05 Нојабр 2018
Төвбә едәнләрин фәзиләти
Төвбәкарлар Аллаһын немәт долу сүфрәси әтрафында әјләшиб
(Аллаһ јанында севимли олмаг)... اللَّهُ إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ
"Шүбһәсиз ки, Аллаһ төвбә едәнләри дә севир, пак оланлары да." (Бәгәрә, 222).
Изаһ: Гејд олундуғу кими, төвбә Аллаһа јахынлашмағын башланғыҹыдыр. Гуран вә рәвајәтләрдә төвбәнин фәзиләти вә онун нәтиҹәләри һаггында чох сөһбәт ачылмышдыр. Бу нәтиҹәләрин ән өнәмлиси вә ән үстүнү Аллаһ јанында севимли олмагдыр. Аллаһ төвбәкарлары нәинки гынамыр, онлара миннәт гојмур, әксинә онлары Өзүнә ән јахын бәндәләр сырасында јер верир вә башларына Өзү илә достлуг таҹы гојур. Төвбәкарлар Аллаһын немәт долу сүфрәси әтрафында әјләшиб, Онун ҝизли вә ашкар лүтфләриндән фајдаланырлар. Хошбәхт инсан одур ки, бу немәт долу сүфрәдән гидалансын вә бинәсиб олмасын. Гәрибә бурасыдыр ки, јухарыдакы ајәјә ҝөрә, Аллаһын хүсуси лүтфү чох төвбә едәнләрә аид едилмишдир. Бу да о демәкдир ки, төвбә вә ҝүнаһдан дөнмәк үчүн һеч бир сәрһәд јохдур вә инсан төвбәсини поздугда да мәјус олмамалыдыр.
Һәдис: İслам пејғәмбәри (с): “Аллаһ јанында төвбәкар гадын вә кишидән севимли һеч нә јохдур.” (Үјуни-әхбари-Рза, ҹ. 2, сәһ. 33).
