07 Јанвар 2019
Бәзи чәтинликләр бәндәләрин хејринәдир
Мәлумдур ки, инсанын каинатын сирләри вә онларын өз талејинә тәсири һаггында мәлуматы чох аздыр.
كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ
"Сизин хошунуза ҝәлмәсә дә, ҹиһад сизә ваҹиб едилди. Ола билсин ки, севмәдијиниз бир шеј сизин үчүн хејирли, севдијиниз бир шеј исә сизин үчүн зәрәрли олсун. Аллаһ билир, сиз исә (буну) билмирсиниз." (Бәгәрә, 216).
Изаһ: Мәлумдур ки, инсанын каинатын сирләри вә онларын өз талејинә тәсири һаггында мәлуматы чох аздыр. Буна ҝөрә дә бир чох һалларда нәтиҹә етибарилә өз хејринә олан бу вә ја диҝәр һадисәни өзү үчүн бәла вә мүсибәт сана биләр. Одур ки, һәкимин дәрманы ушаг үчүн аҹы вә хошаҝәлмәз олса да ондан чәкинмәмәлидир. Чүнки о дәрмандан истифадә етмәк онун сағламлығы илә нәтиҹәләнәҹәк. Һәјатда гаршылашдығымыз бир чох аҹы мүсибәтләрин вә фәлакәтләрин дә нәтиҹәси јахшыдыр. Аллаһ ондан хәбәрдардыр. Бәндәләр исә өз елм вә биликләринин мәһдуд олдуғуна ҝөрә ону аҹы вә хошаҝәлмәз һадисә кими ҝөрүрләр. Јухарыдакы ајә бу мүһүм вә тәсирли һәгигәти тәкид едир.
Һәдис: İмам Әли (ә): “Аллаһ Өз әршиндән сәсләјир: “Еј бәндәләрим! Дедијим һәр шејә әмәл един. Өз мәсләһәтләринизи мәнә демәјин. Мән Өзүм сизин мәсләһәтиниздән хәбәрдарам вә ону сиздән әсирҝәмәрәм.” (Имам Һәсән Әсҝәријә (ә) иснад олунан тәфсир, сәһ. 327, һәдис: 176).
