25 Ијул 2017
Әмирәлмөминин Имам Әлинин (ә) һикмәтли кәламлары
Һәр кәсин сөзләри онун шәхсијјәтини танытдыран әвәзләјиҹидир
Мөминин гәнимәти һикмәт әлдә етмәкдир. Һәр кәс дин әлдә едибсә ниҹат тапаҹаг. Фәзиләтлә ифтихар етмәк, нәсиллә фәхр етмәкдән үстүндүр. Нәфсинин шәриндән аманда олан шәхс гуртулар. Инсанын зирәклији онун әсли-нәҹабәтинә бағлыдыр.Ниҹат дүзҝүнлүкдәдир. Һәр бир үрәк бир шејә мәшғулдур. Онун немәтинә нашүкүр олмағын ахыры јохдур. Һәр кәсин сөзләри онун шәхсијјәтини танытдыран әвәзләјиҹидир. Һаггы гәбул етмәк диндәндир.
Гәлбин гүввәти сәһиһ иманын нәтиҹәсидир. Һәрислик һәрис инсанын гатилидир. Һәр бир иши тәдбир вә өлчүб-бичмәклә ҝөр ки, хошаҝәлмәзликләрдән узаг оласан. Һәр кәсин дәјәри онун елми, билији гәдәрдир. Һәр кәсин јолдашы онун дининин ҝөстәриҹисидир.
Шәр инсанлара јахын олмаг зијан ҝәтирәр. Гәлбин бәрклији тохлугдандыр. Һәр кәсин дәјәри онун һиммәти гәдәрдир. Аллаһ кәламы гәлбләрин дәрманыдыр. Сәхавәтли кафир беһиштә пахыл мөминдән даһа јахындыр.
Нашүкүрлүк немәти арадан апарыр. Гоҹа үчүн гоҹалыг дәрди бәсдир. Пахылдан өтрү пахыллыг дәрди бәсдир. Елмин камалы һелм (һәлимлик, хошрәфтарлыг) иләдир. Үзүрхаһлыг бағышланмағы тәкмил едир.
Дүнјадан өтрү бу нөгсан бәсдир ки, вәфасы јохдур. Өлүмүн олдуғуну билмәк гәм-гүссә үчүн кифајәтдир. Ағ түк өлүмүн еланы үчүн кифајәтдир. Әҝәр рәһм етсән сәнә дә рәһмәт едәрләр. Сән бекар вә ишсиз олдуғун мүддәтдә хошаҝәлмәзсән.
