26 Нојабр 2018
Кафирләрә ҝүнаһларыны артырмаг үчүн мөһләт верилмәси
Аллаһ бүтүн инсанлара, о ҹүмләдән кафирләрә мөһләт верир ки...
وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِأَنْفُسِهِمْ ۚ إِنَّمَا نُمْلِي لَهُمْ لِيَزْدَادُوا إِثْمًا ۚ وَلَهُمْ عَذَابٌ مُهِينٌ
"Кафирләр елә ҝүман етмәсинләр ки, Бизим онлара мөһләт вермәјимиз хејирләринәдир. Биз онлара она ҝөрә мөһләт веририк ки, ҝүнаһларыны даһа да артырсынлар. Онлар үчүн алчалдыҹы бир әзаб һазырланмышдыр." (Али-Имран, 178).
Изаһ: Öтән мәтләбдә кафирләрин дүнја рифаһындан даһа чох фајдаланмасынын дәлилләриндән бири олараг тәдриҹилик әнәнәсиндән сөһбәт ачдыг. Бу саһәдә Аллаһын диҝәр әнәнәси исә мөһләт вермәкдир. Белә ки, Аллаһ бүтүн инсанлара, о ҹүмләдән кафирләрә мөһләт верир ки, бәлкә јанлыш јолдан дөнәр, төвбә едәр вә ја ҝүнаһыны артырар вә даһа чох азғынлыға гәрг олар. Бу, Аллаһын рәһмәт нүмунәләриндәндир. Бәндәләрини – бәһанәләри кәсилмәсинә бахмајараг, – дәрһал ҹәзаландырмыр. Амма бу мәрһәмәт кафирләр үчүн әкс нәтиҹә верир. Чүнки онлар бу фүрсәтдән јарарланмыр вә өз әзабларыны даһа да ағырлашдырырлар. Сөзүҝедән ики әнәнәјә – тәдриҹилик вә мөһләт вермәк – нәзәрән кафирләрин дүнјада рифаһ ичиндә јашамасынын һикмәти мүәјјән гәдәр ајдын олур.
Һәдис: İмам Рза (ә): “Аллаһа анд олсун ки, О, (кафирләрин ҝүнаһыны артырмаг үчүн) мөһләт вермәкдән даһа ағыр әзаб вермәмишдир.” (Риҹали-Кәшши, сәһ. 554, һәдис: 1045).
