05 Мај 2018
Јер үзүндә фәсад төрәтмәјин агибәти
Онлар елә тәсәввүр едирләр ки, ихтијарларына верилмиш немәт Аллаһын разылығыны ҝөстәрир
Аллаһ-тәаланын һәзрәт Мусаја өјүдләринин сонунда Аллаһ горхусу мәсәләсинә нәзәр салдыг. Аллаһ-тәала һәзрәт Мусадан тәләб едир ки, Бәни-Исраилә белә десин: “Онлара де ки, азғынлыға дүчар олсалар ондан чәкинсинләр. Чүнки мәним ҹәзам һәгигәтән ағырдыр.”Аллаһ-тәала һәддини ашыб јер үзүндә фәсад төрәдәнләри ҹәзаландырыр. Илаһи әзаблар нөвбәнөвдүр. Бу әзаб фәрди, иҹтимаи, дүнјәви, мәнәви вә үхрәви ола биләр. Аллаһла минаҹат ләззәтини дујмамаг да бир нөв әзабдыр. Амма бу дүнјада ән ағыр әзаб истидраҹ ганунуна дүчар олмагдыр. Бу ганун илаһи ҝөстәришләрә әмәл етмәјән, төвсијәләрдән тәсирләнмәјиб ҝүҹү чатдыгҹа фәсад төрәдәнләрә тәтбиг едилир. Беләләринин гәлбиндә һидајәт нуру сөнүр. Аллаһ беләләринә даһа артыг немәт әта етмәклә онларын гаршыдакы әзабларыны артырыр. Онлар елә тәсәввүр едирләр ки, ихтијарларына верилмиш немәт Аллаһын разылығыны ҝөстәрир. Онлар нәинки пешиман олмур, архајынлыгла өз ҝүнаһ јүкләрини ағырлашдырырлар. Беләләри гәфләтә дүчар олдугларындан Аллаһ тәрәфиндән ағыр әзаб һазырландығыны анламырлар. Һансы ки заман өтдүкҹә онларын ҝеријә гајыдышы вә төвбәси мүмкүнсүз олур.
Аллаһ-тәала истидраҹ әзабы һаггында бујурур: “Кафир оланлар тәсәввүр етмәмәлидирләр ки, онлара вердијимиз мөһләт хејирлидир. Бу мөһләт ҝүнаһларыны даһа артырмалары үчүндүр. Онлары зәлиледиҹи бир әзаб ҝөзләјир.” (“Али-Имран”, 178)
Диҝәр бир ајәдә охујуруг: “Верилмиш нәсиһәтләри унутдугларындан бүтүн гапылары онларын үзүнә ачдыг. Верилмиш немәтләрә ҝөрә севиндикләри вахт онлары гәфил јахаладыг вә һәмин вахт үмидләрини итирдиләр.” (“Әнам”, 44)
Аллаһ-тәала истидраҹ әзабы һаггында бујурур: “Кафир оланлар тәсәввүр етмәмәлидирләр ки, онлара вердијимиз мөһләт хејирлидир. Бу мөһләт ҝүнаһларыны даһа артырмалары үчүндүр. Онлары зәлиледиҹи бир әзаб ҝөзләјир.” (“Али-Имран”, 178)
Диҝәр бир ајәдә охујуруг: “Верилмиш нәсиһәтләри унутдугларындан бүтүн гапылары онларын үзүнә ачдыг. Верилмиш немәтләрә ҝөрә севиндикләри вахт онлары гәфил јахаладыг вә һәмин вахт үмидләрини итирдиләр.” (“Әнам”, 44)
