Шрифт өлчүсү:

18 Апрел 2017

Еј пејғәмбәр, сән Аллаһдан истә ки, һакимин гызына шәфа версин.

Һәзрәт Иса (ә) сәһабәләриндән биринин евинә ҝедирди. Јолунун үстүндә бир битки ҝөрдү. Битки һәзрәт Исаја (ә) деди: - Мән бу шәһәрин һакиминин гызынын хәстәлијинин дәрманыјам.
İса пејғәмбәр ондан бир гәдәр дәриб, ҹибинә гојду вә өз сәһабәсинин евинә ҝетди. Орада пејғәмбәрә дедиләр ки, һакимин гызы хәстәдир вә тәбибләр онун хәстәлијини мүалиҹә едә билмәјибләр. Һаким дејиб ки, һәр ким гызымы мүалиҹә етсә, онун һәр нә истәји варса јеринә јетирәҹәјәм.
Еј пејғәмбәр, сән Аллаһдан истә ки, һакимин гызына шәфа версин. Гыз шәфа тапса һакимдән һагг динә ҝәлмәсини истәјәрсән. Онда лап јахшы олар.
Һәзрәт Иса (ә) һакимә ҝәлмәси барәдә хәбәр ҝөндәрди, сонра һакимин гәсринә ҝетди. Һәзрәт јолда ҝөтүрдүјү биткидән дәрман һазырлајыб гыза верди. Анҹаг бир нечә ҝүн кечсә дә дәрман тәсир етмәди. Һәзрәт Иса (ә) дәрманын тәсир етмәдијини ҝөрүб шәһәрдән чыхды. Онун ҝәлән ил јолу јенә һәмин јердән дүшдү. Јенә һәмин биткини ҝөрдү. Битки кечән ил дедији сөзү тәкрар етди. Иса (ә) она деди: - Сән кечән ил дә бу сөзү дедин. Анҹаг һеч бир тәсир ҝөстәрә билмәдин вә мәним абрым ҝетди.
Битки деди: - Нечә илдир ки, Аллаһ мәни бу хәстәлијин мүалиҹәси үчүн јаратмышдыр. Лакин тәсир ҝөстәрмәјә иҹазә вермәмишди. Бу ил тәсир етмәјә әмр етмишдир.
“Һәмд олсун о Аллаһа ки, истәдији һәр иши едир вә Ондан гејриси истәдији иши етмәјә гадир дејил”. (“Мәфатеһул-ҹинан”, Мәғриб намазынын тәгибиндә охунан дуа)

Гајнаг: “Әл-кафи”, ҹ. 2, сәһ. 529.
Һазырлады: Сејид Заһир