Шрифт өлчүсү:
А+
А
А-
08 Ијун 2014

Әрдәбилин ҹүмә намазы – 23 мај (2 хордад)

Биринҹи хүтбә

اعوذبالله من الشیطان الرجیم

بسم الله الرحمن الرحیم

الحَمدُلله الَّذی خَلَق السمواتِ و الارض و جَعَل الظُلماتِ و النور ثُمّ الَّذینَ کَفَروا بِرَبّهم یَعدِلون وَ الصَّلوه وَ السَّلام عَلی الهادی البَشیر، السّراجِ المُنیر، سَیدنا سَید الانبیاء وَ المُرسَلین، ابی القاسِم محمّد و علی آله الطَیبینَ الطاهِرین وَ لا سیَّما بَقیه الله فی الاَرَضین

Сон мәгсәд вә мәнзилә доғру

Илаһи кәламда тәгванын бөјүк вәсфи будур ки, тәгва азугәдир. Азугә дејәндә нәзәрдә тутулур ки, биз мүсафирик вә мүсафир дүнјада галасы дејил. Биз дүнјада һәм гәрибик, һәм дә мүсафир. Сәфәрдә олан инсан дүнја илә мүсафир кими давранмалыдыр. Мүсафир олмаг одур ки, гаршыда мәгсәд вар вә бу о мәгсәдә доғру һәрәкәтдәјик. Һәр бир инсанын мәгсәди вар. Аллаһ һәр бир инсан үчүн ҝениш сүфрә ачмыш, мәнзил тәјин етмишдир. Сизин мәнзилиниз һансыдыр?

Әмирәлмөминин (ә) шәр адамларын мәнзили һаггында

Бу дүнјада һесаб-китабсыз јашајан инсанларын мәнзили бир тамашадыр. Ахмаг өмүр сүрәнләрин сон мәнзили мараглыдыр. Һәзрәт Әли (ә) шәр, ҝүнаһкар инсанлар үчүн һазырланмыш мәнзили ҝөзәл тәсвир едир. Бу сөзләри гулағынызда сырға един! Јахшы олар ки, әлиниз алтында Нәһҹүл-бәлағә олсун вә арабир бу китабы охујасыныз. Һәзрәт бујурур: 


” و أما أهل المعصیة فأنزلهم شر دار، و غل الایدی الی الأعناق و قرن النواصی بالأقدام و ألبسهم سرابیل القطران و مقطعات النیران، فی عذاب قد اشتد حره، و باب قد أطبق علی أهله، فی نار لها کلب و لجب و لهب ساطع و قصیف هائل، لا یظعن مقیمها، و لا یفادی اسیرها، و لا تفصم کبولها لا مدة للدار فتفنی و لا أجل للقوم فیقضی / خطبه ۱۰۸


Аллаһ бунлары һараја гәдәр ендириб? Шәр инсанлар үчүн һазырланмыш ев, дүнја евләриндән дејил. Аллаһ онларын голларыны бојунларындан асар, сачларыны ајагларына бағлајар. Һансы һејванын алнындакы сачындан ҝөтүрүлсә, бу һејван һәрәкәт едә билмәз. Шәр адамлара һәмин евдә гәтран јағындан либаслар ҝејдириләр. Јағын јандырыҹылығы башга шејләрин јандырыҹылығындан ҝүҹлүдүр. Чүнки јағ бәдәнә дәјәндә ондан ајрылана гәдәр јандырыр. Јағлар арасында ән пис гохусу олан јағ гәтран јағыдыр. Аллаһ өзү бу адамлар үчүн либас бичиб. Һәзрәт бујурур ки, бу либас оддандыр. Аллаһ онлары һәрарәти һәр ан артан ода салар. Елә бир јер ки, бүтүн гапылар бағлыдыр. Онлар гачмаға јол ахтарар, ҹанларыны әзабдан гуртармаг истәјәрләр. Гуранда да бу мөвзуја тохунулур. Һәзрәт Әли (ә) бујурур ки, бу одун узун шөләләри, дәһшәтли сәси вар. Ҝөрүнтүсү вә һәрарәти әзабвериҹидир. Һәзрәт бујурур ки, ода дүшән инсанын орадан чыхмаг имканы јохдур. Бу одда әсир олан инсан үчүн гачмаға јол тапылмаз. Онун зәнҹирләри гырылмыр, фидјә вермәк дә әсири азад едә билмир. Ҹәһәннәмдә заман өтмүр, сакинләри үчүн вахт баша чатмыр. Мүвәггәти ләззәтләрә алданыб белә бир агибәтә дүчар олан инсана ағыллы демәк олармы?! Аллаһ бизи ағыл јухусундан хилас етсин.

Гәбирдән чыхмыш әлләр бағышланмаг истәјир!

Еј каш инсанын ҝөрән ҝөзү олајды, дүнјадан һәсрәт ҝедәнләрин һалыны ҝөрәјди. Ајәтуллаһ шејх Әли Сафи мәрһум Асидҹәмал Ҝүлпајиганидән нәгл едир ки, Нәҹәфә ҝедәндә бәрзәх ҝөзүмүн ачылдығыны һисс етдим. Бәрзәх әһлинин һалыны сејр етмәјә дөзүмүм јох иди; Һәзрәт Әлијә тәвәссүл едиб дедим ки, мән бәрзәх ҝөзү истәмирәм. Васитә олун, мәндән алынсын. Бәрзәх ҝөзүм ачыг олан заман Вадиүс-сәлама ҝетдим; орада гәбирдән чыхмыш, бағышланмаг истәјән әлләрин сајы јох иди. Бу әлләр мәнә доғру узанмышды, нәсә истәјирди. Онлар бағышланмаг истәсә дә, имкан јох иди. Сад, 3: "Артыг (әзабдан) гачыб ҹан гуртармаг вахты дејил."

Намаз мөминин мигатыдыр

Намазын маһијјәти Аллаһла үзбәүз дајанмагдыр. Бу һала "муһазат" дејирләр. Јәни инсан гәлби Аллаһын һүзурунда дајаныр. Намазын бүтүн сирри, фәлсәфәси, маһијјәти будур. Инсан гәлби Аллаһ һүзурунда дајананда сејр башлајыр. Мөвлана дејир ки, әҝәр намазда гәлбим гаршында дајанмајыбса ону намаз сајмырам.
Намаз о дејил ки, инсан нәсә истәмәк үчүн Аллаһын гаршысында дајансын. Намаза дајанан инсанда дәрд олмалыдыр. Һансы дәрд? Әлламә Тәбатәбаидән инсанын Аллаһла рабитәси һаггында сорушдулар. Аға бујурду: "Биз Сәнә (Аллаһа) мөһтаҹ, Сән бизә мүштаг." Әҝәр инсан еһтијаҹлары сәбәбиндән Аллаһа үз тутурса, дүзҝүн дејил, ширинлији јохдур. Шаирин тәбиринҹә, хош о инсанын һалына ки, Аллаһын гаршысында дәрдлә дајаныб. Намаз, јәни хәлвәт ҝөрүш, ајрылыг дәрди. Шаир дејир ки, Сән олмајан јердә меһрабда дајанмағым намаз дејил. Онун тәбиринҹә, бу һалда намаза дајананда ријадан елә хәҹаләт чәкирәм ки, Сәнә доғру баха билмирәм.
Аллаһла белә үзбәүз дајанмаг, Онун әзәмәтини һисс етмәк инсан үчүн мигатдыр. (Мигат һәҹҹдә еһрам бағланылан јерә дејилир). Намаз гылан һәмин мигатда еһрам бағлајыр, Аллаһу Әкбәр дејиб Аллаһа доғру сәфәрә чыхыр.

Әмәлләр намаз тәрәзисиндә

Намаз тәрәзи кимидир. Бу бәнзәтмә Һәзрәт Пејғәмбәрдәндир (с). Инсанын әмәл намәсиндә Аллаһла үнсијјәт нә гәдәр чох олса, удуб. Бу һал јохса, удузуб. Һәзрәт (с) Һәммад ибн Исаја бујурду: "Вај о инсанын һалына ки, өмрүндән 60-70 ил кечиб, бир дәфә дә Аллаһла үзбәүз дајанмајыб." Бу шәхс намаз гылыб, амма үзбәүз дајанма һалы олмајыб. Белә инсаны ҹан верән заман үзүгибләјә дөндәрәрләр, чүнки һәјатда үзүнү гибләјә чевирмәјиб, үзүгибләјә јашамајыб.

Руһун паклығы шәртдир

Бир инсанын илаһи немәтләрдән бәһрәсини өлчән тәрәзи, онун "муһазат" һалында олмасыдыр. Ким бу һалда олса, дүнјадан сәмәрә ҝөтүрүб. Өзүнүзү дәјәрләндирин! Инсан пакланмаса, һаггын гаршысында дајана билмәз. Дәстәмазда әл-ајағы јумаг пакланманын символудур. Аллаһ биздән заһири јох, дахили пакланма истәјир. Бүтүн бу әмәлләрин һикмәти вар. Инсанын дахили паклананда Аллаһла үзбәүз дајана биләр. Бу заман намаз ҝүзҝү кими олур, инсан бу ҝүзҝүдә өзүнү сејр едир.
Арифләрдән бири дејир ки, јухуда намаз гылырдым, гаршымда ҝүзҝү тутдулар, өзүмү сејр етдим, ҝөрдүјүм ҹамалын вәсфиндә аҹизәм.
Инсан намазда һәм өзүнү, һәм дә Аллаһы ҝөрүр. Шаирин тәбиринҹә, ҝеҹәләр намазда оланда мәшуг үзүндән һиҹабы ҝөтүрүб деди сејр ет!

Намаз вәзифә јох, шәрәфдир

Намаз гылмајанлар нә итирдијини билмир. Онлар дүшүнүр ки, намаз вәзифәдир. Амма намаз вәзифә јох, шәрәфдир. Бизим варлыг аләминдә шәрафәтимиз вар. Оланымыз будур, галан нә варса, ојун-ојунҹагдыр. Инсанын оланы будур ки, Аллаһла "муһазат" шәрәфинә чатсын. Өз Рәбби илә раз-нијаз мәгамына јүксәлиб ешг ҹамыны башына чәксин. Шаир дејир ки, бир шәраб истәјирәм ки, мәни бир ан шәр вә ҝүнаһдан ајырсын.

Динин фәлсәфәси, намаз гыланын "муһазат" һалында Аллаһла рабитәси

Динин фәлсәфәси бундан ибарәтдир ки, Аллаһын гаршысында оланда Онунла үнсијјәтә гатылсын. Бу үнсијјәтдән ајрылмаг мүмкүн олмур. Һәзрәт бујурур ки, бу һалы јашајан ондан ајрылмаг истәмир. Дејиләнләр дәринлијинә мәсумларын баш вурдуғу дәјәрләрдир. Һәзрәтдән сорушдулар ки, ким бу мәгама чата биләр? Һәзрәт бујурду ки, бизим истәдијимиз шәхс! Намазсыз диндә фајда јохдур!
İнсаны Аллаһа чатдырмајан, намазы олмајан дин, әслиндә дин дејил. Јалныз базар ҝүнләри Аллаһла сөһбәтә чағыран дин неҹә диндир?! Јәни Аллаһ бу гәдәр дәјәрсиз вә ҹазибәсиздир ки, тәкҹә базар ҝүнү Она аид едилир?!
Бир груп шәхс Пејғәмбәрә (с) деди ки, бүтүн дедикләрини гәбул едирик, амма намаз гылмајаҹағыг. Һәзрәт бујурду ки, намазы олмајан диндә хејир јохдур. О неҹә диндир ки, мәһәррәм ајында әзадарлығы вар, намазы јохдур?! Инсаны Аллаһ гаршысында дајандырмајан, һаггын ҹамал вә ҹәлалынын сејринә апармајан дин фајдасыздыр. Бу дин дејил, ојунҹагдыр. Әнам, 70: "Динләрини ојун вә әјләнҹә сајанлары, дүнја һәјатынын мәғрур етдији (вә ја алдатдығы) шәхсләри бошла ҝетсинләр. (Онлара Гураны) Хатырлат ки, һеч кәс газандығы әмәлә ҝөрә өзүнү һәлака дүчар етмәсин. Аллаһдан башга онун нә бир досту вар, нә дә бир шәфаәтчиси (һавадары). О, һәр һансы бир фидјәни версә белә, гәбул олунмаз. Онлар етдикләри әмәлләрә ҝөрә әзаба дүчар оланлардыр. Онлары күфр етдикләринә ҝөрә гајнар су (Сәһәннәм ичкиси һәмим) вә шиддәтли әзаб ҝөзләјир!"

27 рәҹәб вә Аллаһын әзәмәтинин тәҹәлласы

Биз Аллаһла "муһазат" немәтини 27 рәҹәбдә әлдә етдик. Бу ҝүнүн гәдрини биләк. Шәрафәтинә ҝөрә илин һеч бир ҝүнү 27 рәҹәбә чата билмәз. Һәмин ҝүн Аллаһ тәҹәлла едиб. Аллаһ бүтүн немәтләрдә, Гуран, јер вә ҝөј, сәһра вә дағ кими немәтләрдә тәҹәлла етмишдир. Амма бир тәҹәлласы әзәмәтлидир. 27 рәҹәб ҝеҹәси! Бәшәријјәтин нәји варса, һәмин ҝеҹәдәндир. Аллаһ һәмин ҝеҹә бәшәријјәт үчүн бөјүк сүфрә ачмышдыр. Инсан бундан башга һансы сүфрә илә өјүнә биләр?!

27 рәҹәб вә инсан сәлтәнәтинин башланғыҹы

Аллаһ-Таала инсана нә верибсә, 27 рәҹәб ҝеҹәси вериб. Һәмин ҝеҹә бәшәријјәтин Аллаһла рабитәси бәргәрар олуб, инсанын сәлтәнәти башлајыб. Һәзрәт Пејғәмбәр бујурур ки, һамынызы падшаһ етмәјә һазырам. Шаирин тәбиринҹә, сәлтәнәт һәвәси илә Сәнин ешгини сечдим.
Əҝәр бир шәхс десә ки, буну истәмирәм, истәмәли башга нә вар!? Бу ишдән галан Һәзрәт Әлинин бујурдуғу кими һөрмәтдән дүшәҹәк, леш јејәҹәк. Евә ҝәтирдијин рүшвәт һәмин лешдир. О тојлардакы тој саһиби чохлу пул хәрҹләсинләр дејә, гонаглара шәраб ичирир, әлдә етдији пул һәмин лешдир. Тоја бир ај галмыш евиндә гумар мәҹлиси тәшкил едән, тој пулу јыған адамлар билсин ки һәмин пул лешдир. 27 рәҹәб олмаса, инсана галан бир гујудур. Гујуда галмаг истәјирсиниз? Шаир дејир ки, бу дүнја гаранлыг бир гујудур.

Пејғәмбәрләри вә китаблары тәсдигләјән сон Пејғәмбәр (с)

Пејғәмбәр (с) мәбус олду ки, бизим диггәтимизи торпагдан әршә галдырсын. Пејғәмбәр бујурур ки, торпагла ојнамајын, башынызы галдырын, јухары бахын, торпагла ушаг ојнајар. Башынызы дик тутун. Ғафир, 13: "Сизә ајәләрини (мөҹүзәләрини, дәлилләрини) ҝөстәрән, ҝөјдән рузи (һәр шеји ҝөјәрдән јағыш) ендирән мәһз Одур. (Бу ајәләрдән) Анҹаг (төвбә едиб Рәббинә) дөнән (Она шәрик гошмагдан имтина едән) кимсә ибрәт алар!" Пејғәмбәр ҝәлди ки, кичик арзулары бөјүк арзуларла әвәз етсин. Пејғәмбәрлик силсиләсини баша чатдырды. Ҝәләҹәкдә дә тәсәввүрә ҝәләси бүтүн мәгамлары әлдә етди. Бүтүн пејғәмбәрләри вә китаблары тәсдигләди.

Дүнјанын дәрди сәрсәм һакимијјәт, чарәси фәгиһ һакимијјәтидир

Ҹәнаб әл-Һилали Мисирин бөјүк алимидир. Һазырда Австралијада јашајыр. О дејир ки, мән сәрсәм һакимијјәтин дүнјаја дәрд олдуғуну дәрк етдим вә дәрманыны фәгиһ вилајәтиндә ҝөрдүм. Ким фәгиһ вилајәти истәмирсә, сәрсәм һакимијјәт истәјир. Гәсәс, 5: "Биз исә истәјирдик ки, о јердә зәиф дүшүб әзиләнләрә (Исраил оғулларына) мәрһәмәт ҝөстәрәк, онлары өндә ҝедәнләр вә варисләр едәк."

Икинҹи хүтбә

بسم الله الرحمن الرحیم

Өзүмү вә бүтүн әзизләри илаһи тәгваја дәвәт едирәм

Тәгва өлчүлү јашамагдыр

Әзизләр! Тәгванын мәнасы инсанын һесаб-китабла јашамасыдыр. Бу мәсәләни шәриәтдән габаг ағыл дејир. Аллаһ-Таала дүнјаны һесабла, өлчү илә јаратмышдыр. Биз низамлы дүнјада јашајырыг вә нәзарәт алтындајыг. Бир ҝүн сорғуја чәкиләҹәјик.

Инсан нәзарәт алтында

Кумејл дуасына әсасән, Аллаһ инсана үч јолла нәзарәт едир. Биринҹи јол мәләкләр васитәсилә нәзарәтдир. Икинҹи јол инсанын өз бәдән үзвләринин нәзарәти, дил ачыб данышмасыдыр. Үчүнҹү јол Аллаһын өз нәзарәтидир. Аллаһ бу васитәләрин фөвгүндәдир вә бизә нәзарәт едир. Инсан үчүн Аллаһдан ҝизли бир јер јохдур. Ҹасијә, 29: "Биз сизин етдијиниз әмәлләри јаздырмышыг!” Аллаһ мәлумат топлајыр ки, онлары архивләшдирсин? Хејр, белә дејил. Аллаһ инсана һәјатыны дәгигә-дәгигә ҝөстәрәҹәк, һансы саатда һансы иши ҝөрдүјүнү хатырлајаҹаг. Бүтүн бу ишләр инсанын ҝөзү гаршысындан кечәҹәк. Саффат, 24: "Онлары тутуб сахлајын, чүнки сорғу-суал олунаҹаглар!"

Әмәл тәрәзисинин ҝөзүнү Аллаһын разылығы долдура биләр

Һәзрәт Давуд Аллаһа хитабән дејир: "Пәрвәрдиҝара, әмәлләри өлчәҹәјин тәрәзини мәнә ҝөстәрәрсән?" Бу тәрәзиләр дүнјадакы тәрәзиләр кими дејил. Әмәл тәрәзиси Давуда ҝөстәриләндә өзүндән ҝетди. Өзүнә ҝәләндә деди: "Пәрвәрдиҝара, бу тәрәзинин ҝөзүнү хејир әмәллә ким долдура биләр?" Аллаһ-Таала бујурду: "Әҝәр Мән бириндән разы олсам, о тәрәзинин ҝөзүнү бир хурма илә долдурарам." Елә иш ҝөрәк ки, Аллаһ биздән разы галсын. Елә јашајаг ки, Аллаһ нә үчүн - нијә сорушмасын.

Рәҹәб вә шәбан рамазанын мүгәддимәсидир

Әзизләрим! Рәҹәб сүфрәси јығышмагдадыр. Мәбада бу сүфрәдән фајдаланмадан ајаға галхаг. Сәмадан нида олунар ки, һарададыр истиғфар едән, төвбә гылан, зикр дејән? Сүфрә јығышыр. Бир тәмизләмә иши апарын! Рәҹәб, шәбан вә рамазан ајлары Аллаһ гонаглығына пак дахил олмаг үчүндүр. Бу фүрсәт һәмишә јаранмыр. Инди рәҹәб баша чатдығы кими бир ҝүн өмүр баша чатаҹаг. Шаирин тәбиринҹә, сүбһ ачылды, саги тәләс, заман дајанмыр.

27 рәҹәбин фәзиләти, Пејғәмәбрин мәбәс ҝүнү

Мәһшәр сәһнәсинә бир шәхс ҝәтириләр ки, әмәл намәсиндә 70 ил оруҹ тутдуғу јазылыб. Бу шәхс дејәр ки, Пәрвәрдиҝара, мән 70 ил јашамамышам. Аллаһ бујурар ки, 27 рәҹәб ҝүнү оруҹ тутмусан. 27 рәҹәбдә оруҹ тутмағын савабы 70 ил оруҹ тутмағын савабы гәдәрдир. Ҝөрүн бу оруҹда нә һикмәт вар. Ҝедин, өзүнүз она чатын. 27 рәҹәб ҝеҹәси һаггында Имам Ҹавад (ә) бујурур: "Бу ҝеҹә јаранышдан бу ҝүнәдәк үзәринә ҝүнәш, ишыг салан һәр шејдән үстүндүр." Бу ҝеҹәни әлдән чыхармајын! Бу ҝеҹәнин һикмәтләри вар. Бу ҝеҹә о ҝеҹәләрдәндир ки, ојаг галмағын фәзиләти вар.

Рәҹәб ајында Пејғәмбәрә көмәк пакланмаг васитәсидир

Рәҹәб ајы Пејғәмбәр ајыдыр. Пејғәмбәр (с) бујурур ки, Аллаһ рәһмәт етсин һәмин ајда мәнә көмәк едәнә! Неҹә көмәк? Бу ајын үч әмәли вар: Төвбә, оруҹ вә сәдәгә. Пејғәмбәр бујурур ки, бу үч әмәллә мәнә көмәк един, мән дә сизи паклајым. Әкс-тәгдирдә Пејғәмбәрин көмәјә еһтијаҹы јохдур. Бу ҹүмләнин мәнасына бир дә бахаг. Пејғәмбәрә көмәк лазымдыр? Бујурур ки, мәнә көмәк един, мән дә сизи паклајым. Бу ајын хүсусијјәтидир ки, бу ајда верилән сәдәгәни Аллаһ Гијамәтә гәдәр артырар, сонра инсана гајтарар. Аллаһ јолунда сәдәгә вермәк истәмирсиниз? Истәмирсиниз ки, Аллаһ бу сәдәгәни Гијамәтә гәдәр артырсын? Һәзрәт бујурур ки, бәзи хејир әмәлләр Гијамәт ҝүнү Уһуд дағы әзәмәтиндә инсана гајтарылар. Бу әмәли Аллаһ бөјүдәр.
Бизим хејријјә мүәссисәләримиз чохдур. Хәрчәнҝ хәстәләринә јардым ҝөстәрән Рејһанә мүәссисәси, ифлиҹ хәстәләринә көмәк едән Меһранә мүәссисәси бу гәбилдәндир. Мишкиншәһрә сел ҝәлиб, јохсулларын еви дағылыб. Хејријјәчиләр габаға ҝәлсин, онлара ев тиксин! Десинләр ки, Пәрвәрдиҝара, бу пулу Сәнә верирәм, ону мәним үчүн артыр, сонра гајтарарсан. Мусанын анасы көрпәсини Аллаһа тапшырды, Аллаһ көрпәни бөјүдүб пејғәмбәрлик мәгамына јүксәлдиб анасына гајтарды. Рәҹәб ајында јохсуллары јаддан чыхармајын. Шәбан дуасында бу мәсәләјә тохунулур. Әввәлҹә сәдәгә верин сонра рәҹәб дуасы охујун!

Бөјүк Рәһбәр нүвә мүзакирәләри һаггында

Биз Рәһбәрин нүвә мүзакирәләри илә бағлы узагҝөрәнлијиндән шадыг. Ҹәнаб Рәһбәр неҹә дә дүзҝүн гијмәт верди. Мән әввәла нүвә мүзакирәләриндә Иран нүмајәндә һејәтинин мүгавимәтини алгышлајырам. Онлар 5+1 групунун гаршысында ирадә ҝөстәрдиләр. Хариҹи ишләр назиринин мүавини јахшы деди ки, принсипләримиз үзәриндә мөһкәм дајанмаг, мүзакирәләрдә разылыға ҝәлмәкдән мүһүмдүр. Президентимиз јахшы деди ки, һәр шеј һәлл олду, бир шеј галды, о да гәрб тәрәфинин инадкарлығыдыр. Гәрбин тамаһы битиб-түкәнәндир? Билирсинизми, нә гәдәр ҝүзәштә ҝетдик? Халгымыз билмир. Билин ки, чох ҝүзәштә ҝетдик. Ингилаб тарихиндә ҝөрүнмәмиш һәддә ҝүзәшт етдик. Бундан да јухарысыны истәјирләр?! Онларын һәдәфи бизим елми игтидарымыздыр. Онларын проблеми бизим милли һөкумәтимизләдир. Онлар бизим мүдафиә ҝүҹүмүздән нараһатдырлар. Бизи тәркисилаһ етмәк истәјирләр. Истәјирләр мүдафиә системимиз олмасын. Милли һөкумәтимизи һөрмәтдән салыр, тәфтиш ады илә бүтүн өлкәмизи сүзҝәҹдән кечирмәк истәјирләр. Бу аддым милли һөкумәтә зәрбәдир.

Милләтләри һәдәләмәк дөврү кечиб!

Тәркисилаһа разы олан халг өз әсарәти, өлүмүнә имза атыб. 500 ил бизи тәркисилаһ едибләр. Артыг бунун дөврү баша чатыб. Һәдә-горху заманы дејил. Ајыбдыр ки, бир милләт өз гатилинә көмәк етсин. Һанини мејдана ҝәтирдиләр ки, бојнуну вурсунлар. Дедиләр ки, башыны ирәли вер. Деди ки, мән һеч вахт өз гатилимә көмәк етмәрәм.

Санксијалар гаршысында Иранын ҝүҹү

Дүнја бирлији ады алтында милләтләрә зүлм едирләр. Американын нүфузлу рәсмиләриндән бири дејир: "Ирана гаршы санксијаларымыз о гәдәр ҝүҹлү олуб ки, артыг бу санксијалары ҝүҹләндирмәјә јер галмајыб." Бу о демәкдир ки, әлләри чатан дашы Ирана атыблар.
АБШ арашдырма мәркәзләриндән биринин мәсулу дејир ки, бу милләтин башына таундан савајы бүтүн бәлалар ендирилди. Һансы ганунла бу аддымлары атдыныз? Һәмин шәхс дејир ки, Иран һәлә дә өз принсипләри үзәриндә мөһкәм дајаныб. Тәәҹҹүблүдүр ки, мүгәддәс мәфһумлар ады алтында бу ишләри ҝөрүрләр.

Бәшәријјәтә зүлмдә мүгәддәс мәфһумлардан истифадә

Өтән һәфтә Суријаја гаршы тәһлүкәли бир лајиһә ирәли сүрүлдү. Сурија илә бағлы иши Тәһлүкәсизлик Шурасындан бејнәлхалг ҹинајәтләр мәһкәмәсинә ҝөндәрмәк истәдиләр. Бу аддым Суријаја бөјүк зәрбә оларды. Русија вә Чин буна вето гојду, имкан вермәди. Америка нүмајәндәси етираз етди ки, Русија вә Чин әдаләтә гаршы чыхыр. Неҹә олур ки, сиз инсанын синәсини парчалајыб үрәјини чыхаран террорчулара ҝәләндә әдаләтдән данышмырсыныз, инди әдаләт јадыныза дүшүр.

Гәрб етимад олунасы дејил

Дөвләт рәсмиләримиз јахшы ҝөрүр ки, гәрб дөвләтләринә етимад етмәк олмаз. Биз өз игтидарымызы горумагла дүнја илә дә рабитә сахлајаҹағыг. Бизим дүнја илә давамыз јохдур. Дүнја илә сүлһү сахлајаҹағыг. Дүнјанын потенсиал имканларындан истифадә едәҹәјик. Һеч вахт башымызы гатилин гаршысында ирәли узатмајаҹағыг, өз гәтлимизә көмәк етмәјәҹәјик.
Һәзрәт Ајәтуллаһ Ҹавади Амули бу һәфтә өз сөһбәтиндә ҝөзәл бир сөз бујурду: "Әҝәр онлар сағ әлләри илә бејәт етсәләр, сол әлләри илә хәјанәтә ҝедәҹәкләр." Мән онлара үз тутуб дејирәм ки, Ираны сынаға чәкмәкдән ваз кечин! Суријада бу иши ҝөрдүнүз. Ираны таныдыныз. Ираны нөвбәти дәфә сынамајын! Ики јол вар: Ја гартал олмалыјыг, ја да гузғун (леш јејән). Гартал олмағын өз јолу вар, гузғун олмағын өз јолу. Бизә гузғун олмаг иҹазәси верилмәјиб.
Имам Һүсејн (ә) Кәрбәлада бујурду ки, бунлар бизим гаршымызда ики јол гојуб. Буну мән дејирәм ки, гартал, ја да гузғун олмаг јолу!

Нүмајәндәләр ҝәнҹләрин иш проблемини һәлл етмәлидир

Сабиг дөвләт бизим устанда мин нәфәри рәсми ишә ҝөтүрдү. Тәәссүф ки, һәмин адамлар һәлә ки, ишә башламајыб. Бу проблеми парламентдәки нүмајәндәләр һәлл едә биләр. Мән устанын 7 нүмајәндәсиндән истәјирәм ки, аддым атсынлар, бу ҝәнҹләр һәмин сечимә үмид бағлајыб.

Устан мәсулларына башсағлығы

Јада салынасы нөвбәти мәсәлә будур ки, Биләсуварда Аразын кәнарында 3600 һектар гызыл кими дәјәрли әкин саһәси мәһв едилди. Бәзиләри бу фикирдәдир ки, су тәсәррүфаты мәсуллары мүгәссирдир. Кимләрсә кооперасија мүәссисәләрини иттиһам едир. Бәзиләри халгы ҝүнаһкар сајыр. Мән инди кимисә мүһакимә етмирәм. Амма мәсуллара башсағлығы верирәм. Һәр һектар 5 тон мәһсул верир. 3600 һектардан 18 мин тон буғда ҝөтүрмәк оларды, мәһв олуб ҝетди. Мән ҹидди шәкилдә мәсуллара башсағлығы верирәм.

Муса ибн Ҹәфәр Гијамәтдә шиәләрин адыны јазар

Гаршыдан Имам Муса ибн Ҹәфәрин (ә) шәһадәт илдөнүмү ҝәлир. Халг шөвглә әзадарлыг едир. Имам Муса ибн Ҹәфәр о шәхсдир ки, Гијамәт ҝүнү шиәләр вә Әһли-бејт дүшмәнләринин адыны јазаҹаг. Пејғәмбәр Гијамәт ҝүнү һәр Имам үчүн вәзифә тәјин едиб. Имам Муса ибн Ҹәфәрин иши шиәләр вә шиә дүшмәнләринин адыны јазмагдыр.
Аллаһ шиәләрә гәзәбләнәндә Муса ибн Ҹәфәр дуа едир ки, Пәрвәрдиҝара, мән шиәләрин јолунда ҹанымы верәрәм онлары бағышла. Имам бу јолда ҹаныны верди. Бәзиләри мурдар рүшвәтдән ваз кечә билмир. Бәзиләри намәһрәмә ҝөзүнү јуммагда аҹиздир. Әхлагсыз бир филмдән әл чәкә билмирләр. Амма Имама ашиглик иддиасындадырлар. Бу иддиа јаландыр. Онларын Имама нә охшарлығы вар?! Имамлар бујуруб ки, өзүнүзү бизә бәнзәдин!

Бөјүк инсанлар, Гуран вә Ислам фәдаиләри Азәрбајҹанда һәбсдә

Һәзрәт Муса ибн Ҹәфәр һәбсханада мүгавимәт символудур. Инди гоншу Азәрбајҹанда бөјүк алимләр һәбсдәдир. Аллаһдан бу инсанлара азадлыг истәјирәм. Биз онлары алгышлајырыг. Онлары һәр јердә уҹа тутмағымыз лазымдыр. Онлар бөјүк инсанлардыр. Гуран ајәләри, һиҹаба ҝөрә һәбсә алыныблар. Онлар ҝүнаһ иш ҝөрмәјиб. Бир өлкәдә бөјүк инсанлар һәбсә алынса, о өлкәдә мәдәнијјәт тәнәззүл едәр, инкишаф дајанар.

3 хордад Хүррәмшәһрин фәтһ ҝүнүдүр

3 хордад, Бејтүл-мүгәддәс әмәлијјатынын илдөнүмүнү әзиз тутур, бу әмәлијјатда шәһадәтә чатанлары јада салырыг. Биз шәһидләрлә әһд-пејман бағламышыг ки, бу өлкәнин иззәт вә мәдәнијјәтини һифз едәк. Бир заман бу өлкәнин торпаглары уғрунда мүһарибә ҝедирди. Дүшмәнлә үзбәүз сәнҝәрдә идик. Сәнҝәр ајдын ҝөрүнүрдү. Бу ҝүн иш чәтинләшиб. Бу ҝүнкү мүһарибәдә сәрһәдләр, сәнҝәрләр ҝөрүнмүр. Етигад үзәриндә мүһарибә ҝедир. Шәһәрләри бомбаламырлар, етигадлары һәдәфә алыблар. Бу мүһарибәдә бәзән өзүмүздән олан шәхс дүшмәнә әсҝәрлик едир, милли һөкумәт вә варлығымыза атәш ачыр. Бу мүһарибәдә ҝөзүачыг олмалыјыг.
Еј меһрибан Аллаһ! Ислам мәмләкәтимизин иззәт вә игтидарыны бизә рузи бујур.

Nur-az.com


10275 بازدید
در حال ارسال اطلاعات...
Go to TOP