03 Октјабр 2016
Мүавијәнин Имам Һүсејнин (ә) гијамындан ниҝаранчылығы
«Мән инанмырам ки, о, гијам етмәсин.»
Елә һәмән ҝүнләрдә Мүавијә тәрәфиндән бир ил Мәдинәјә вали сечилмиш Мәрван ибн Һәкәм Мүавијәјә јазыр: «Әмр ибн Осман хәбәр вериб ки, Ираг вә Һиҹазын нүфузлу шәхсијјәтләри Имам Һүсејн әлејһиссәламын јанына ҝет-ҝәл едирләр.» Даһа сонра билдирмишди: «Мән инанмырам ки, о, гијам етмәсин.» Мәрван мәктубда әлавә едиб демишди: «Бу һагда ахтарыш апармышам. Әлдә олан мәлумата ҝөрә һәлә онун гијам етмәк фикри јохдур. Анҹаг инанмырам ки, ҝәләҹәкдә дә бу ҹүр олсун. Инди бу барәдә өз фикрини билдир.»Мүавијә бу хәбәри ешитдикдән сонра Мәрванын мәктубуна ҹавабындан әлавә ашағыдакы мәзмунда Һүсејн ибн Әли әлејһиссәлама да бир мәктуб јазды:
«Сәнин ҝөрдүјүн бәзи ишләр барәдә мәнә хәбәр чатмышдыр. Әҝәр бунлар доғрудурса, мән сәни бу ишләрә лајиг ҝөрмүрәм. (Бу ишләр сәнә јарашмаз.) Анд олсун Аллаһа, ким бир нәфәрлә әһд бағласа, ҝәрәк әһдинә вәфа етсин. Әҝәр мәнә ҝәлиб чатан хәбәрләр јалан оларса, сән бу ишә (әһдә вәфалы олмаға) ән лајиг адамсан. Өзүндән муғајат ол вә әһдинә вәфа ет. Әҝәр мәнимлә мүхалифәтчилик етсән, мүхалифәтчиликлә, әҝәр пислик етсән, писликлә үзләшәрсән. Үммәтин арасында ихтилаф салмагдан чәкин.» (Ихтијару мәрифәтир-риҹал, сәһ.48.)
