Шрифт өлчүсү:

05 Декабр 2016

Инди әҝәр бир ҝеҹә, ҝеҹә (нафилә) намазым гәзаја ҝетсә, сәһәри ҝүнү мәнә назил олаҹаг бәланы ҝөзләјирәм.

Шејх Нохудәки ләгәби илә мәшһур олан бөјүк ариф Һәсәнәли Исфаһани өз оғлуна вәсијјәт едәрәк дејир:
Əҝәр бир нәфәр гырх ҝүн ријазәт вә ибадәтлә мәшғул олса, анҹаг бир дәфә сүбһ намазы гәзаја ҝетсә, онун гырх ҝүн ибадәтинин нәтиҹәсинин дәјәри олмајаҹаг вә пуча дөнәҹәк.
Оғлум! Бил ки, өмрүм боју јалныз бир дәфә сүбһ намазым гәзаја ҝетди. Һәмин ҝүнүн ахшамы бир оғлан өвладым вәфат етди. Һәмин ҝеҹә сәһәрә јахын рөја аләминдә мәнә дедиләр ки, сүбһ намазыны гәзаја вердијин үчүн бу мүсибәтә дүчар олдун.
İнди әҝәр бир ҝеҹә, ҝеҹә (нафилә) намазым гәзаја ҝетсә, сәһәри ҝүнү мәнә назил олаҹаг бәланы ҝөзләјирәм.
Оғлум! Сәнә тапшырырам ки, намазыны илк вахтда гыл вә баҹардығын гәдәр ҝеҹә намазындан гафил олма.
İмам Рза (ә) һәрәминин мүһафизәчиләринин рәиси дејир:
Чох сојуг гыш ҝеҹәләриндән бири иди вә гар јағырды. Ҝеҹәнин ахырында ҝөстәриш вердим ки, һәрәмин бүтүн гапыларыны бағласынлар. Хадимләрдән бири Шејх Һәсәнәлинин һәрәмин дамында ҝүнбәзин јанында намаза мәшғул олдуғуну хәбәр верди вә деди ки, Шејх намаз гылыр вә бир мүддәтдир ки, рүкуја ҝетмишдир. Нечә дәфә ону хәбәрдар етмәк үчүн ҝетдим, анҹаг рүкуда ҝөрдүм.
Хадимә дедим ки, Шејхлә ишин олмасын, анҹаг дамын арха отағына бир аз одун гој. Шејх намазы гуртардыгдан сонра орада исинсин.
О ҝеҹә Мәшһәдә бәрк гар јағды. Сәһәр вахты гапылары ачмаг үчүн һәрәмә ҝәлдим. Һәмин хадимә дедим ки, ҝет ҝөр Шејх нејнир. Хадим бир нечә дәгигәдән сонра ҝәлиб деди: - Шејх һәлә рүкудадыр вә күрәји гарла өртүлүб.
Мәлум олду ки, Шејх ҝеҹәнин әввәлиндән сәһәрә гәдәр рүкуда олмуш, бәрк сојуғу әсла һисс етмәјиб.

Гајнаг: “Нишани әз бинишанһа”, сәһ. 31.

Һазырлады: Сејид Заһир