Шрифт өлчүсү:

01 Октјабр 2017

Һејиф ки, јазы елә алынды ки, Шәһријар Дел Ҝеранинин адыјла даһи Фүзулинин, Мәһәммәдһүсејн Шәһријарын адлары бир мәгаләдә һалланды.

Мәһәррәм ајы дахил олар-олмаз Елшад Мири кими илаһијјатчы дону ҝејинмәсә дә илаһијјатчы кими тәгдим едилән нурчу галығындан бир ҹүр чәкирик, Кәрбәланы ҝөзү ҝөтүрмәјән башга симасызлардан да бир башга ҹүр. Јенә дејәрсиниз ки, бу адамлар һагда јазыб бунлары мәшһур етмәјин. Сөзүм Шәһријар Дел Ҝерани адлы нә олдуғу дүз-әмәлли билинмәјән бир адамадыр. Јох, ону мәшһур етмәк фикрим јохдур, һеч мәшһур олан зад да дејил. Адамлар Иранда һәбс дә едилдиләр бир-ики ҝүн дилдән-дилә дүшдүләр, даһа сонра итиб-батдылар. Арада-бәрәдә мәшһур олмаг, "мән дә варам" демәк үчүн дә мүәјјән заман ҝөзләјирләр. Мәсәлән мәһәрәмлик ајынын ҝәлишини...
Демәли, сосиал шәбәкәдә Кәрбәлаја ҝетмәсијлә бағлы јазан бир мүғәннијә "мәсләһәт" вериб ки, мүғәнни Кәрбәлаја дејил, "Ахундов" китабханасына ҝетсин.
Әлбәттә, киши инди дүшүнүб ки, ҝүја нәсә фәлсәфи бир идеја ортаја гојуб. Даһа демир ки, дини, елм илә, мәсҹиди китабхана илә гаршы-гаршы гојан инсанлара чохдан тутарлы ҹаваблар верилиб. Өзү дә бу ҹаваблары верәнләр һеч дә Дел Ҝеранидән китаб охумагда дала галан дејилләр.
Дел Ҝеранинин ады Шәһријардыр, амма һеч рәһмәтлик Мәһәммәдһүсејн Шәһријарын дырнағы гәдәр дә дејил. Нә шеријјатда, нә китаб охумагда, нә хариҹи дил билмәкдә, нә дә мәнәвијјатда. Шәһријар Шәһријарлығы илә Кәрбәла ашиги иди. Һәлә Мәһәммәд Фүзули рәһмәтлији демирәм. Ҝөрәсән Имам Һүсејнин (ә) һәрәмини силиб-сүпүрмәклә өмрүнү баша вуран Фүзулинин Имам Һүсејнлә (ә) бағлы јаздыгларыны охумајыбмы Дел Ҝерани.
Бир һәгигәти дә унудур ки, бу ҝүн истәнилән мәсҹиддә китаб тапыб охумаг олур. Ола биләр мәсҹиддә Делҝеранинин мәнасыз, сәвијјәсиз шеирләри јазылан китаблар гојулмасын. Ахы бу бәшәр өвладынын нәјинә лазымдыр.
Мүғәннинин Кәрбәлаја ҝетмәсинә ҝәлдикдә исә, киши ҝедиб мәнәвијјат топласын. Инди Дел Ҝерани дејәр ки, мәҝәр Бакыда мәнәвијјат топламаг олмур? Нијә олмур? Лап јахшы олур! Амма Иранда шеир фестивалына гатылмагла Бакыда – шеирә гијмәт верилмәјән бир шәһәрдә шеир охумаг арасында нә гәдәр фәрг варса Кәрбәлада мәнәвијјат зәнҝинләшдирмәклә Бакыда бу иши ҝөрмәк арасында да о гәдәр фәрг вар. Сән әҝәр "Ахундов" китабханасына ҝедәнсәнсә бәс Иранда нә ишин вар иди? "Ахундов" китабханасыны гојуб нә үчүн Ирана јолланмышдын. Шеир јазмагданса ҹамаатын баш-бејнинин сәрсәм шеирләрлә апармагданса ҝет китабханада "етикаф" сахла да.
Иран, Шәһријар, Фүзулидән сөз дүшмүшкән. Һејиф ки, јазы елә алынды ки, Шәһријар Дел Ҝеранинин адыјла даһи Фүзулинин, Мәһәммәдһүсејн Шәһријарын адлары бир мәгаләдә һалланды. Билмәк олмаз, бәлкә Дел Ҝерани Шәһријары, Фүзулини дә өтүб кечәҹәк. Нијә дә олмасын. Амма Дел Ҝерани унутмасын ки, бу "гафа" илә о "Биләҹәридән о тәрәфә" ҝетсә дә Иранда олдуғу кими тутуб ону сәрсәм фикирләринә ҝөрә ја һәбс едиб тәнбиһ едәҹәкләр, ја да дејәҹәкләр гардаш, сән Аллаһ ҝет һардан ҝәлмисән ора, шәривү биздән узаг елә.
İран шаирләри Имам Һүсејнә (ә) олан мәһәббәтләринә ҝөрә даһа чох севилирләр, амма һејиф ки, биздә совет әдәбијјаты чүрүјүб јерини Делҝерани кими шаирләр тутмаға башлајыр.