25 Март 2019
Әдаләтмәркәзлилик
إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ
"Һәгигәтән, Аллаһ әдаләтли олмағы, јахшылыг етмәји вә гоһумлара јахшылыг етмәји әмр едир, ијрәнҹ ишләр ҝөрмәји, пис әмәлләр төрәтмәји вә зүлм етмәји исә гадаған едир. О сизә өјүд-нәсиһәт верир ки, бәлкә дүшүнүб ибрәт аласыныз." (Нәһл, 90).
Изаһ: Јухарыдакы ајә дини ҹәмијјәт үчүн ән әһатәли әхлаги ҝөстәришләри еһтива едир. Бу ајәдә сөһбәт ачылан алты мүһүм (әхлаги) принсип ашағыдакылардыр: әдаләт, јахшылыг, гоһумлара јахшылыг, ијрәнҹ ишләр ҝөрмәмәк, пис әмәлләрдән чәкинмәк вә зүлм етмәмәк. Әдаләт һәр шеји өз јериндә, өз мәгсәди истигамәтиндә јерләшдирмәкдир. Әдаләтин һәм фәрди јөнү вар, һәм дә иҹтимаи. Јухарыдакы ајә иҹтимаи әдаләтә, јәни ҹәмијјәтдә инсанлара ләјагәтинә ҝөрә өнәм верилмәсинә ишарә едир. Јахшылыгда мәгсәд башгасына јахшылыг етмәкдир. Бу, дини ҹәмијјәтин проблемләринин һәлли истигамәтиндә мүһүм бир еһтијаҹдыр. Бу јахшылығын бариз нүмунәләриндән бири гоһумлара јахшылыгдыр вә бөјүк өнәминә ҝөрә хүсуси гејд едилмишдир.
Һәдис: İслам пејғәмбәри (с): “Тәгва, Аллаһын бу кәламында хүласә олунмушдур: “Һәгигәтән, Аллаһ әдаләтли олмағы, јахшылыг етмәји вә гоһумлара јахшылыг етмәји әмр едир ...” (Мәҹмәүл-бәјан, ҹ. 1, сәһ. 118).
