29 Oktyabr 2021

Azərbaycanda Hacı İlqar İbrahimoğlu, Şeyx Sərdar və onlarla birlikdə həbs edilən bir neçə ruhanidən sonra başqa ilahiyyatçılar - Hacı Mircəfər və Hacı Vasifin də həbs edilməsi xəbəri eşidildi. Həbs edilənlər İranda təhsil alan şəxslərdir. İran təkcə bu şəxslərə yox, uzun illərdir nə qədər azərbaycanlı soydaşlarımıza da digər xarici ölkələrdən İrana oxumaq üçün gedən insanlara təhsil verdiyi kimi təhsil verib oxutmuşdur. Həbslərə diqqət edəndə görürük ki, İranda təhsil alanlardan başqa digər ölkələrdə təhsil alan kimsə həbs edilməyib. Əlbəttə, biz heç bir ruhaninin zülmə məruz qalmasını istəmirik. Amma məsələ burasındadır ki, Azərbaycan hakimiyyəti İranla bir balaca arası dəyən kimi sanki İran vətəndaşlarını həbs edirmiş kimi azərbaycanlı ruhaniləri həbs edir. Beləliklə də bədbəxt və rəzil hakimiyyət istəyir ki, İrana desin ki, baxın, siz bizimlə yola getmirsiz, biz də sizin tələbələrinizi həbs edirik. Halbuki İran bu ruhanilərdən bir qəpik belə tələb etmədən onlara təmənnasız təhsil, yataqxana, yemək, aylıq pul verib təhsil aldıqları müddətdə yaxşı dolanmalarını təmin etmişdir. Budurmu sizin İrana təşəkkür borcunuz? Pismi edib sizin övladlarınıza din öyrətsinlər deyə onlara elm və təhsil veriblər? Bu ruhanilər də xalqa din, mənəviyyat öyrətməkdən əlavə heç bir "günah" iş görməyiblər. Hakimiyyət hünər və kişilik göstərib şəffaf məhkəmə də keçirə bilmir. Çünki onsuz da şər olduqları xalqa, bütün dünyaya bəlli olduğu halda bir az daha çox biabır olmalarından qorxurlar.