәхсус әнәнәләр јајылыр. Әрлә-арвадын бир-бириндән кәнарда јашамасы Гәрбин ән зәрәрли әнәнәсидир. Авропада әрлә арвад ајры-ајрылыгда, бәзән ајры-ајры өлкәләрдә јашајырлар. Биз бу һала јол вермәмәлијик. Әрлә-арвад бир-биринин кәнарында олмаға еһтијаҹлыдыр. Өвладлар валидејнләрин бир јердә олмасындан бәһрәләнир. Әҝәр һәм әр, һәмдә арвад евдән кәнарда мәшғулса, иш јерләрини вә ишләринин јахынлығы барәдә дүшүнмәлидирләр.
Ајәтуллаһ Мисбаһ бујуруб: Тәләбә аиләләри бирликдә мәҹлисләр кечирә, тәфсир, тәвәссүл, дуа сијаси мүбаһисәләрә мәшғул ола биләрләр. Шәһид Беһишти һамы үчүн нүмунә олмалыдыр. Шәһид Беһишти чох мәшғул олса да ҹүмә ҝүнләрини аиләсинә һәср едәрди. Тәләбәләр өз һәјатларыны програмлашдырмалы, бүтүн ишләрә вахт ајырмалыдырлар. Имканларымызы вә вәзифәләримизи дәгиг мүәјјәнләшдирмәлијик. Елә јашамалыјыг ки, аилә рабитәләринә зәрбә дәјмәсин. Ҹәмијјәтимиз дүзҝүн рабитәләрә еһтијаҹлыдыр. Хошбәхтликдән Теһран тәләбәләринин мүнасиб прогарамлары вар. Бу програм онларын инкишафы вә аилә рабитәләринин ҝүҹләнмәсинә тәсир едир. Разылашмамалыјыг ки, аилә гәриб бир шәһәрдә тәнһалыг ағрысы јашасын. Мүхтәлиф бәһанәләрлә гадынларын тәһсил вә инкишафыны әнҝәлләмәк олмаз. Һалал-һарамын ҹидди шәкилдә ҝөзләнилдији фәзаларда гадынларын инкишафына шәраит јаратмалыјыг.
Ајәтуллаһ Мисбаһ Јәзди бујуруб: Севиндириҹидир ки, бу ҝүн гадынлар мүхтәлиф саһәләрдә ҹәмијјәтә хидмәт едир. Онлар ингилабда, ингилабын гәләбә чалмасында мүһүм рол ојнајыб. Бу ҝүн “Ҹамеәтуз-Зәһра” тәдрис оҹағында бөјүк потенсиал јараныб. Үмид едирик ки, бир ҝүн бу тәһсил оҹағы гадын мүәллимләрлә там тәмин олунаҹаг.

Nur-az.com