Шрифт өлчүсү:

18 Ијун 2018

Белә һүнәрлисән, чыхын милли мәҹлисдә тәклиф верин ки, ҝәлин идарәчиликдә Гурана сөјкәнәк, Гуран ганунларыны тәтбиг едәк

Итиб-батмыш, мәһв олмуш сијасәтчиләр, партија үзвләри тез-тез сәфеһ-сәфеһ тәклифләрлә ҝүндәмә ҝәлирләр. Мәсәлән, елә бир нечә ҝүн бундан өнҹә бу ҹәһаләтин Фазил Гәзәнфәроғлу версијасыны ҝөрмүш олдуг. О да сијасәтдә зибилликләрә ҝөмүлән, фотолары зибил гутуларына вурулан инсандыр. Ондан сонра исә партијасынын ады “вәһтәд” олан, тәклифиндә исә парчаламаг, бөлмәк, ајырмаг тәзаһүрләри олан “Вәһдәт” партијасынын сәдр мүавини ҹаһиланә тәклиф едиб. Васиф Әфәнди дејир ки, Исламын јениләнмәјә еһтијаҹы вар. Адам о гәдәр дүшүкдүр ки, анламыр ки, сән бир нәфәр бир динин нәјә еһтијаҹлы олдуғуну дејә билмәзсән. Сән ән азындан шәхси һәјатындакы, партијандакы јениләмәләрә башлаја биләрсән. Сән кимсән ки, Аллаһын дининин адындан данышырсан?

Өзү дә дејир ки, Надир шаһын үслубундна истифадә етмәк лазымдыр. Надир шаһын үслубу исә - өзүнүн дә гејд етдији кими – мәзһәбчилији ләғв едиб Гурана истинад едән дөвләт јаратмасы олуб. Белә һүнәрлисән, чыхын милли мәҹлисдә тәклиф верин ки, ҝәлин идарәчиликдә Гурана сөјкәнәк, Гуран ганунларыны тәтбиг едәк. Амма нәдәнсә адам тәклифиндә әнәнәви мәзһәбдән сонра мејдана чыхан вәһһабијјәтин, нурчулуғун, гураниләрин ләғвиндән данышмыр. Үстә ҝәл әҝәр Надир шаһ Гурана истинад едибсә, Васиф Әфәнди нә дејир? Дејир ки, Гуранын мүтәрәгги ајәләриндән ибарәт кичик Гуран тәртиб еләмәк лазымдыр. Бу Гуранда анҹаг барышыға вә инкишафа сәсләјән ајәләр олмалыдыр. Шиддәт вә ҹәһаләтә сәсләјән ајәләр чыхарылмалыдыр. Јенә заваллы олдуғу бир даһа ортаја чыхыр. Чүнки сәфеһ биринҹи нөвбәдә Надир шаһын үслубундан истифадәни доғру һесаб едир. Онун үслубу исә Гурана истинад етмәк олуб. Васиф Әфәнди кими Гуранын бәзи ајәләрини сахлајыб, бәзисини кәнара гојмаг кими ахмаг тәклифләрә истинад етмәјиб. Икинҹиси, бу дүшүк сәдр мүавининә демәк лазымдыр ки, ҹаһил сәнсән ки, Надир шаһдан ибрәт алмаға чағырдығын һалда онун етмәдији бир иши тәклиф едирсән. Јәни адамыән нүмунә олараг гејд етдији надир шаһын етдији илә өзүнүн ирәли сүрдүјү тәклиф һеч ујушмур. Ҹаһилин јол вердији икинҹи сәфеһлик бундан ибарәтдир ки, Гуранда шиддәтә чағыран, ҹәһаләти тәблиғ ајәләрин олдуғуну иддиа едир, һалбуки өзүнүн тәклифиндә шиддәт вар. Зорла мүсәлманлары һәгиги Аллаһ кәламындан ајырмаға, сонрадан тәртиб едилмиш “нагис китаб”а әмәл етмәјә чағырыр. Бундан бөјүк ҹәһаләт, шиддәт, сәфеһлик ола биләрми?

Даһа сонра дејир ки, бир дә Франса кралы Наварскинин үслубундан истифадә етмәк лазымдыр. Нәдир онун тәҹрүбәси? Католикләрлә протестантлары барышдырмаға чалышыб. Амма Франс кралындан фәргли олараг Васиф Азәрбајҹанда мүхтәлиф мәзһәбләрин олдуғуну билдији һалда бу мәзһәб адамларыны барышдырмаға јөнәлик ҹәһдләрини ҝөрмәмишик. Мәсәлән, Фазил Мустафа шиәләри тәһгир едәндә ону бу ишдән чәкиндирмәмиш, арада барышыг, вәһдәт үчүн васитә ролуну ојнамамышдыр.

Сонра дејир ки, өлкәдә кифајәт гәдәр Гуран вар, охумаг истәјән өзү үчүн буну етмәлидир. Әҝәр өлкәдә (камил сүрәтдә) Гуран варса онда сиз нә гәләт едиб ҹамаата ағыл өјрәдирсиниз. Имкан верин ҹамаат Гураныны охујуб мәнәвијјәтини, елмини зәнҝинләшдирсин.

Бу ҹүр адамлара десән ки, Гуранда шиддәт вә ҹәһаләт һардадыр, ҹәһаләтләри о саат мејдана чыхар. Бунларын бүтүн мәгсәди Азәрбајҹанда диндарлар арасында ихтилаф јаратмаг, фитнәләрини Азәрбајҹанда һәјата кечирмәк истәјирләр.