15 Јанвар 2019
Кафирләрин әзабынын јениләнмәси
Аллаһ кафирләрин бәдәнинә јени дәри ҝәтирәҹәк...
إِنَّ الَّذِينَ كَفَرُوا بِآيَاتِنَا سَوْفَ نُصْلِيهِمْ نَارًا كُلَّمَا نَضِجَتْ جُلُودُهُمْ بَدَّلْنَاهُمْ جُلُودًا غَيْرَهَا لِيَذُوقُوا الْعَذَابَ إِنَّ اللَّهَ كَانَ عَزِيزًا حَكِيمًا
"Шүбһәсиз ки, ајәләримизи инкар едәнләри (тезликлә) одда јандыраҹағыг. Һәр дәфә онларын дәриләри јандыгҹа, әзабы (даим) дадсынлар дејә, Биз о (дәриләри) башга дәриләрлә әвәз едәҹәјик. Һәгигәтән, Аллаһ Гүдрәтлидир, Мүдрикдир."Â (Ниса, 56).
Изаһ: Ҹәһәннәм әһлинин әзабынын шиддәти вә ағырлығы да Ҹәннәт әһлинин рифаһ вә асајиши кими вәсфәҝәлмәздир. Бу ајәјә ҝөрә, Ҹәһәннәм оду о гәдәр јандырыҹыдыр ки, әһлинин бәдәнинин дәрисини гопарыб ајыраҹагдыр. Амма Аллаһ кафирләрин бәдәнинә јени дәри ҝәтирәҹәк ки, јенидән бу әзабы дадсынлар.
Һәдис: Бир нәфәр Имам Садигдән (ә) сорушду: “Јанан дәри башгасы илә неҹә әвәз олуна биләр?” Имам ҹаваб верди: “Әҝәр бир кәрпиҹи ҝөтүрүб сындырсан вә торпаға чевирсән, сонра гәлибә салыб башга бир кәрпиҹ дүзәлдә билмәзсән? Бу јенә һәмин кәрпиҹдирми? Бәли, һәмин кәрпиҹдир. Онда бир дәјишиклик јаранмышдыр. Амма һәр икиси бир кәрпиҹдир.” (Тәфсири-Гуми, ҹ. 1, сәһ. 141).
