Шрифт өлчүсү:

24 Октјабр 2016

Ислам тәслим олмаг демәкдир

Гурани-кәримин бәзи ајәләриндә “Ислам” вә ондан дүзәлән диҝәр сөзләрдән истифадә олунмушдур. (“Али-Имран” сурәси, ајә: 19 вә 85; “Бәгәрә” сурәси, ајә: 28; “Һүҹурат” сурәси, ајә: 14; “Зухруф” сурәси, ајә: 69 вә с.)
İслам дедикдә бәзән инсаны Аллаһ-таалаја там тәслим етмәк истәјән илаһи динләрин, бәзән Аллаһын јеҝанәлији вә Онун рәсулу һәзрәт Мәһәммәдин (с) һагг олмасына дилдә шәһадәт вермәк, бәзән дә иман нәзәрдә тутулур. (“Јунис” сурәси, ајә: 84.)
Үмуми шәкилдә белә бир нәтиҹә чыхармаг олар ки, Ислам тәслим олмаг демәкдир. Гәлбән Исламы гәбул етмәк иман адланан етираф вә јәгиндән, дилдә Исламы гәбул етмәк, ону играр едиб шәһадәт вермәкдән, бәдәни вә хариҹи ҝөрүнүшүлә Исламы гәбул етмәк Аллаһ-тааланын әмрләрини јеринә јетирмәкдән, Исламы мүтләг гәбул етмәк исә инсанын бүтүн јөнләринә аид “тәслим”чиликдән ибарәтдир. Тәбии ки, белә бир Ислам һәмишә иманла бирҝәдир. Беләҹә, һәр бир мүсәлманы мөмин дә адландырмаг олар. Лакин Ислам бәзән јалныз дилдә, јахуд әмәлдә ҝөрүнүр. Гурани-кәрим белә инсанлары дахилән кафир олмалары ашкарланана гәдәр мүсәлман һесаб едир.