11 Јанвар 2019
Аллаһын рәһмәтинин гәзәбини өнләмәси
Аллаһын гәзәби дә Онун үмуми мәрһәмәтинин нүмунәләриндәндир
غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لَا إِلَٰهَ إِلَّا هُوَ إِلَيْهِ الْمَصِيرُ
"(Бу), ҝүнаһлары бағышлајан, төвбәләри гәбул едән, ҹәзасы шиддәтли олан лүтф саһибиндәндир! Ондан башга мәбуд јохдур. Дөнүш дә Онадыр." (Ғафир, 3).
Изаһ: Билдијимиз кими Аллаһ-Таала бир сыра сифәтләрә маликдир ки, онун бәшәри нүмунәләри зиддијјәтли ҝөрүнүр. Мисал үчүн, Аллаһ рәһмәт вә гәзәб сифәтләринә маликдир. Буна бахмајараг, Аллаһын рәһмәти даим гәзәбиндән өндәдир. Һәтта дәгиг јанашарсаг, Аллаһын гәзәби дә Онун үмуми мәрһәмәтинин нүмунәләриндәндир. Чүнки о олмадан јарадылыш системи позулар вә залымлар јери тамамилә фәсада сүрүкләјәрләр. Јухарыдакы ајәдә Аллаһын рәһмәт вә гәзәб сифәти јанашы гејд олунмушдур ки, бәндәләри үмид вә горху арасында сахласын. Бу сифәтләрин арасында Аллаһын гәзәб сифәти (شَدِيدِ الْعِقَاب) Онун бир нечә рәһмәт сифәтинин арасында верилмишдир вә бу да дүнјанын әсас етибарилә Аллаһын мәрһәмәти үзәриндә гурулмасына бир дәлилдир.
Һәдис: İмам Сәҹҹаддан (ә) сорушдулар: “Һәсән Бәсри дејир ки, Гијамәтдә кимсә һәлак оларса, тәәҹҹүбләнмәјин. Киминсә ниҹат тапмасы тәәҹҹүблүдүр”. Бујурду: “Мән исә дејирәм ки, кимсәнин ниҹат тапмасына тәәҹҹүбләнмәјин. Она тәәҹҹүбләнин ки, Аллаһын рәһмәти бу гәдәр ҝениш олдуғу һалда неҹә һәлак олмушдур?” (Әмали, Мүртәза, ҹ. 1, сәһ. 162).
