Шрифт өлчүсү:
А+
А
А-
08 Ијул 2014

Әрдәбилин ҹүмә намазы – 27 ијун (6 тир)

Биринҹи хүтбә



اعوذ بالله من الشیطان الرجیم
بسم الله الرحمن الرحیم

الحَمدُلله الَّذی خَلَق السمواتِ و الارض و جَعَل الظُلماتِ و النور ثُمّ الَّذینَ کَفَروا بِرَبّهم یَعدِلون وَ الصَّلوه وَ السَّلام عَلی الهادی البَشیر، السّراجِ المُنیر، سَیدنا سَید الانبیاء وَ المُرسَلین، ابی القاسِم محمّد و علی آله الطَیبینَ الطاهِرین وَ لا سیَّما بَقیه الله فی الاَرَضین


Өзүмү вә бүтүн әзизләри илаһи тәгваја дәвәт едирәм. Аллаһ-Таала әзәмәтли тәбирлә бујурур ки, өзүн үчүн азугә һазырла вә дүнја вә ахирәтдә ән үстүн азугә тәгвадыр. (Бәгәрә, 197)
İнсан дүнјада сағлам јашајыб, дүнјадан сағлам ҝетмәк истәсә руһи бир ҝүҹә еһтијаҹы вар. Бу еһтијаҹлар тәгва васитәси илә әлдә олунур. Дүнја даим инсана ишарә етмәкдәдир (бах: нур, 43). Инсан дүнјанын һарам ҹазибәләриндән азад олмаг үчүн өмүр боју тәгваја еһтијаҹлыдыр. Онун ики мәгамда еһтијаҹы бөјүкдүр. Бири дүнја учурумларыдыр. Инсан бу учурума сүгут етмәклә әбәди бәдбәхтлијә дүчар олур. Шәһвәт, рәјасәт, гәзәб, һарам мал, тамаһ вә башга учурумлар дүнјанын бөјүк тәһлүкәләридир. Дүнја учурумлары бәрзәх вә мәһшәр әзабына апарыр. Бу учурумлардан, тәһлүкәләрдән јалныз тәгва илә өтүб кечмәк олар.
Аллаһ-Таала бујурур: “Дүнјада јығдығыныз азугәләр учурумлардан кечмәкдә сизә јардым едәр.” (Зумәр, 61) Азугә јыған инсан чәтинликләрдә гәм-гүссәјә гәрг олмаз. Һәмин азугәни топламаг үчүн ән мүнасиб заман рамазан ајыдыр. Тәбии ки, Аллаһын немәт сүфрәси даим ачыгдыр. Шаирин тәбиринҹә бу фејз зијафәти һәмишә вар вә сүфрә ачыгдыр. Бу ајда тиҹарәт гапылары, өмрү ән баһа гијмәтә мүамилә етмәк үчүн гапылар ачыгдыр. Бундан үстүн тиҹарәт јохдур. Ән бөјүк мүамилә Аллаһла мүамиләдир.
Şәбан ајы мүсәлманларла Пејғәмбәр (с) арасында рабитә ајыдыр. Иншааллаһ, бу ајдан һәр биримиз бәһрәләнмишик. Шәбан сүфрәси јығышмагдадыр. Бу ај пејғәмбәр ајы иди.
Шәбан ајынын ән бөјүк фајдасы онун сон 3 ҝүнүнү оруҹ тутмагдыр. Һәмин 3 ҝүнү оруҹ тутмаг бүтүн шәбан ајыны оруҹ тутмаға бәрабәрдир. Әҝәр 3 ҝүнү оруҹ тута билмәсәниз һөкмән шәбанын сон ҝүнү оруҹ тутун. Бу оруҹунузла шәбан ајыны лајигинҹә јола салын. Бу һәм дә рамазан ајыны јахшы гаршыламагдыр.
Аллаһа шүкр едирик ки, бизә јенә дә рамазанда оруҹ тутмаг имканы верди. Бәрзәхдә милјардларла инсан гијамәтин башламасыны ҝөзләјир. Онлар һәсрәт чәкирләр ки, бир ан рамазанда јашаја биләјдиләр. Бунунла бөјүк бәһрә газанардылар. Вај һалына бу дәјәрли ајы әлдән чыхаранын!

Рамазан Аллаһын зијафәт ајыдыр

Һәзрәт Пејғәмбәр (с) шәбан ајынын сон ҹүмәсиндәки хүтбәсиндә бујурур: “Аллаһын ајы өз бәрәкәт, рәһмәт вә әфви илә сизә үз тутуб. Бу ај Аллаһын нәзәриндә бүтүн ајлардан үстүндүр. Онун ҝүндүзләри бүтүн ҝүндүзләрдән, ҝеҹәләри бүтүн ҝеҹәләрдән үстүндүр. Онун анлары һеч бир башга анла мүгајисәјә ҝәлмәз. Сиз бу ајда илаһи зијафәтә дәвәт едилмисиниз...” Дејиләнләрдән ајдын олур ки, рамазан ајында Аллаһын лүтф вә мәрһәмәт гапылары ачыгдыр. Аллаһ шәхсән Өзү инсаны бу зијафәтә дәвәт едир. Аллаһын дәвәти тәрбијә бахымындан бөјүк лүтфдүр. Һафизин тәбиринҹә, мән һеч кимәм, сәнсән лүтф едән.
İнсан Аллаһ гаршысында һеч олса да Аллаһ ону рәсми шәкилдә зијафәтә дәвәт едир.
Һәзрәт Пејғәмбәрин (с) шәбан хүтбәсиндә дејилир ки, инсан бу зијафәтдә ади гонаг дејил, онун бөјүк һөрмәти вар. Һәзрәт бу зијафәти вәсф едәркән бујурур ки, бу зијафәтдә инсанын нәфәс чәкмәси Аллаһа тәсбиһдир, јухусу ибадәтдир, әмәлләри вә дуасы гәбулдур.
Бу ајда бир ајә охумаг бүтүн Гураны охумаг кимидир. Чох инсанлар өлүмдән сонра һәсрәт чәкиб дејәрләр: Мән гафил олдум, бу фөвгәладә фүрсәти асанлыгла әлдән чыхардым. Инсан гәфләт јухусундан ојананда артыг ҝеҹ олур.
Аллаһ-Таала мүсәлманларын зијафәтинә һөрмәт ҝөстәрәрәк шејтаны зәнҹирләмишдир. Јер үзүндә бир дәнә олсун шејтан јохдур. Бу ајда ҝүнаһа батан өзү тәгсиркардыр. Беләләри чох тәһлүкәлидир вә дүнјаны виран гојур.
Аллаһ-Таала өз лүтфү илә бизи бу зијафәтдән бәһрәләндириб. Рәвајәтдә дејилиб ки, рамазан ајында ҝүндүз бир аз јатмаг мүстәһәбдир. Пејғәмбәр (с) бујурур ки, Аллаһ-Таала оруҹ инсаны јатдығы заман једириб-ичирәр. Бу илаһи зијафәтин фәзиләтләриндән нә гәдәр данышсаг аздыр. Әҝәр јухуда оланда белә лүтф варса, ҝөрүн ојаг вахтда һансы лүтфләр вар!

Рамазан ајында вәсвәсә гапылары бағлыдыр

Аллаһ-Таала инсанларын рамазанда чәтинликсиз оруҹ тутмасы үчүн бүтүн манеәләри арадан галдырыб. Әсас манеә шејтандыр. Аллаһ бу ајда шејтанлары зәнҹирләјиб. Шејтанын сәһнәдән чыхмасы илә јер үзүнә мәнәви фәза һаким олуб. Мәрһум бөјүк Гази дејир: “Рамазан ајынын башламасыны билмәк үчүн аја бахмаға еһтијаҹым олмур. Аләми бүрүјән мәнәви фәзадан һисс едирәм ки, рамазан башлајыб.” Бу, инсанын сојуг вә исти һаванын отаға дахил олмасыны һисс етмәси кимидир.
Аллаһ рамазан ајында бүтүн вәсвәсә гапыларыны бағлајыб. Рәһмәт гапылары исә бүтүнлүклә ачыгдыр. (Кафи, ҹ. 4, сәһ. 67) Бу ајда әршин, беһиштин гапылары ачыгдыр, ҹәһәннәмин гапылары бағлы.

Әввәл пакланма, сонра зијафәт

Адәт дејил ки, ев саһиби гонағы пакласын. Амма Аллаһ рамазанын биринҹи ҝеҹәси өз бәндәләрини паклајыб зијафәт сүфрәсинә отурдар. Һәзрәт Пејғәмбәр (с) бујурур: “Аллаһ рамазан ајында үммәтимә һеч бир үммәтә вермәдији 5 шеј вериб.” (Биһарул-Әнвар, ҹ. 96, сәһ. 367) Аллаһ-Таала рамазанын биринҹи ҝеҹәси өз бәндәләринә рәһмәт ҝөзү илә бахар. Өзүмүзү елә һазырламалыјыг ки, Аллаһын нәзәринә лајиг олаг.
Рамазанын бүтүн ҝеҹәләри Аллаһын рәһмәт гапылары ачыгдыр. Амма 1-ҹи ҝеҹәдә Аллаһын өз бәндәсинә нәзәри башгадыр. Һәмин ҝеҹә инсанын дуасы гәбул олар. Бу ајда оруҹ тутанлар 19 саат аҹ-сусуз галаҹаг. Онларын бүтүн истәкләри јеринә јетәҹәк. Бу төвфиг јалныз Аллаһын мәсләһәт билдији инсанлара нәсиб олур. Әҝәр бир адам үзүрсүз олараг оруҹ тутмурса сәбәби Аллаһын истәмәмәсидир. Бурада һикмәт вар.
Һәзрәт Иса Аллаһын изни илә өлүләри дирилтмәк ҝүҹүнә малик иди. О өз анасыны бир нечә анлыг дирилдиб сорушду: “Еј ана, дүнјаја гајытмаг истәјирсән?” Анасы ҹаваб верди: “Бәли.” Һәзрәт Иса сорушду: “Сән Аллаһын зијафәтиндә икән нә үчүн дүнјаја гајытмаг истәјирсән?” Анасы ҹаваб верди: “Гајытмаг истәјирәм ки, узун гыш ҝеҹәләри намаз гылым, узун јај ҝүндүзләри оруҹ тутум.”

Инсан аҹ оланда Аллаһа јахын олур

Рәвајәтә ҝөрә аҹ инсан башга вахтлардакындан даһа асанлыгла Аллаһа јахынлашыр. Аллаһ-Таала Пејғәмбәрә (с) бујурур: “Еј каш аҹлыг, сүкут вә хәлвәтин ләззәтини дадасан.” Даһа мүһүмү бу 3 шејин тәсирләрини ҝөрмәкдир. Ајәдә сүкут тәбири ишләнсә дә, бу сүкут башга мәнададыр. Мөминин сүкуту онун Аллаһла сөһбәтидир. Шаирин тәбиринҹә, мәни елә мәст ет ки, өзүмдән хәбәрсиз, кимин ҝәлиб ҝетдијини билмәјим...
Пејғәмбәр (ә) әрз едир: “Пәрвәрдиҝара, аҹлығын фајдасы нәдир ки, мәним ону дадмағымы истәјирсән?” Аллаһ-Таала бујурур: “Һикмәт, гәлбин һифзи вә мәнә јахынлашма!”
Фејз Кашани Әл-Муһәҹҹәтул-Бәјза китабында јазыр: Һәзрәт Пејғәмбәр (с) Усамәјә бујурду: “Хош һалына оруҹ һалда өлән инсанын! Бу һалда өлән инсан пејғәмбәрләрлә јолдаш олар, мәләк онун руһунун ҝәлишиндән шадланар, Аллаһ она салам сөјләр.” Пејғәмбәр (с) өзү оруҹ һалда дүнјадан ҝетди. Пак һалда ахирәт дүнјасына гәдәм гојду.

Икинҹи хүтбә



اعوذ بالله من الشیطان الرجیم

بسم الله الرحمن الرحیم




Өзүмү вә әзизләри илаһи тәгваја дәвәт едирәм. Инсан һәмишә өз тәгва һалыны горумалыдыр. Чүнки өз ҝәләҹәјиндән хәбәрсиздир. Шаир дејир ки, Аллаһдан башга кимсә сабаһ нә баш верәҹәјини билмир.
Кичик бир һадисә илә инсанын өмрү баша чата биләр. Аллаһа гаршы чыхмаг ахмаглыгдыр. Аллаһын разылығыны әлдән чыхаран бөјүк зәрәрә дүшүб. Аллаһын наразылығындан јаранан пешманчылыг вәсфә ҝәлмәз. Шаирин тәбиринҹә, зәиф күләк өмүр ҝүнләри дәфтәрини вәрәгләјиб баша вурар.
Имам Һүсејн (ә) Оус гәсринин гаршысындан кечирди. Гәсрин саһиби барәдә сорушду. Дедиләр ки, бу гәср Оусун гәсридир. Һәзрәт бујурду: “О шәхс ахирәтдә арзу едир ки, бу гәср јеринә бир чөрәји олајды.” Инсан өз өмрүнү бош јерә хәрҹләмәмәлидир. Әҝәр заманы пуча чыхарсаныз заман да сизи пуча чыхарар.

Әдаләтли һөкм бир ил јағышдан бәрәкәтлидир

7 тир, али мәһкәмә һәфтәси әрәфәсиндәјик. Аллаһ-Таала ҹәмијјәтимизин һәјатыны бу тәшкилатын ихтијарына вериб. Һакимин гәләми јер-ҝөјә тәсирлидир. Һаким әдаләтсиз һөкм чыхаранда јағыш кәсиләр торпаг бәрәкәтдән дүшәр. Амма һәзрәт Пејғәмбәр (с) бујурур ки, әдаләтли һөкм бир ил јағышдан бәрәкәтлидир.
Əдаләт, дүшмәнчиликләрин һәлли, мәһкәмәнин мөтәбәрлији халгын әсас истәкләриндәндир. Аллаһдан диләјирик ки, милләтимизә идеал бир мәһкәмә системи нәсиб етсин.
Һүгугларын јеринә јетирилмәсинә диггәтли олун. Бүтүн сәмави китаблар һүгугларын бәрпасы үчүн назил олуб. (Әнфал, 7)
7 тир һадисәси бөјүк фаҹиәдир. Һәмин ҝүн 72 танынмыш шәхсијјәт шәһадәтә чатыб. Бу ағыр бир хатирәдир. Иранда террора мәруза галанларын сајы чохдур. Мүнафигләр тәрәфиндән 17000 инсан террор едилиб. Али мәһкәмәнин сәдри, парламент нүмајәндәси, назир, президент, баш назир, меһраб шәһидләри, 900 шаҝирд, минләрлә таҹир, 200 руһани, фәһләләр, тәләбәләр, әкинчиләр бу шәһидләр сырасындадыр.
Авропа Парламенти вә АБШ конгреси мүнафигләр тәшкилатыны террорчулар сијаһысындан чыхарды, онлары рәсмән таныды. Бејнәлхалг тәшкилатлар онлары һимајә етди. Ајдын олур ки, бу гүввәләрин террорла мүбаризә шүары шәхси вә чиркин мәнафеләрә чатмаг үчүндүр.

Гуранын шәрәфи онун назил олмасы иләдир

Мүбарәк рамазан ајында Гуран назил олуб. Бу аја дәјәр верән оруҹ јох, Гуранын назил олмасыдыр. Оруҹ тутмағымыз бу ајда Гуранын назил олмасы илә бағлыдыр. Аллаһ бујурур ки, бу ајда оруҹ тутун. Бәли, рамазаны фәзиләтли едән Гуранын назил олмасыдыр. Мүстәһәбдир ки, Гуран охумагла рамазаны гаршылајаг. Бу ајда Гуран охумағын фәзиләти бөјүкдүр. Бир ајә охумаг бүтүн Гураны охумаға бәрабәрдир.
Бәзи шәһәрләрдә ҹамаат мәсҹидә топланыр, һәр ҝеҹә бир ҹүз Гуран охујур. Тәәссүф ки, шәһәримиздә белә әнәнә јохдур.
Һәзрәт Пејғәмбәр (с) бујурур ки, үммәтим үчүн Аллаһын китабы вә Әһли-Бејтими әманәт гојурам. Тәкҹә Гураны дәјәрли сајсаг вә Әһли-Бејти унутсаг һеч бир газанҹымыз олмаз. Еләҹә дә Әһли-Бејтә бағланыб Гурана диггәтсизлик ҝөстәрсәк һеч нә газанмарыг. Әҝәр мәһәррәм ајында мәсҹидләримиз долурса рамазанда да Гуран мәҹлисләри гурмалыјыг.

Мәһәллә әһли һәр ҝеҹә бир ҹүз Гуран охусун!

Гаршыја мәгсәд гојмушуг ки, бу рамазан ајы бир әнәнәнин бүнөврәсини гојаг. Шәһәримиздә һәр мәһәлләнин әһалиси мәһәллә мәсҹидинә топланыб бир ҹүзв Гуран охусун. Сонра һәрә өз ишинин далынҹа ҝетсин. Мәсҹид фәаллары бу програмын иҹрасы үчүн тәшкилатчы тәјин етмәлидир.

Наркотикадан газанҹ мурдардыр!

5 тир наркотика илә мүбаризә ҝүнү иди. Наркотика аилә институту үчүн бөјүк тәһлүкәдир. Наркотик маддәләр империализмин әлиндә васитәјә чеврилиб. Онлар бу јолла милләтләри көләјә чевирирләр. Накотикаја алудә халг вәтәнини, мәдәнијјәтини, динини мүдафиә етмәк ҝүҹүндә дејил.

Наркотикаја алудә инсан нәинки аиләсини идарә едә билмир. Өз ишләрини ҝөрмәкдә аҹиздир. Бу проблемин арадан галхмасы үчүн милли ирадә ортаја гојулмалыдыр. Шәриәт һәр кәсә ваҹиб едиб ки, наркотика алыш-веришиндән хәбәрдар адам бу барәдә лазыми органлара мәлумат версин. Бу иши ҝөрмәјән адам һәмин ҝүнаһа шәрикдир вә гијамәтдә ҹаваб верәсидир. Һәјат јолдашы наркотика алвери едән ханымлар билмәлидирләр ки, бу алвердән ҝәлән газанҹ һарамдыр вә онунла өвлад тәрбијә етмәк олмаз. Бу пис ишин гаршысыны алмаг гәдр ҝеҹәси вә башга вахтларда ибадәтдән бөјүк саваба маликдир. Рамазан ајы вә гәдр ҝеҹәсинин әзәмәти бөјүкдүр. Амма әмр бе мәруф вә нәһј әз мүнкәрлә мүгајисәдә океан гаршысында дамла кимидир.

Јахын Шәргин парчаланма тәһлүкәси

Ирагда түрк тајфа башчылары өлкәдәки бөһрандан истифадә едиб мүстәгиллик иддиасы илә мејдана ҝирибләр. Бизә мәлумдур ки, МОССАД-ын тәлиматчылары нечә ајдыр күрдләр арасында фәалијјәт ҝөстәрир. Дөвләтимиз бу мәсәләјә ҹидди јанашмалыдыр. Тәәссүф ки, Түркијә дөвләти мәсәләнин маһијјәтини анламајыб ИШИД-и һимајә етмәклә өз зәрәринә аддым атды. Түркијә дөвләти Ираг дөвләтинә тәзјиг ҝөстәрмәклә мүстәгиллик иддиасына дүшмүш күрдләрә јардым ҝөстәрмиш олду.
Əлимиздә олан мөтәбәр сәнәдләрә әсасән мүстәгиллик елан етмиш күрдләр Исраилә табе олаҹаг. Исраил хариҹи ишләр назири дејиб ки, парчаланмагда олан Ирагда мүстәгил дөвләт гурмаг истәјән күрдләри рәсмән биз биринҹи таныјаҹағыг.
Америка елан едиб ки, бу әсрин сонуна гәдәр БМТ-јә 300 јени өлкә гошулаҹаг. Онлар бу фикирдәдир ки, һәр тајфаны бир дөвләтә чевирсинләр. Мәгсәд тајфаларын һүгугларыны мүдафиә етмәк јох, дүнјанын бөјүк өлкәләрини парчалајыб тәсир алтына салмагдыр. Кичик дөвләт өз милли һөкумәтини һифз едә билмир, нәтиҹәдә бөјүк өлкәнин ганады алтына ҝирир. Ираг Күрдистанынын мүстәгиллији ИШИД-дән тәһлүкәли мөвзудур.
Парчаланма тәһлүкәси бүтүн Јахын Шәрги һәдәләјир. Америка, Авропа, Исраил вә мүртәҹе әрәб өлкәләри Ирагы парчаламаг фикриндәдир. ИШИД бу мәгсәдлә ортаја атылыб. Бу һәм дә Ираны зәифләтмәк мәгсәди дашыјыр. Дүшмән мәгсәдә чатмаг үчүн макијавелистҹәсинә чалышыр вә ҝүнаһсыз инсанларын ганыны ахытмагдан чәкинмир.
Исраил һөкумәти ики кабинетдән ибарәтдир. Бөјүк кабинет вә кичик кабинет. Стратежијөнлү назирликләр кичик кабинетдә топланыр. Бу кабинет гаршыја ики мәгсәд гојуб: Рәгиби өз гардашынын әли илә мәһв етмәк вә Јахын Шәрги зәиф кичик дөвләтләрә парчаламаг.
Биз бу тәһлүкәнин совушмасы үчүн чох дуа етмәлијик. Тәһлүкә јарадан әсас мәсәлә имамәт јолунун ҝедилмәмәси, мәрҹә алимләрин үммәт арасында олмамасыдыр. Белә бир шәраитдә јериндән галхан шәхс һөкм верир. ИШИД, ДАМЕС, Ән-Нүсрә, Талибан, Әл-Гаидә вә минләрлә башга груп динин јанлыш тәфсириндән гајнагланыр.

Рамазанла бағлы бир нечә төвсијә

Рамазандан бәһрәләнмәјин гајдалары вар. Биринҹиси гәсб олунмуш һаггы гајтармаг лазымдыр. Һарам мал дуаја 40 ҝүн мане олур. Нәтиҹәдә тутулан оруҹлар, гәдр ҝеҹәси Гураны баша галдырмаг фајда вермир. Инсан шәбан ајында сәдәгә вермәклә, гәсб олунмуш һаггы гајтармагла һарамын тәсириндән чыхмалыдыр. Рәвајәтә ҝөрә шәбанда сәдәгә верән инсан сәдәгәсини гат-гат артыг шәкилдә гијамәтдә ҝери алар. Сәдәгәнин шәбанда верилмәси төвсијәси рамазан сүфрәсинә пак һалда ҝетмәкдир. Сәдәгә вә һаггын гајтарылмасы инсанын һәјатында һарамын тәсирләрини узаглашдырыр, рамазан әмәлләри тәсирли олур. Икинҹи иш пис әмәлләрә төвбә едилмәсидир. Илк ҝүндә төвбә гүслү верилмәлидир. Инсан рамазандан габаг чиркин әмәлләр вә пис әхлага төвбә етмәлидир. Аллаһ-Таала һәзрәт Адәмә бујурду ки, хәта етсән мәним ҹиварымда гала билмәјәҹәксән. Таҹирләрә төвсијәмиз будур ки, рамазан ајында мүштәриләрә Аллаһын гонаглары кими бахсынлар. Рамазана гәдәр јохсул јашајанлар һәмин јохсуллуг ичиндә оруҹ тута билмәз.
Оруҹ тутанлар рамазан ајы кими илаһи шүарлардандыр. Онлары алчалтмаг олмаз. Пејғәмбәр (с) бујурур ки, һәтта бир ҝеҹә гијмәти галдыран шәхсин 40 иллик әмәлләри батил олаҹаг. Халга төвсијәмиз будур ки, рамазан ајынын гәдрини билсинләр, вахты бош јерә тәләф етмәсинләр. Һамы бу фүрсәтдән ән ҝөзәл шәкилдә фајдаланмалыдыр. Рамазан әзиз ајдыр. Ону һөрмәтдән салмаг олмаз. Бу мүгәддәс ај гијамәт ҝүнү она һөрмәтсизлик едәнләри һөрмәтдән салар, онлара дүшмән олар. Пејғәмбәр (с) бујурур ки, рамазанын дүшмән олдуғу адамлардан узағам. Һәзрәт Мәһәммәд (с) әдәб вә мәрһәмәт пејғәмбәридир. Аллаһ ондан бәзи мәгамларда сәртлик истәјир. Бүтүн вүҹуду илә севҝи вә мәрһәмәт ағушу олан Пејғәмбәр (с) рамазан ајынын һөрмәтини ҝөзләмәјәнләри ләнәтләјир, Ҹәбраил амин дејир.
Аллаһдан истәјимиз будур ки, бизи немәт вә ағыл мәстлијиндән һифз етсин.

nur-az.com


10113 بازدید
در حال ارسال اطلاعات...
Go to TOP