Шрифт өлчүсү:

29 Нојабр 2017

Гибләси дүнја олан инсанын Аллаһы јада салмасы имкансыздыр

Гурани-кәримдә вә дини рәвајәтләрдә билдирилир ки, инсанда гәфләт доғуран әсас сәбәбләрдән бири вар-дөвләт вә аилә-ушаға бағлылыгдыр. “Мүнафигун” сурәсинин 9-ҹу ајәсиндә бујурулур: “Еј иман ҝәтирәнләр! Малларыныз вә өвладларыныз сизи Аллаһы јад етмәкдән јајындырмасын.” Инсанда өз вар-дөвләтини гәпик-гәпик артырмаг һәвәси ону Аллаһдан вә гијамәтдән гәфләтдә сахлајыр. Әҝәр инсан бу бағлылыгда ифрата вармаса, вар-дөвләт вә аилә-ушаг фајдалы ола биләр. Гурани-кәрим һәмин немәтләрдән дүзҝүн фајдаланан инсанлары да јад едир: “Инсанлар вар ки, тиҹарәт, алвер онларын фикрини Аллаһдан гәфләтдә сахламаз.” (“Нур” сурәси, ајә: 37.) Демәк, инсан дүнја һәјатыны елә јашаја биләр ки, Аллаһын разылығыны газанар. Бәс буну неҹә етмәли?
Әҝәр дүнја ишләри инсан үчүн һәдәф оларса дүнја онун гибләсинә чевриләр. Гибләси дүнја олан инсанын Аллаһы јада салмасы имкансыздыр. Амма инсан Аллаһы вә гијамәти унутмадан дүнја вә онун немәтләринә васитә кими дә баха биләр. Сон мәгсәди Аллаһа јахынлашмагда ҝөрән инсан үчүн дүнја немәтләриндән истифадә ибадәтә чеврилә биләр. Јејәркән, јатаркән, истираһәт едәркән Аллаһы унутмајан инсан үчүн бу ишләр һеч дә горхулу дејил. Дүнја немәтләринә Аллаһын Өз бәндәсинә мәрһәмәти кими бахан инсан Аллаһы неҹә унуда биләр? Белә бир бахышла өвлада мәһәббәт гәфләт јох, ибадәт һесаб олунур.
Әлбәттә ки, белә бир бахыш јалныз өзүнүтәрбијәдән сонра мүмкүндүр. Садәҹә олараг билмәлијик ки, бу иш мүмкүндүр.