23 Јанвар 2018
ТӨВБӘ ВӘ ҜҮНАҺЫН НӘТИҸӘЛӘРИ
Сизи мүтләг сынаға чәкәрик, бир аз горху, бир аз да аҹлыг илә...
Дини, елми вә тәҹрүби ҹәһәтдән тәсдиг едилмишдир ки, инсанын бүтүн ишләринин һәм бу дүнјада, һәм дә ахирәт аләминдә нәтиҹәси вардыр. Бу мәсәләни бир биткинин јерә әкилмәси илә мүгајисә етмәк олар. Бу биткинин тохуму ҝүл олса, онун ҝәләҹәкдәки мәһсулу да ҝүл олаҹаг, јох әҝәр јерә әкилән биткинин тохуму тикан олса, ҝәләҹәкдә о јердә тикан битәҹәкдир. Башга сөзлә десәк, һәр бир әмәлин әкс-әмәли вардыр. Мисал үчүн, футбол топуну јерә вурмаг бир иш вә әмәл, онун бу тәзјиг нәтиҹәсиндә јердән галхмасына исә әкс-әмәл дејилир. Топун јердән неҹә галхмасы бизим ону јерә неҹә вурмағымыздан асылыдыр. Инсанын бүтүн ишләри беләдир. Амма диггәт олунмалы мәсәлә одур ки, әмәлләрин дә һәм ахирәт аләминдә, һәм дә бу дүнјада нәтиҹәси вардыр. Бу фәрглә ки, дүнјада олан нәтиҹәләр ахирәт аләми илә мүгајисәдә чох аздыр. Һәмчинин инсанын ҝөрдүјү ишләрин нәтиҹәси мүхтәлиф нөвләрдә мејдана чыхыр. Еләҹә дә нәзәрә алмалыјыг ки, бу дүнјада инсанын башына ҝәлән бәлалардан бир һиссәси онун етдији пис ишләрин нәтиҹәсидир. Бә’зи бәлалар исә мүәјјән адамларын тәрәгги етмәси вә тәкамүлә јетишмәсинә зәмин јарадыр.
“Бәгәрә” сурәсинин 155-ҹи ајәсиндә охујуруг:
«Сизи мүтләг сынаға чәкәрик, бир аз горху, бир аз да аҹлыг илә вә малларын, ҹанларын, мәһсулларын гытлығы илә. Сәбирли адамлара мүждә вер»!
Бу барәдә чохлу һәдисләр дә вар. О ҹүмләдән, Имам Садиг (ә) бујурур:
“Ән чох бәлаја дүчар оланлар (сынаға чәкиләнләр) пејғәмбәрләр, сонра онларын јолунун давамчылары, даһа сонра һәр дөврдә јахшы инсанлардыр».
«Сизи мүтләг сынаға чәкәрик, бир аз горху, бир аз да аҹлыг илә вә малларын, ҹанларын, мәһсулларын гытлығы илә. Сәбирли адамлара мүждә вер»!
Бу барәдә чохлу һәдисләр дә вар. О ҹүмләдән, Имам Садиг (ә) бујурур:
“Ән чох бәлаја дүчар оланлар (сынаға чәкиләнләр) пејғәмбәрләр, сонра онларын јолунун давамчылары, даһа сонра һәр дөврдә јахшы инсанлардыр».
