02 Декабр 2017
ҜҮНАҺЫН БУ ДҮНЈАДАКЫ НӘТИҸӘЛӘРИ ҺАГГЫНДА ГУРАН АЈӘЛӘРИ
«Нә гәдәр ки, инсанлар өз һалыны дәјишдирмир, Аллаһ онларын һалыны дәјишдирмәз.»
Гуранда ҝүнаһын нәтиҹәләри һаггында онларла ајә мөвҹуддур. Бурада о ајәләрдән бир нечәсини нәзәрдән кечирәк:1. «Бәгәрә» сурәсинин 59-ҹу ајәсиндә охујуруг:
«Залымлара зүлм етдикләри үчүн ҝөјдән әзаб назил етдик».
2. «Маидә» сурәсинин 49-ҹу ајәсиндә охујуруг: «Аллаһ онлары бәзи ҝүнаһларына ҝөрә ҹәзаландырмаг истәјир».
3. “Әнам» сурәсинин 6-ҹы ајәсиндә охујуруг: «Онлары етдикләри ҝүнаһа ҝөрә һәлак етдим».
4. “Әраф» сурәсинин 96-ҹы ајәсиндә охујуруг: «Онлары әмәлләринә ҝөрә ҹәзаландырдыг».
5. «Нәмл» сурәсинин 52-ҹи ајәсиндә Аллаһ-тәала бујурур: «Бу онларын евләридир ки, зүлм етдикләринә ҝөрә бош галыбдыр».
6. «Нуһ» сурәсинин 35-ҹи ајәсиндә охујуруг: «Онлар ҝүнаһларына ҝөрә гәрг олдулар».
7. «Шәмс» сурәсинин 14-ҹү ајәсиндә охујуруг: «Батдыглары ҝүнаһа ҝөрә Рәббләри ҝурултулу бир әзаб ҝөндәрди, онларын јурд-јувасыны јерлә јексан еләди ».
8. «Рәд» сурәсинин 11-ҹи ајәсиндә охујуруг: «Нә гәдәр ки, инсанлар өз һалыны дәјишдирмир, Аллаһ онларын һалыны дәјишдирмәз.»
9. «Мүтәффифин» сурәсинин 14-ҹү ајәсиндә охујуруг: «Хејр, елә дејил! Кафирләрин гәлби газандығы ҝүнаһлардан пас атмышдыр».
10. «Шура» сурәсинин 30-ҹу ајәсиндә охујуруг: «Башыныза нә мүсибәт ҝәлирсә, бу сизин өз ишләринизин нәтиҹәсидир. О, чохуну исә әфв едир».
Мараглы будур ки, Имам Әли (ә) дејир:
Пејғәмбәр (с) бујурурду ки: «Гуранда ән јахшы ајә бу ајәдир».
Сонра Пејғәмбәр (с) бујурур: «Еј Әли! Һәтта ади тахта парчасындан дәјән зәрәр вә инсанын ајағынын бүдрәмәси дә етдији ҝүнаһын нәтиҹәсидир».
