17 Октјабр 2018
Тәгва – үстүнлүк мејары
Тәгва инсанын әхлаги шәхсијјәтинин тәкамүлүндә чох бөјүк тәсирә маликдир.
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ
"Еј инсанлар! Биз сизи киши вә гадындан јаратдыг. Сонра бир-биринизи таныјасыныз дејә, сизи халглара вә гәбиләләрә ајырдыг. Шүбһәсиз ки, Аллаһ јанында ән һөрмәтли оланыныз ән чох тәгвалы оланыныздыр. Һәгигәтән, Аллаһ Биләндир, Хәбәрдардыр." (Һуҹурат, 13).
Изаһ: “تقوا” (тәгва) сөзү “وقایة” (вигајә) көкүндәндир. Лүғәви мәнасы горумаг вә сахламагдыр. Терминолоҝијада нәфси мәнәви алудәликләрдән горумаг мәнасыны ифадә едир. Тәгванын өнәми, тәсирләри, тәгвалыларын өзәлликләри, тәгванын мәртәбәләри вә тәгва илә бағлы диҝәр бир чох мәсәләләр дини мәтнләрин нәзәрә чарпаҹаг дәрәҹәдә чох бир һиссәсини өзүнә ајырмышдыр. Тәгва инсанын әхлаги шәхсијјәтинин тәкамүлүндә чох бөјүк тәсирә маликдир. Чүнки әхлаги фәзиләтләрә јијәләнмәк истигамәтиндә илк аддым нәфси гәбаһәтләрдән вә ҝүнаһлардан тәмизләмәкдир. Бу бахымдан тәгваны Ислам үммәтинин бүтүн фәрди вә иҹтимаи әмәлләринин тәмәли һесаб етмәк олар. Буна ҝөрә дә јухарыдакы ајә инсанлара хатырладыр ки, онларын бир-биринә нисбәтдә үстүнлүк вә фәзиләт мејары ҝүҹ, сәрвәт, рәнҝ, ирг вә с. кими заһири вә мадди имтијазлар јох, тәгва вә Аллаһ горхусудур.
Һәдис: İмам Әли (ә): “Тәвадан даһа әзиз һөрмәт јохдур.” (Кафи, ҹ. 8, сәһ. 19, һәдис: 4).
