09 Сентјабр 2017
Гәлби јалныз иман нуру илә ишыгландырмаг олар
Заһир ҝөзү кор олан инсан Аллаһы ҝөрә билирсә, гәлб ҝөзү кор олан инсан Аллаһдан гәфләтдә галыр
Инсанын һәјаты онун гәлбиндән вә руһундан асылыдыр. Инсан ҹисмини идарә едән, әзалара мәгсәдли һәрәкәт верән шеј руһдур. Демәк, инсанын сәадәти онун гәлбинин неҹәлијиндән асылыдыр. Ҹисим хәстәләндији кими, руһ да хәстәләнә биләр. «Шуәра» сурәсинин 89-ҹу ајәсиндә бујурулур: «Сағлам гәлблә Аллаһын һүзуруна ҝәләндән савајы (кимсә фајда ҝөрмәз)».Руһун хәстәликләринә әһәмијјәт вермәмәк олмаз. Әҝәр организмин хәстәлији јалныз дүнја һәјатында әзијјәтлидирсә, руһун хәстәлији әбәди ахирәт әзабы илә нәтиҹәләнә биләр. Хәстә гәлб әтрафда Аллаһын нишанәләрини ҝөрүб Онун һүзурунда олдуғуну һисс едә билмир. Белә инсан бүтүн өмрүнү күфр, ҝүнаһ, чашгынлыг ичиндә кечирир. Заһир ҝөзү кор олан инсан Аллаһы ҝөрә билирсә, гәлб ҝөзү кор олан инсан Аллаһдан гәфләтдә галыр. Белә инсан гијамәт сәһнәсинә кор ҝәтириләр. «Таһа» сурәсинин 125-ҹи ајәсиндә охујуруг: «Пәрвәрдиҝара, мәни нә үчүн кор мәһшур етдин, ахы мәним ҝөзүм варды?!»
Ајә вә һәдисләрдә тәкрар-тәкрар хәбәрдарлыг едилир ки, гәлби јалныз иман нуру илә ишыгландырмаг олар. Билдирилир ки, күфр, тәфригә, ҝүнаһ, өзбашыналыг инсан гәлбини зүлмәтә бүрүјән амилләрдир.
İмам Багир (ә) бујурур: «Гәлб үч ҹүр олур: һеч бир хејри дәрк етмәјән дағыныг кафир гәлби, хејирлә шәрин мүбаризә мејданына чеврилмиш гара нөгтәли гәлб, һеч заман сөнмәјәҹәк бир чырагла ишыгландырылмыш мөмин гәлби.
