09 Март 2018
Намазын тәрк олунмасынын тәсирләри
Намаз гылмајанын дини јохдур
1. Илаһи гәзәбин назил олмасы –һәзрәт Пејғәмбәр (с) бујурур: “Намаз гылмајан инсан Аллаһ гәзәбләнән вахт онунла ҝөрүшәр.” (Зәхаирул-угба, сәһ.234.)2. Әмәлләрин пуч олмасы –һәзрәт Пејғәмбәр (с) бујурур: “Биләрәкдән намазы тәрк едән инсанын әмәлләри Аллаһ тәрәфиндән пуча чыхарылар.” (Сунәнун-нәсаи, 1-ҹи ҹилд, сәһ.236.)
3. Кафирлик –һәзрәт Пејғәмбәр (с) бујурур: “Биләрәкдән намазы тәрк едән шәхс ашкар күфрә уғрамышдыр.” (Әл-мәҹәмул-сәғир, 1-ҹи ҹилд, сәһ.61.)
4. Исламдан хариҹ олмаг –һәзрәт Пејғәмбәр (с) бујурмушдур: “Намаз гылмајанын дини јохдур.” (Әл-мәҹәмул-сәғир, 1-ҹи ҹилд, сәһ.61.) “Намаз гылмајанын диндән пајы јохдур.” (Даимул-әмлам, 1-ҹи ҹилд, сәһ.133.) “Намазы тәрк едән, онун мүкафатына үмид бәсләмәјән, әзабындан горхмајан кәсин јәһуди, мәсиһи вә ја мәҹуси кими өлмәси әһәмијјәтсиздир.” (Ҹамиул-әхбар, сәһ.186, 462.)
5. Ҹәһәннәмә гатылма –Гурани-кәрим бујурур: “Бағлар арасында ҝүнаһкарлар һаггында бир-бирләриндән сорушарлар: “Сизи ода салан нә олду?” Дејәрләр: “Биз намаз гыланлардан дејилдик.” (Муддәссир сурәси, ајә 43.)
Һәзрәт Пејғәмбәр (с) бујурур: “Намазы биләрәкдән тәрк едән кәсин ады ҹәһәннәмин гапысында ораја дахил оланлар сырасында јазылар.” (Һилјәтул-әвлија, 7-ҹи ҹилд, сәһ.254.)
Ислам ганунларынын һөкм сүрдүјү өлкәләрдә беш вахт намаза хүсуси диггәт јетирилир вә адәтән, бу намазлар ҹәм шәкилдә иҹра олунур. Амма јенә дә намазын бәзи тәсирләринә лазымынҹа диггәт јетирилмир. Һәзрәт Фатимеји-Зәһрадан (ә) нәгл олунмуш бир һәдиси нәзәрдән кечирәк. Ҝөрүн намаза диггәтсизлијин неҹә аҹы нәтиҹәләри олур:
Һәзрәт Зәһра (ә) атасы Пејғәмбәрә (с) әрз етди: “Еј ата, намаза етинасызлыг ҝөстәрән киши вә гадынларын агибәти неҹә олаҹаг?” Һәзрәт Пејғәмбәр (с) бујурду: “Еј Фатимә! Намаза етинасызлыг ҝөстәрән киши вә гадынлары Аллаһ он беш бәлаја дүчар едәр: Бу бәлалардан алтысы дүнјада, үчү өлүм заманы, үчү гәбирдә, үчү исә гәбирдән хариҹ олан заман онлары јахалајар. Онларын дүнја һәјатында үзләшәҹәји бәлалар бунлардыр: Өмүрләринин, рузиләринин бәрәкәти олмаз, чөһрәләриндә салеһлик симасы олмаз, ҝөрдүкләри иш мүкафатландырылмаз, дуалары илаһи дәрҝаһа галхмаз, салеһләрин онлар һагда дуасындан фајдасы олмаз. Өлүм заманы гаршыја чыхан бәлалар бунлардыр: Дүнјадан зәлиланә ҝедиш, аҹ-сусуз һалда ҹан вермәк, беләсинә дүнјанын сују ичирилсә дә јанғысы сөнмәз. Гәбирдә инсаны јахалајан бәлалар бунлардыр: Гәбирдә бир мәләјә тапшырылар ки, она әзаб версин, гәбирдә сыхынтыда олар, гәбири гаранлыг олар. Намаза јүнҝүл јанашаны Гијамәтдә бу бәлалар јахалајар: Бир мәләјә әмр олунар ки, ону халгын ҝөзү габағында үзү үстә сүрүсүн, ағыр сорғуја дүчар олар. Аллаһ она лүтф нәзәри илә бахмаз. Беләси пакланмаз вә ағрылы әзаба дүчар олар.” (Рәһмани Һәмдани, “Фатимәтәз-Зәһра”, сәһ.27.)
Гүдси бир һәдисдә Аллаһ-тәала бујурур: “Еј итаәтсиз милләтләр, аси халглар, ҝүнаһкар ҹәмијјәтләр! Әҝәр рүку һалында гоҹалар, дуа һалында ҹаванлар, сүдәмәр көрпәләр, от-әләф јејән дөрд ајаглылар олмасајды ҝүнаһларыныза ҝөрә башыныза әзаб әләрдим; (Кәлимәтуллаһ, сәһ.76.) еј ҝүнаһкарлар, әҝәр аранызда иманлы, мәним ҹәлалым васитәси илә бир-бирини дост тутан, намазы илә мәсҹидләри абад едән, мәним горхумдан сүбһләр төвбә гылан инсанлар олмасајды башыныза әзаб әләрдим.” (Кәлимәтуллаһ, сәһ.550.)
Диҝәр бир рәвајәтдә һәзрәт Пејғәмбәрин (с) дилиндән белә нәгл олунур: “Нә гәдәр ки, мөмин инсан беш вахт намаза әмәл едир шејтан ондан горхур. Елә ки, беш вахт намаз заја чыхарылды, шејтан ҹүрәтләнир вә инсаны бөјүк ҝүнаһлара сөвг едир.” (Вәсаилуш-шиә, 3-ҹү ҹилд, сәһ.18.)
Имам Багир (ә) бујурур: “Бәндәдән һәр шејдән өнҹә намаз истәниләр. Намаз гәбул олунса, диҝәр әмәлләр дә гәбул олар. Һәгигәтән, намаз вахтында гылынса, јухары уҹалыб нурани бир һалда саһибинин јанына дөнәр вә дејәр: “Мәни һифз етдин, Аллаһ сәни һифз етсин.” Әҝәр намаз вахтында гылынмаса јухары галхыб саһибинин јанына зүлмәт һалында дөнәр вә дејәр: “Мәни заја чыхардын, Аллаһ сәни заја чыхарсын.” (Үсули-Кафи, 3-ҹү ҹилд, сәһ.268.)
Диҝәр бир рәвајәтдә һәзрәт Пејғәмбәрин (с) дилиндән белә нәгл олунур: “Нә гәдәр ки, мөмин инсан беш вахт намаза әмәл едир шејтан ондан горхур. Елә ки, беш вахт намаз заја чыхарылды, шејтан ҹүрәтләнир вә инсаны бөјүк ҝүнаһлара сөвг едир.” (Вәсаилуш-шиә, 3-ҹү ҹилд, сәһ.18.)
Имам Багир (ә) бујурур: “Бәндәдән һәр шејдән өнҹә намаз истәниләр. Намаз гәбул олунса, диҝәр әмәлләр дә гәбул олар. Һәгигәтән, намаз вахтында гылынса, јухары уҹалыб нурани бир һалда саһибинин јанына дөнәр вә дејәр: “Мәни һифз етдин, Аллаһ сәни һифз етсин.” Әҝәр намаз вахтында гылынмаса јухары галхыб саһибинин јанына зүлмәт һалында дөнәр вә дејәр: “Мәни заја чыхардын, Аллаһ сәни заја чыхарсын.” (Үсули-Кафи, 3-ҹү ҹилд, сәһ.268.)
