Шрифт өлчүсү:

07 Нојабр 2017

Намаз васитәси илә камала чатмаг үчүн намазда бәзи инҹәликләрә әмәл етмәк лазым ҝәлир.

Инсан камиллик јолуну кечиб һәгиги сәадәтә чатмаг үчүн һәм Аллаһ, һәм дә Аллаһын бәндәләри илә әлагәни мөһкәмләндирмәлидир. Аллаһла әлагәни мөһкәмләндирмәјин ән јахшы јолу намаздыр. Әлбәттә ки, дини вәһјә әмәл етмәк вә камиллијә чатмаг ајры-ајры мәсәләләрдир. Намаз гылыб оруҹ тутмаг садәҹә, вәзифәјә әмәл етмәкдир. Бу әмәлләрлә әзабдан гутармаг олар. Амма камиллијә чатмаг үчүн башга шәртләр вардыр. Намаз васитәси илә камала чатмаг үчүн намазда бәзи инҹәликләрә әмәл етмәк лазым ҝәлир.
İмам Садиг (ә) гүдси һәдисләрин бәјаны илә намазын бәзи гәбул шәртләрини ачыглајыр. Илкин шәртә ҝөрә намаз заманы Аллаһын әзәмәти унудулмамалыдыр. Инсан Аллаһын әзәмәтини даһа чох дәрк етдикҹә өз кичиклијини даһа чох анлајыб даһа чох тәвазө ҝөстәрир.
Аллаһын әзәмәтинин даһа јахшы дәрк олунмасы үчүн һәзрәт Пејғәмбәрдән (с) бир рәвајәт нәгл едирик: Пејғәмбәр (с) заманында әтир сатмагла мәшғул олан Зејнәб адлы бир гадын вар иди. О, ән јахшы әтирләрини һәзрәт Пејғәмбәрә (с) сатармыш. Бир ҝүн Зејнәб Һәзрәтдән (с) хаһиш етди ки, она Аллаһын әзәмәтиндән данышсын. Һәзрәт бујурду: «Сән Аллаһын хилгәтинин әзәмәтини дәрк етмәдән Онун әзәмәтини дәрк едә билмәзсән. Бу јер өз дәнизләри, дағлары, бөјүк шәһәрләри илә бирликдә биринҹи сәма үчүн сәһрадакы һалга кимидир. Биринҹи сәма икинҹи, икинҹи сәма үчүнҹү, нәһајәт, једдинҹи сәма Аллаһын әрши үчүн ҝениш бир сәһрадакы һалга мислиндәдир».
Һал-һазырда астрономлар бизим планетдән милјардларла ишыг или узагда олан планетләр кәшф едибләр. Јәни ҝүнәш системи һазыркы әзәмәти илә галактикада олдугҹа кичик бир системдир. Бу барәдә дәриндән дүшүндүкдә Аллаһын мәхлугунун әзәмәтиндән елә һејран олурсан ки, Аллаһын өз әзәмәти гаршысында бир сөз тапыб дејә билмирсән. Бу әзәмәт инсаны тәвазөјә вадар едир.