Шрифт өлчүсү:

31 Мај 2017

Чох инсанлар вар ки, ҝөзәл вә ҝүҹлү бәдәнләри вар, амма руһлары арыг, чиркин вә ҝүҹсүздүр.

Инсанын ҹисми идмансыз зәиф, арыг вә ҝүҹсүз олур. Ким олурсунуз олун, нә гәдәр ҝүҹлү, мөһкәм олсаныз да әҝәр идман етмәсәниз, јејиб-ичиб јатсаныз бәдәниниз зәиф олаҹаг. Буна шүбһә јохдур. Нә гәдәр ки, идман етмирсиниз, бәдәниниз лазыми гәдәр инкишаф едә билмәјәҹәк. Онун бир сыра ҝөзәлликләри дә вар ки, идман онлары ашкара чыхараҹаг. Идмансыз олмаз. Сизин руһунуз да ејнилә бу ҹүрдүр. Идмансыз, мәшгсиз, ријазәтсиз ҝүҹлү олмасы мүмкүн дејил. Чох инсанлар вар ки, ҝөзәл вә ҝүҹлү бәдәнләри вар, амма руһлары арыг, чиркин вә ҝүҹсүздүр. Бу, ишә јарамыр. Бүтүн ибадәт буна ҝөрәдир ки, биз идман едәк, тәрбијә олунаг вә ирәлиләјәк. Әлбәттә, ибадәтләри дә танымаг лазымдыр. Ибадәтләрин јалныз ҹисми лазым дејил. Ибадәтин дә ҹисми вә руһу вар. Јалныз ибадәтин ҹисми кифајәт дејил. Инсан намаз гылса, лакин намаз һалында өз зикринә диггәт етмәсә, нә дедијини билмәсә, киминлә данышдығыны билмәсә, намазын сөзләрини үмумиликдә гафилҹәсинә десә бу намаз фајдасыздыр.
Əлбәттә, әрәб дилини билмәјән, бу ҹүмләләрин мәнасыны баша дүшмәјән инсанлар Аллаһла данышдыгларыны, онун гаршысында дурдугларыны билсәләр кифајәтдир. Бу да бир сәмәрәдир. Амма чалышын намазын мәнасыны өјрәнин. Намазын мәнасыны өјрәнмәк чох асан ишдир. Бу, бир нечә ҹүмләнин мәнасыны (тәрҹүмәсини) чох тез өјрәнә биләрсиниз. (Чалышын) Намазы мәнасына диггәт јетирәрәк гылын. Јалныз бу намаз һәр бир тәгвалы инсаны Аллаһа јахынлашдыран намаз ола биләр. ("Әл-Кафи фи әл-үсул", ҹ. 3, сәһ. 265) Намаз инсаны Аллаһа јахынлашдырандыр. Амма тәгвалы инсанлары јахынлашдырыр.

Ајәтуллаһ Сејид Әли Хаменеи