07 Октјабр 2016
“Мән дә көнүллү әсҝәрәм”
Еј ҹаван! Нијә кәнарда дајаныб бахырсан? Ҝәл көмәк елә.
Ираг-Иран мүһарибәсиндән ибрәтли бир хатирә...Бу һәгиги Ислам сәркәрдәси һәмишә чијниндән әзијјәт чәкирди. Она ҝөрә дә ағыр јүк галдыра билмирди. Бир ҝүн анбардакы чатышмазлыглардан хәбәрдар олмаг үчүн ора ҝетди. Анбарын рәиси Һаҹы Әмируллаһ ағсаггал бир киши иди. Шәһид Бакири анбара ҝәләндә Һачы Әмируллаһ сәккиз ҹаван әсҝәрлә камјонун јүкүнү бошалдырды. Һаҹы Әмируллаһ, Бакирини үздән танымырды. Онун бир тәрәфдә дурдуғуну ҝөрүб деди: Еј ҹаван! Нијә кәнарда дајаныб бахырсан? Ҝәл көмәк елә. Ҹәбһәјә ҝәлмисән, ҝәрәк ишләјәсән. Јадда сахла, бу ҝүндән сонра вә вахт лазым олса, ҝәрәк бу сәккиз нәфәрә көмәк едәсән. Баша дүшдүн, ја јох? Мүһарибәләр ҝөрмүш бу әсҝәр сәмимијјәтлә ҹаваб верди: Бәли, ҝөзүм үстә. О, јаралы чијни илә чох чәтинликлә дә олса, јүкләри бошалтды. Ҝүнортаја јахын Аға Тејјуб статистиканы вермәк үчүн ора ҝәлди. Саламдан сонра Һаҹы Әмируллаһ она деди: Бу ҝүн бир ҹаван бизә јахшыҹа көмәк етди. Амма һансы бөлүкдә олдуғуну билмирәм. Истәјирәм ҝедиб, Бәсирәтијә дејим ки, ону бизим бөлүјә кечиртсин. Тејјуб сорушду: Һансы әсҝәри дејирсән? О, Меһдини ҝөстәрди. Тејјуб тез ҝедиб јүкү онун чијниндән алды вә нараһатлыгла Һаҹыја деди: Һеч билирсән бу кимдир? Бу бизим командиримиздир. Һаҹы Әмируллаһ вә әсҝәрләр тәәҹҹүбләндиләр. Шәһид Бакири онларын үзүндән өпүб деди: Мән дә бир көнүллү әсҝәрәм.
