Шрифт өлчүсү:

30 Ијун 2017

Јер күрәси ҝүнәшә јахынлашарса, од тутар, узаглашарса, бузлашар.

Бәзиләри елә дүшүнә биләр ки, тәгва инсанын азадлығыны мәһдудлашдырыр. Тәәссүф ки, Ислам һаггында да бу фикирдә оланлар вар. Амма билмәк лазымдыр ки, бүтүн каинатда мүтләг ганунлар һөкм сүрүр. Јер күрәси ҝүнәшә јахынлашарса, од тутар, узаглашарса, бузлашар. Јер өз орбитиндән чыхыб «азад» оларса, һәјат бир анда мәһв олар. Демәк, һәр бир варлығын «орбити» вардыр вә бу «орбит»дән чыхан варлыг мәһвә мәһкумдур.
Бу ҝүнкү дүнјанын ән актуал мөвзусу олан демократија мүтләг азадлыг мәнасында баша дүшүлмәмәлидир. Инсан хошбәхт олмаг истәјир. Демәк, онун мәгсәди вардыр. Мәгсәд варса, мәгсәдә апаран јол да вар. Бу јолдан чыхмаг азадлыг јох, нәфсин әсарәтинә дүшмәкдир. Бу ҝүн һиҹабы, өртүјү гадын азадлығы үчүн бухов биләнләрлә чијин-чијинә гадынлыг һаггы тәләб едән «мави кишиләр» дајаныр. Кишинин гадынлыг етмәси азадлыгдырмы?! Гадынын фаһишәлик һаггы вармы?!
Һәзрәт Әли (ә) бујурур: «Исламдан үстүн шәрафәт, тәгвадан үстүн иззәт јохдур». Бәли, Ислам, еләҹә дә тәгва инсанын сәадәтини тәмин едир, ону камиллијә апарыр. Ислам дини «Аллаһын сәни азад јарадыб, башгасына гул олма» шүары илә чыхыш едиб, әсарәтә гаршы чыхыр. Шәхсијјәти, инсанлығы, әхлагы, мүгәддәслији горумаг азадлыға зидд дејилдир. Әксинә, дүнјанын нәһәнҝ әхлагсызлыг тәблиғатына гул олуб Аллаһы унутмаг, ҝүнаһдан чәкинмәмәк әсл әсарәтдир!