Шрифт өлчүсү:

13 Јанвар 2018

Пејғәмбәримизин (с) Әһли-бејтинә һөрмәтсизлик едәнләрә

Гуранда 18 груп шәхсләрә, етдији ҝүнаһлардан өтрү ләнәт ҝөндәрилиб.
«Лән» сөзү әслиндә рәһмәтдән узаглашдырмаг мәнасыны верир, лакин гәзәблә бирликдә олса.
Аллаһын рәһмәти бүтүн шејләрә шамил олур. Белә ки, “Әраф» сурәсинин 152-ҹи ајәсиндә бујурур: «Вә Мәним рәһмәтим бүтүн шејләри әһатә едиб».

Лакин буна бахмајараг, бәзи инсанлар өзләринин пис вә јарамаз әмәлләринин нәтиҹәсиндә елә бир мәгама чатырлар ки, (океанын ортасында галан, лакин ичинә бир дамла су да кечмәјән топ кими) Аллаһын рәһмәт дәрјасында онлара рәһмәт нәсиб олмур.

Гуранда ләнәтләнмиш шәхсләр бунлардыр:
Кафирләр вә мүшрикләр, инадкар јәһудиләр (һаггы инкар едиб бүтпәрәстләрлә сазиш етдикләринә ҝөрә), мүртәдләр, һијләҝәр ганун позанлар, әһд-пејман позанлар, һаггы ҝизләдәнләр, кафир шаһлар (јер үзүндә фәсад төрәтдикләринә ҝөрә), ики үзлү мүнафигләр, гатилләр, иблисә, итаәт едәнләр исмәтли гадынлара бөһтан атанлар, дүзҝүн јол тутан дөвләт рәһбәрләри илә мүхалифәт едәнләр, јалан шајиә јајанлар, гәлбләри, нијјәтләри пак олмајан шәхсләр вә јалан данышанлар.
Пејғәмбәримизин (с) вә Имамларымызын һәдисләриндә дә бәзи шәхсләрә ләнәт ҝөндәрилиб. Мәсәлән: Сәмави китаблары тәһриф едиб дәјишдирән вә она башга шејләр артыранлара;
Аллаһын гәза вә гәдәрини гәбул етмәјәнләрә;
Пејғәмбәримизин (с) Әһли-бејтинә һөрмәтсизлик едәнләрә;
Өн ҹәбһәдә вурушан әсҝәрләрә ҝөндәрилән јардымы мәнимсәјәнләрә;
Ҹамааты јахшы ишләрә, һидајәт јолуна дәвәт едиб өзү бу ишләри етмәјән, јахуд ҹамааты пис ишләрдән чәкиндириб, өзү исә пис ишлә мәшғул олан адамлара.