25 Феврал 2019
Гуран, ҹәһаләт вә хурафат зүлмәтләрини јаран парлаг бир чырагдыр
Ким Гуран ајәләринә әмәл едиб, онун мәфһумларына ҹан-дилдән инанса, Аллаһын мәрһәмәти она назил олаҹаг
Гуран мөминләрә шәфадырوَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا
"Биз Гуранда мөминләр үчүн шәфа вә мәрһәмәт (олан ајәләр) назил едирик. (Бу ајәләр) залымларын анҹаг зијаныны артырыр." (Исра, 82).
Изаһ: Гуран инсаны дахилдән силкәјән бир өјүддүр. Үрәкләри ҝүнаһа алудәликдән вә ширкә булашмагдан тәмизләјән шәфавериҹи бир дәрмандыр. Ҹәһаләт вә хурафат зүлмәтләрини јаран парлаг бир чырагдыр. Мөминләр үчүн рәһмәт сәбәби, кафир вә көнлү кор оланлар үчүн даһа чох узаглашма васитәсидир. Бәли, ким Гуран ајәләринә әмәл едиб, онун мәфһумларына ҹан-дилдән инанса, Аллаһын мәрһәмәти она назил олаҹаг, руһи вә физики ағрылары динҹәләҹәкдир. Диҝәр тәрәфдән, ким бу ҝениш немәт сүфрәсиндән фајдаланмаса, онун һөкмләринә вә маарифинә лагејд јанашса, онун азғынлығы артаҹагдыр. Чүнки артыг она дәлилләр тамамланмыш (бәһанәси кәсилмиш), немәт әзаба чеврилмишдир.
Һәдис: İмам Багир (ә): “Гуран гариләри (гираәтчиләри) үч дәстәјә ајрылыр: Биринҹи дәстә Гураны пешә олараг фајдаланмаг, падшаһлардан музд алмаг вә халг арасында фәхр етмәк үчүн охујанлардыр; Икинҹи дәстә Гураны охујан, сөзләрини әзбәрләјән, амма она әмәл етмәјәнләрдир; Үчүнҹү дәстә (шәфа тапсынлар дејә) Гуранын шәфавериҹи мәҹунуну хәстә гәлбләринә сүртәнләрдир.” (Кафи, ҹ. 2, сәһ. 627, һәдис: 1).
